完整藏文原文 · 德格版页 当前仅加载第 40 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་བསྟན་པ་དེ་བཞིན་དུ་ཀུན་དུ་ཤེས་པར་འགྱུར་བའི་ཕྱིར་རོ། །ཤ་ར་དྭ་ཏིའི་བུ་སངས་རྒྱས་ཀྱི་ཞིང་དེ་ན་མཚམས་མེད་ལྔ་པོ་དག་སྟོན་པ་ནི་ཐམས་ཅད་ཀྱི་ཐམས་ཅད་དུ་མེད་དེ། དེ་ན་མཚམས་མེད་པའི་སྒྲ་ཡང་མི་འབྱུང་ངོ་། །ཤ་ར་
D50.040.0032a01.01དྭ་ཏིའི་བུ་ཉན་ཐོས་དེ་དག་ནི་རྙེད་པ་དང་། བཀུར་སྟི་ལྷུར་ལེན་པ་མ་ཡིན་ཞིང་། ལྷུང་བཟེད་དང་། ཆོས་གོས་ལྷུར་ལེན་པ་ཡང་མ་ཡིན་ཏེ། དེ་དག་ནི་ཐམས་ཅད་ཀྱི་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་ཆོས་གོས་དང་། ཡོ་བྱད་ལྷུར་ལེན་
D50.040.0032a02.01པ་མ་ཡིན་ནོ། །ཤ་ར་དྭ་ཏིའི་བུ་དེ་དག་ལ་རྙེད་པ་དང་། བཀུར་སྟིའི་བསམ་པ་ལས་བཟླ་བའི་ཕྱིར་ཆོས་བསྟན་པར་བྱ་མི་དགོས་ཏེ། དེ་ཅིའི་ཕྱིར་ཞེ་ན། ཤ་ར་དྭ་ཏིའི་བུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D50.040.0032a03.01སངས་རྒྱས་མི་འཁྲུགས་པ་དེའི་སངས་རྒྱས་ཀྱི་ཞིང་ན་ཉན་ཐོས་དེ་དག་ནི་འདོད་པ་ཆུང་བ་དང་། ཆོག་ཤེས་པའི་ཕྱིར་རོ། །ཤ་ར་དྭ་ཏིའི་བུ་ཡང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་ཇི་ལྟར་ང་ད་
D50.040.0032a04.01ལྟར་ཉན་ཐོས་རྣམས་ལ་བསླབ་པ་འཆའ་བ་དེ་ལྟར་ཉན་ཐོས་རྣམས་ལ་བསླབ་པ་འཆའ་བར་མི་མཛད་དོ། །དེ་ཅིའི་ཕྱིར་ཞེ་ན། ཤ་ར་དྭ་ཏིའི་བུ་ཉན་ཐོས་དེ་དག་ལ་སྐྱོན་མེད་པའི་ཕྱིར་ཏེ། དེ་ལ་བསླབ་པ་ནི་འདི་ཁོ་ན་སྟེ། འདི་ལྟར་སྟོང་པ་ཉིད་དང་། མཚན་མ་
D50.040.0032a05.01མེད་པ་དང་། སྨོན་པ་མེད་པ་རྗེས་སུ་དྲན་པར་བྱེད་པའོ། །ཤ་ར་དྭ་ཏིའི་བུ་ཇི་ལྟར་ད་ལྟར་མི་བླུན་པོ་ཁ་ཅིག་ངའི་བསྟན་པ་ལ་རབ་ཏུ་བྱུང་ནས་ངའི་བསླབ་པའི་གཞི་འདྲལ་བར་བྱེད་པ་དེ་ལྟར་ཉན་ཐོས་དེ་དག་ལ་བསླབ་པའི་གཞི་འདྲལ་བར་བྱེད་པ་མེད་དོ། །དེ་ཅིའི་ཕྱིར་
D50.040.0032a06.01ཞེ་ན། ཤ་ར་དྭ་ཏིའི་བུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེའི་སངས་རྒྱས་ཀྱི་ཞིང་ན་ཉན་ཐོས་འདུས་པ་ནི་ཅང་ཤེས་པ་ཤ་སྟག་ཡིན་ལ། ཤ་ར་དྭ་ཏིའི་བུ་བཅོམ་ལྡན་འདས་དེ་བཞིན་གཤེགས་
D50.040.0032a07.01