完整藏文原文 · 德格版页 当前仅加载第 40 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་སྟེ། ཤ་ར་དྭ་ཏིའི་བུ་ངས་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པའི་དྲུང་དུ་བཏང་བ་དེ་དག་ནི་ངས་ཡོངས་སུ་སྤངས་པ་མ་ཡིན་ནོ། །ཤ་ར་དྭ་
D50.040.0039b01.01ཏིའི་བུ་འདི་ལྟ་སྟེ། དཔེར་ན་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་མཐུ་དང་། སྟོབས་དང་། བརྩོན་འགྲུས་ཐོབ་པ་ཞིག་རྒྱལ་སྲིད་འདོད་པ་དང་། ནོར་འདོད་པ་དང་། ཡུལ་འདོད་པའི་ཕྱིར་འཐབ་ཟླའི་རྒྱལ་པོའི་གན་དུ་འགྱེད་ཅིང་འཐབ་ཏུ་སོང་བ་དང་། དེ་ནས་
D50.040.0039b02.01འཐབ་ཟླའི་རྒྱལ་པོ་དེས་རྒྱལ་པོ་དེ་རྒྱལ་སྲིད་འདོད་པ་དང་། ནོར་འདོད་པ་དང་། ཡུལ་འདོད་པའི་ཕྱིར་འགྱེད་ཅིང་འཐབ་ཏུ་འོང་ངོ་ཞེས་ཐོས་སོ། །དེ་སྐད་ཐོས་ནས་རྒྱལ་པོ་དེས་འདི་སྙམ་དུ་གང་དག་རིན་པོ་ཆེ་རྣམས་དང་། བཙུན་མོའི་འཁོར་རྣམས་དང་། བུ་དང་། བུ་
D50.040.0039b03.01མོ་རྣམས་དང་། གང་དག་འཐབ་པར་མི་ནུས་པའི་གཞོན་ནུ་དེ་དག་ཐམས་ཅད་གང་ན་རྒྱལ་པོའི་དཔུང་ཡོད་པ་དང་། ཐུལ་བར་དཀའ་བ་དེར་བཀྱེ་ན་བདེ་བར་གནས་པར་འགྱུར་གྱི། འདི་ན་ནི་སྡུག་བསྔལ་བར་འགྱུར་རོ་སྙམ་ནས་གྲོང་ཁྱེར་གཞན་ཞིག་ཏུ་བསྐུངས་སོ། །
D50.040.0039b04.01ཤ་ར་དྭ་ཏིའི་བུ་དེ་བཞིན་དུ་ངས་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པའི་དྲུང་དུ་བཏང་བ་དེ་དག་ཀྱང་ངས་ཡོངས་སུ་སྤངས་པ་མ་ཡིན་ཏེ། ཤ་ར་དྭ་
D50.040.0039b05.01ཏིའི་བུ་ཇི་ལྟར་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་དེའི་རིན་པོ་ཆེ་རྣམས་དང་། བཙུན་མོའི་འཁོར་རྣམས་དང་། བུ་དང་། བུ་མོ་རྣམས་དང་། གང་དག་འཐབ་པར་མི་ནུས་པའི་གཞོན་ནུ་བསྐུངས་པ་དེ་ལྟར་ནི་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་དང་།
D50.040.0039b06.01རིགས་ཀྱི་བུ་མོ་རྣམས་བལྟའོ། །ཤ་ར་དྭ་ཏིའི་བུ་ཇི་ལྟར་གང་དུ་རྒྱལ་པོའི་རིན་པོ་ཆེ་རྣམས་དང་། བཙུན་མོའི་འཁོར་རྣམས་དང་། བུ་དང་། བུ་མོ་རྣམས་དང་གང་དག་འཐབ་པར་མི་ནུས་པའི་གཞོན་ནུ་རྣམས་བསྐུངས་པའི་གྲོང་ཁྱེར་དེ་ལྟར་ནི་བཅོམ་ལྡན་འདས་དེ་
D50.040.0039b07.01