完整藏文原文 · 德格版页 当前仅加载第 40 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེའི་མཚན་ནས་བརྗོད་ཅིང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་བདེན་པ་དང་།
D50.040.0066b01.01བདེན་པའི་ཚིག་གང་གིས་ཀླུ་བརྒྱ་ཕྲག་མང་པོ་དང་། ཀླུ་སྟོང་ཕྲག་མང་པོ་དང་། ཀླུ་བརྒྱ་སྟོང་ཕྲག་མང་པོ་དང་། ཀླུ་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་སྡུག་བསྔལ་བར་གྱུར་པ་དག་ཐར་བར་མཛད་ཅིང་ཐར་བར་མཛད་ནས་ཀྱང་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོས་ཏེ།
D50.040.0066b02.01དགེ་བའི་རྩ་བ་འདིས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་གང་གི་ཚེ་འཇིག་རྟེན་གྱི་ཁམས་གཞན་དང་། གཞན་དག་ཏུ་ཀླུ་ཁྲོ་བོ་དག་གིས་འཁོར་ལོ་དྲག་པོ་ལྟ་བུའི་སེར་བ་འབེབས་པར་བྱེད་པས། དེ་ན་སེམས་ཅན་གང་
D50.040.0066b03.01དག་འཇིགས་ཤིང་སྐྲག་པར་གྱུར་པ་དེ་དག་བདག་གི་མཚན་ནས་བརྗོད་པར་འགྱུར་ཞིང་དེར་བདག་གི་མཐུས་འཁོར་ལོ་དྲག་པོ་ལྟ་བུའི་སེར་བ་དེ་དག་ཉེ་བར་ཞི་བར་གྱུར་ཅིག་ཅེས་ཡོངས་སུ་བསྔོས་པའི་བདེན་པ་དང་། བདེན་པའི་ཚིག་དེས་བདག་ཅག་ལ་འཁོར་ལོ་དྲག་པོ་ལྟ་བུའི་སེར་བ་
D50.040.0066b04.01འབབ་པ་འདི་དག་ཉེ་བར་ཞི་བར་གྱུར་ཅིག་ཅེས་བརྗོད་པ་ཙམ་གྱིས་ན་ཀླུ་རྣམས་ཀྱི་འཁོར་ལོ་དྲག་པོ་ལྟ་བུའི་སེར་བ་དེ་དག་ཉེ་བར་ཞི་བར་འགྱུར་ཏེ། ཤ་ར་དྭ་ཏིའི་བུ་སེམས་ཅན་དེ་དག་གི་སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་སོ། །ཤ་ར་དྭ་ཏིའི་བུ་གཞན་ཡང་རིགས་ཀྱི་
D50.040.0066b05.01བུ་འམ་རིགས་ཀྱི་བུ་མོ་དག་འཇིགས་པ་འམ། སྐྲག་པ་འམ། ཡམས་ཀྱི་ནད་དམ། གནོད་པ་བྱུང་བར་གྱུར་པ་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་རྗེས་སུ་དྲན་པར་བྱ་ཞིང་། བཅོམ་ལྡན་འདས་དེ་
D50.040.0066b06.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་བདེན་པ་དང་། བདེན་པའི་ཚིག་གང་གིས་དམ་བཅས་པ་དང་། ཚིག་བརྗོད་པ་གང་ཡིན་པའི་དམ་བཅས་པ་དང་། ཚིག་བརྗོད་པ་དེ་དག་ཐམས་ཅད་
D50.040.0066b07.01