完整藏文原文 · 德格版页 当前仅加载第 101 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་འཚལ་ལགས། །བདག་ལ་དགེ་བས་གཟིགས་སུ་གསོལ། །ཁྱོད་ལ་མི་མིན་ཕྱག་འཚལ་བ། །དེ་སྐད་ཡང་དང་ཡང་དུ་ཐོས། །དེ་སླད་བདག་ནི་འདི་སྐད་ཅེས། །འདྲེན་པ་རྒྱལ་ལ་ཕྱག་འཚོལ་ཅིག །གཽ་ཏམ་རྒྱལ་ལ་ཕྱག་འཚོལ་
D1061.101.0200b01.01ཅིག །སངས་རྒྱས་རིག་དང་ཞབས་ལྡན་པ། །མྱ་ངན་འདས་ལ་ཕྱག་འཚོལ་མཆི། །དེ་ལྟར་བྱང་གི་ཕྱོགས་དེ་ནི། །བཟང་བ་ལགས་ཞེས་སྐྱེ་བོ་མཆི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ལགས། །
D1061.101.0200b02.01ཤར་ཕྱོགས་ན་ནི་ཡུལ་འཁོར་སྲུང་། །ལྷོ་ཕྱོགས་ན་ནི་འཕགས་སྐྱེས་པོ། །ནུབ་ཕྱོགས་ན་ནི་མིག་མི་བཟང་། །བྱང་ཕྱོགས་ན་ནི་ལུས་ངན་པོ། །རྒྱལ་པོ་ཆེན་པོ་དེ་བཞི་དག །འཇིག་རྟེན་སྐྱོང་བ་གྲགས་དང་ལྡན། །རྫུ་འཕྲུལ་ཆེན་པོ་སྟོབས་
D1061.101.0200b03.01པོ་ཆེ། །ཕྱོགས་བཞི་དག་ནི་སྐྱོང་བར་བགྱིད། །རྒྱལ་པོ་དག་གི་མངག་གཞུག་པ། །གནོད་སྦྱིན་འདོད་དགུར་མཆི་བ་རྣམས། །དེ་དག་གླང་པོ་ཆེ་འཚལ་ཞིང་། །ཕྱོགས་ཕྱོགས་དག་ཏུ་རྣམ་པར་རྒྱུ། །དེ་དག་ནི་ཆིབས་རྟ་དང་། རྔ་མོ་དང་།
D1061.101.0200b04.01ཁྱུ་མཆོག་དང་། མ་ཧེ་དང་། ར་དང་། ལུག་དང་། སྦྲུལ་དང་། བྱ་དང་། སྐྱེས་པ་དང་། བུད་མེད་དང་། གཞོན་ནུ་དང་། གཞོན་ནུ་མ་ལ་འཚལ་ཞིང་ཕྱོགས་ཕྱོགས་དག་ཏུ་ཡང་མཆི་ལགས་སོ། །གླང་པོ་ཆེ་གཅིག་གིས་ཤིང་རྟ་དྲངས་
D1061.101.0200b05.01ཤིང་ཕྱོགས་ཕྱོགས་དག་ཏུ་ཡང་མཆི་ལགས་སོ། །ཆིབས་རྟ་དང་། རྔ་མོ་དང་། ཁྱུ་མཆོག་དང་། མ་ཧེ་དང་། ར་དང་། ལུག་དང་། སྦྲུལ་དང་། བྱ་དང་། སྐྱེས་པ་དང་། བུད་མེད་དང་། གཞོན་ནུ་དང་། གཞོན་ནུ་མ་གཅིག་གིས་
D1061.101.0200b06.01ཤིང་རྟ་དྲངས་ཤིང་ཕྱོགས་ཕྱོགས་དག་ཏུ་ཡང་མཆི་ལགས་སོ། །རྫུ་འཕྲུལ་ཆེན་པོ་སྟོབས་པོ་ཆེ། །གནོད་སྦྱིན་འདོད་དགུར་མཆི་བ་རྣམས། །བཞོན་པ་དེ་དག་འཚལ་ནས་ནི། །ཕྱོགས་བཞི་དག་ནི་སྐྱོང་བར་བགྱིད། །རྒྱལ་པོ་དག་ནི་གྲོང་ཁྱེར་
D1061.101.0200b07.01