完整藏文原文 · 德格版页 当前仅加载第 101 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཕྱག་འཚོལ་ཅིག །སངས་རྒྱས་རིག་དང་ཞབས་ལྡན་པ། །མྱ་ངན་འདས་ལ་ཕྱག་འཚོལ་མཆི། །དེ་ལྟར་ལྷོ་ཡི་ཕྱོགས་དེ་ནི། །བཟང་བ་ལགས་ཞེས་སྐྱེ་བོ་མཆི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་
D1061.101.0192a01.01གྲགས་དང་ལྡན་པ་ལགས། །གང་ཞིག་ནུབ་པ་ཁོ་ན་ལས། །དེས་ན་མཚན་མོར་བརྗོད་པ་ཡི། །ཉི་མ་ཆེན་པོ་དཀྱིལ་འཁོར་ཅན། །ཉི་གདུགས་གང་དུ་ནུབ་འགྱུར་བ། །དེ་ན་མཚོ་ཆེན་ཟབ་མོ་ནི། །ཤིན་ཏུ་འདའ་བར་དཀའ་བ་སྟེ། །
D1061.101.0192a02.01དེ་ནི་ཆུ་སྔོན་རྒྱ་མཚོ་ཞེས། །སྐྱེ་བོས་རྟོགས་པ་མཆིས་པ་ཡི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །ཀླུ་ཡི་བདག་པོ་རྒྱལ་པོ་སྟེ། །མིང་ནི་མིག་མི་བཟང་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །
D1061.101.0192a03.01གླུ་དང་གར་གྱིས་རྟག་ཏུ་རྩེ། །ཀླུ་རྣམས་ཀྱིས་ནི་ཡོངས་བསྐོར་ཅིང་། །ཀླུ་རྣམས་ཀྱིས་ནི་མདུན་གྱིས་བལྟས། །དེ་ལ་བུ་ནི་མང་མཆིས་ཏེ། །བརྒྱད་ཅུ་དང་ནི་བཅུ་དང་གཅིག །དེ་དག་མིང་མཐུན་གྲགས་པ་ནི། །དབང་པོ་ཞེས་བགྱི་
D1061.101.0192a04.01སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པ། །ཀུན་ཏུ་གཞན་གྱིས་མི་ཐུབ་ལགས། །དེ་དག་རྣམས་ཀྱིས་རྫོགས་སངས་རྒྱས། །སངས་རྒྱས་ཉི་མའི་གཉེན་མཐོང་ནས། །སྐྱེས་བུ་ཅང་ཤེས་ཁྱོད་ལ་འདུད། །སྐྱེས་མཆོག་ཁྱོད་ལ་ཕྱག་
D1061.101.0192a05.01འཚལ་ཞེས། །མི་ཡིས་ཕྱག་བགྱིས་ཁྱོད་ལ་ནི། །རྒྱང་རིང་གནས་ཤིང་ཕྱག་འཚལ་ལགས། །བདག་ལ་དགེ་བས་གཟིགས་སུ་གསོལ། །ཁྱོད་ལ་མི་མིན་ཕྱག་འཚལ་བ། །དེ་སྐད་ཡང་དང་ཡང་དུ་ཐོས། །དེ་སླད་བདག་ནི་འདི་
D1061.101.0192a06.01སྐད་ཅེས། །འདྲེན་པ་རྒྱལ་ལ་ཕྱག་འཚོལ་ཅིག །གཽ་ཏམ་རྒྱལ་ལ་ཕྱག་འཚོལ་ཅིག །སངས་རྒྱས་རིག་དང་ཞབས་ལྡན་པ། །མྱ་ངན་འདས་ལ་ཕྱག་འཚོལ་མཆི། །དེ་ལྟར་ནུབ་ཀྱི་ཕྱོགས་དེ་ནི། །བཟང་བ་ལགས་ཞེས་སྐྱེ་བོ་མཆི། །
D1061.101.0192a07.01