完整藏文原文 · 德格版页 当前仅加载第 40 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་གི་བྱང་ཆུབ་སེམས་དཔའ་གང་ཡིན་པ་དེ་དག་ནི་རྣམ་པར་དག་པ་དང་། སྙིང་པོ་ལ་གནས་པ་དང་། ཕྱིར་མི་ལྡོག་པའི་ཆོས་ཅན་དང་། མི་འཕྲོགས་པའི་ཆོས་ཅན་དང་། ཕྱིར་མི་ཟློགས་པའི་ཆོས་ཅན་ཤ་སྟག་སྟེ། དེ་དག་ནི་བྱང་ཆུབ་ཏུ་ངེས་པ་དང་།
D50.040.0036a01.01བྱང་ཆུབ་ལས་མི་བསྐྱོད་མི་གཡོ་ཞིང་། བྱང་ཆུབ་སེམས་དཔའ་དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པའི་གནས་ལ་གནས་པ་ཤ་སྟག་ཏུ་རིག་པར་བྱའོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་ལ་
D50.040.0036a02.01དག་འཇིག་རྟེན་གྱི་ཁམས་འདི་ནས་ཤི་འཕོས་སམ་འཇིག་རྟེན་གྱི་ཁམས་གཞན་དག་ནས་ཤི་འཕོས་ཀྱང་རུང་སྟེ། སངས་རྒྱས་ཀྱི་ཞིང་དེར་སྐྱེས་སམ། སྐྱེ་འམ། སྐྱེ་བར་འགྱུར་བ་དེ་དག་ཐམས་ཅད་ནི་དེ་བཞིན་གཤེགས་པའི་མཛོད་དུ་ཞུགས་པར་རིག་པར་བྱའོ། །
D50.040.0036a03.01མི་འཇིགས་པའི་གྲོང་ཁྱེར་དུ་ཞུགས་པར་རིག་པར་བྱའོ། །ཤ་ར་དྭ་ཏིའི་བུ་ཡང་སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་དེ་དག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་གཏམ་བརྗོད་ཅིང་། གཅིག་ལ་གཅིག་སྟོན་པའི་འདུ་ཤེས་ཉེ་བར་འཇོག་པར་བྱེད་དོ། །
D50.040.0036a04.01ཤ་ར་དྭ་ཏིའི་བུ་ཡང་སངས་རྒྱས་ཀྱི་ཞིང་དེའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་གང་དག་ཁྱིམ་ན་གནས་པ་དག་ནི་ཤིན་ཏུ་ཉུང་གི །སངས་རྒྱས་ཀྱི་ཞིང་དེའི་བྱང་ཆུབ་སེམས་དཔའ་དེ་དག་ནི་ཕལ་ཆེར་ཁྱིམ་གྱི་གནས་ནས་མངོན་པར་འབྱུང་ཞིང་རབ་ཏུ་བྱུང་བ་
D50.040.0036a05.01ཤ་སྟག་གོ །ཤ་ར་དྭ་ཏིའི་བུ་ཡང་གང་གི་ཚེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་ཆོས་སྟོན་པ་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་སངས་རྒྱས་ཀྱི་མཐུ་དང་རང་རང་གི་དགེ་
D50.040.0036a06.01བའི་རྩ་བའི་སྟོབས་བསྐྱེད་པས་ཆོས་བསྟན་པ་དེ་དག་ཐམས་ཅད་འཛིན་པར་བྱེད། འཆང་བར་བྱེད། ཀློག་པར་བྱེད། ཀུན་ཆུབ་པར་བྱེད་དོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཁྱིམ་གྱི་གནས་ནས་མངོན་པར་བྱུང་ཞིང་ཆོས་བསྟན་པ་དེར་མ་
D50.040.0036a07.01