完整藏文原文 · 德格版页 当前仅加载第 101 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གོས་མཆོག་ཅན་དང་། པདྨ་ཅན་དང་། པདྨ་བཟང་པོ་ཅན་དང་། ས་གཞི་ཅན་ཞེས་བགྱི་བ་དག་ཀྱང་མཆིས་ལགས་སོ། །ཆབ་རྒྱུན་མང་པོའི་གནས་གྱུར་པ། །འཛིན་པ་ཞེས་བགྱིའི་མཚོ་མཆིས་ཏེ། །ཆབ་རྒྱུན་ཐ་དད་དེ་ལས་བྱུང་། །
D1061.101.0193b01.01དེ་ལས་དགུང་ཆར་འབབ་པར་འགྱུར། །བཙུན་པ་གྲོང་ཁྱེར་ཨུ་ཤི་རའི་སྦུབས་ཀྱི་ཕ་རོལ་ན། ལུས་གནས་དང་ནི་གནས་ཡངས་དང་། །དེ་བས་གནས་ཡངས་རྒྱུན་ལུགས་ཅན། །རྒྱུན་ལུགས་མང་དང་དེ་བས་མང་། །བར་སྣང་མཁའ་
D1061.101.0193b02.01ལ་བྱ་ལྟར་གདའ། །བཙུན་པ་གྲོང་ཁྱེར་སྦུབས་ཅན་གྱི་ཕ་རོལ་བྱང་ཕྱོགས་ན་མདུན་ས་བྱ་གར་ཅན་ཞེས་བགྱི་བ་དེ་མཆིས་ཏེ། དེར་ནི་གནོད་སྦྱིན་རྣམས་འདུ་ཞིང་གནས་ལགས་སོ། །རྐང་མི་སྡུག་ལ་མཆུ་འཕྱང་དང་། །འཇིགས་རུང་
D1061.101.0193b03.01ལྟོ་སྤུ་ཅན་དག་མཆིས། །དེ་ན་ལྗོན་ཤིང་འབྲས་བུ་རྟག །རྨ་བྱ་ཁྲུང་ཁྲུང་སྒྲ་སྙན་དང་། །ཁུ་བྱུག་སྒྲ་སྐད་ཆེན་པོ་དང་། །ཤང་ཤང་ཏེའུ་དག་སྒྲ་འབྱིན་ཅིང་། །རྨ་བྱ་རྣམས་ཀྱི་སྒྲ་དག་ཀྱང་། །གཽ་ཀུམ་བྷ་དང་ཆུན་ལག་དང་། །བྱ་
D1061.101.0193b04.01རྣམས་སྣ་ཚོགས་སྐད་འབྱིན་ཅིང་། །མེ་ཏོག་སྦྲང་རྩིའི་རོ་ལ་དགའ། །ལུས་ངན་པོ་དེ་གླུ་གར་གྱིས། །པདྨ་ཅན་དང་ལྷན་ཅིག་རྩེ། །བཙུན་པ་གྲོང་ཁྱེར་ལྕང་ལོ་ཅན་གྱི་ཕ་རོལ་ན་རྒྱལ་པོ་དཔའ་བོ་ཞེས་བགྱི་བ་ཡུལ་འཁོར་མུ་ཁྱུད་ན་མཆིས་
D1061.101.0193b05.01ལགས་སོ། །བདག་གང་ན་མཆིས་པའི་མདུན་ས་དེ་ནི་ཁྱུ་མཆོག་ཅན་ཞེས་བགྱི་སྟེ། བདག་གི་མིང་ནི་རྣམ་ཐོས་ཀྱི་བུ་ཞེས་བགྱི་ལགས་སོ། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཨི་ལི་མི་ལི། ཨི་ལི་མི་ལི།
D1061.101.0193b06.01ཀིཊྚི་མཱུ་ལེ། ཧི་ལི་ཀིཊྚི་མཱུ་ལེ། ཧུ་དུ་མེ། ཧུ་དུ་ར་དུ་མེ། གཽ་རི། གནྡྷ་རི། གོ་དོ་ཧ་ནི། ཨོ་ཀེ་མོ་ཀེ་སྭཱ་ཧཱ། བཙུན་པ་བཅོམ་ལྡན་འདས་ཀྱི་སྤྱན་སྔར་བདག་གིས་དྲི་ཟ་རྣམས་དང་། དྲི་ཟ་ཆེན་པོ་རྣམས་དང་། དྲི་ཟའི་སྡེ་དཔོན་རྣམས་དང་།
D1061.101.0193b07.01