完整藏文原文 · 德格版页 当前仅加载第 40 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ལ་ལ་ཞིག་ཁྲིད་དེ་མཆིས་པ་མཐོང་ན་དེ་ཡོངས་སུ་ཐར་བར་བགྱི་བའི་སླད་དུ་བདག་གི་ལུས་ཡོངས་སུ་གཏང་བ་མ་བགྱིས་ན་བདག་གིས་ཕྱོགས་བཅུ་ཀུན་གྱི་འཇིག་རྟེན་གྱི་ཁམས་དཔག་ཏུ་མ་མཆིས། གྲངས་མ་མཆིས། བསམ་གྱིས་མི་ཁྱབ། གཞལ་དུ་མ་མཆིས་པ་
D50.040.0009a01.01ཐམས་ཅད་ན་སངས་རྒྱས་བཅོམ་ལྡན་འདས་གང་དག་ད་ལྟར་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་པའི་སངས་རྒྱས་བཅོམ་ལྡན་འདས་དེ་དག་བསླུས་པར་གྱུར་ཅིག །ཤ་ར་དྭ་ཏིའི་བུ་ཡང་བྱང་ཆུབ་སེམས་དཔའི་སྤྱོད་པ་ལ་ཞུགས་པའི་བྱང་ཆུབ་སེམས་དཔའ་དེས་གལ་ཏེ་
D50.040.0009a02.01དགུམ་པར་འོས་པའི་སེམས་ཅན་ལ་ལ་ཞིག་ཁྲིད་དེ་མཆིས་པ་མཐོང་ན་དེ་ཡོངས་སུ་ཐར་བར་མ་བགྱིས་ཀྱི་བར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱའོ་ཞེས་སྨྲས་སོ། །ཤ་ར་དྭ་ཏིའི་བུ་དེ་ནས་ཡང་དགེ་སློང་ཞིག་འདི་སྙམ་དུ་སེམས་ཏེ། བྱང་
D50.040.0009a03.01ཆུབ་སེམས་དཔའ་སེམས་དཔའ་ཆེན་པོ་མི་འཁྲུགས་པ་འདིས་གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དག་དབང་དུ་གྱུར་བ་དང་། ཚད་མར་གྱུར་པར་འཇོག་པ་དང་། གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D50.040.0009a04.01རྫོགས་པའི་སངས་རྒྱས་དབང་དུ་གྱུར་པ་དང་། ཚད་མར་གྱུར་བར་འཇོག་པ་དེ་ནི་ལྷ་དང་། མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་དབང་དུ་གྱུར་པ་དང་། ཚད་མར་གྱུར་པར་འགྱུར་རོ་སྙམ་མོ། །ཤ་ར་དྭ་ཏིའི་བུ་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D50.040.0009a05.01པའི་སངས་རྒྱས་སྤྱན་ཆེན་པོ་དེས་དགེ་སློང་དེའི་སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས་དགེ་སློང་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང་དེ་དེ་བཞིན་ནོ། །ཇི་ལྟར་ཁྱོད་རྣམ་པར་རྟོག་པ་དེ་བཞིན་ཏེ། དགེ་སློང་གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D50.040.0009a06.01རྫོགས་པའི་སངས་རྒྱས་དག་དབང་དུ་གྱུར་པ་དང་། ཚད་མར་གྱུར་པར་འཇོག་པ་དེ་ཡང་རིང་པོ་མི་ཐོགས་པར་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱི་དབང་དུ་གྱུར་བ་དང་། ཚད་མར་གྱུར་པར་འགྱུར་རོ། །དགེ་སློང་གཞན་ཡང་བྱང་ཆུབ་སེམས་དཔའ་སེམས་
D50.040.0009a07.01