完整藏文原文 · 德格版页 当前仅加载第 101 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
མང་ལགས་ཏེ། བཙུན་པ་བཅོམ་ལྡན་འདས་ཀྱི་ཉན་ཐོས་དགེ་སློང་རྣམས་དང་། དགེ་སློང་མ་རྣམས་དང་། དགེ་བསྙེན་རྣམས་དང་། དགེ་བསྙེན་མ་རྣམས་འདི་ལྟར་བདག་ཉིད་བསྲུང་བ་དང་། བསྐྱབ་པ་དང་། བདེ་བ་ལ་རེག་པར་གནས་པར་
D1061.101.0198b01.01བགྱིད་པ་དང་། གནོད་སྦྱིན་དང་མི་མ་ལགས་པ་གདུག་པ་གཉུག་མར་གནས་པ་མངོན་པར་མ་དད་པ་དག་མངོན་པར་དད་པར་བགྱི་བ་དང་། མངོན་པར་དད་པ་རྣམས་ཀྱང་སླར་ཞིང་འཕེལ་བར་བགྱི་བའི་སླད་དུ་ཀུན་དུ་རྒྱུ་བ་དང་ཀུན་དུ་རྒྱུ་བ་མ་ལགས་པ་
D1061.101.0198b02.01དང་མཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་འཛིན་ཅིང་ཀུན་ཆུབ་པར་བགྱིད་ན་ལེགས་སོ་ལེགས་སོ་ཞེས་གསོལ་བ་དང་། དགེ་སློང་དག་ངས་རྒྱལ་པོ་ཆེན་པོ་རྣམ་ཐོས་
D1061.101.0198b03.01ཀྱི་བུ་ལ་ཅང་མི་གསུང་བས་གནང་བར་མཛད་དོ། །དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་ངས་ཅང་མི་གསུང་བས་གནང་བར་རིག་ནས་ངའི་ཞབས་ལ་མགོ་བོས་ཕྱག་འཚལ་ཏེ། ངའི་སྤྱན་སྔར་ཀུན་དུ་རྒྱུ་བ་དང་ཀུན་དུ་རྒྱུ་བ་མ་ཡིན་པ་དང་མཐུན་
D1061.101.0198b04.01པའི་མདོ། རིག་སྔགས་དང་། སྲུང་བ་དང་། སུག་པ་རྐང་བ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་གསོལ་ཏོ། །སྐྱེ་བོ་གང་དག་གཏོང་ཕོད་ཅིང་། །ཕྲ་མ་མི་མཆི་སེར་སྣ་བྲལ། །གང་དག་སངས་རྒྱས་སྐྱབས་མཆིས་པ། །མི་དེ་
D1061.101.0198b05.01རྣམས་ཀྱིས་རྙེད་པ་ལགས། །གང་གི་འཆར་ལ་བརྟེན་ནས་ནི། །དེས་ན་ཉིན་མོར་བརྗོད་པ་ཡི། །ཉི་མ་ཆེན་པོ་དཀྱིལ་འཁོར་ཅན། །ཉི་གདུགས་གང་ནས་འཆར་འགྱུར་བའི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་
D1061.101.0198b06.01དང་ལྡན་པ་ནི། །དྲི་ཟའི་བདག་པོ་རྒྱལ་པོ་སྟེ། །མིང་ནི་ཡུལ་འཁོར་སྲུང་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །དྲི་ཟ་རྣམས་ཀྱིས་ཡོངས་བསྐོར་ཅིང་། །དྲི་ཟ་རྣམས་ཀྱིས་མདུན་གྱིས་བལྟས། །དེ་
D1061.101.0198b07.01