完整藏文原文 · 德格版页 当前仅加载第 100 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བ་མཆོད། །རྒྱན་ཕྲེང་ཕལ་ཆེན་རྒྱན་ཕྲེང་བླ་རེ་དང་། །རྒྱན་ཕྲེང་བཀོད་པའི་འོད་ཟེར་རབ་བཀྱེ་སྟེ། །རྒྱན་ཕྲེང་སྣ་ཚོགས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །རྒྱལ་མཚན་མཆོག་བཀོད་འོད་ཟེར་རབ་བཀྱེ་
D847.100.0040b01.01ཞིང་། །དེ་དག་རྒྱལ་མཚན་དཀར་དམར་སེར་པོ་དང་། །སྔོ་དང་རྒྱལ་མཚན་བཀོད་པ་སྣ་ཚོགས་པ། །དུ་མས་རྒྱལ་བའི་ཞིང་རྣམས་བརྒྱན་པར་བྱེད། །ནོར་བུ་འདྲ་བ་སྣ་ཚོགས་བཀོད་པའི་གདུགས། །དར་གྱི་ལྡ་ལྡི་བ་དན་རབ་དཔྱངས་ཤིང་། །དྲིལ་གཡེར་
D847.100.0040b02.01དྲ་བ་རྒྱལ་བའི་གསུང་སྒྲོགས་པ། །དེ་བཞིན་གཤེགས་པའི་དབུ་ལ་དེ་དག་འཛིན། །ལག་པའི་མཐིལ་ནས་མཆོད་པ་མཐའ་ཡས་རྣམས། །རྒྱལ་བ་གཅིག་ལ་དེ་དག་བྱེད་པ་ལྟར། །རྒྱལ་བ་མ་ལུས་ཀུན་ལའང་དེ་བཞིན་ཏེ། །དྲང་སྲོང་ཏིང་འཛིན་རྣམ་
D847.100.0040b03.01འཕྲུལ་དེ་འདྲའོ། །དེ་དག་འགྲོ་བ་སྡུད་པའི་ཡེ་ཤེས་ཀྱིས། །རྣམ་པར་འཕྲུལ་དང་ཏིང་འཛིན་མཆོག་བསྒྲུབས་ཤིང་། །བྱ་བ་དག་དང་བསྙེན་བཀུར་ཀུན་གྱི་སྒོ། །ཐབས་སྟོང་དག་གིས་སེམས་ཅན་འདུལ་བར་བྱེད། །ཁ་ཅིག་དེ་བཞིན་གཤེགས་པ་
D847.100.0040b04.01མཆོད་སྒོ་དང་། །སྦྱིན་པ་བསམ་གྱིས་མི་ཁྱབ་གཏོང་སྒོ་དང་། །སྦྱངས་པའི་ཡོན་ཏན་ཚུལ་ཁྲིམས་ཀུན་སྒོ་དང་། །བཟོད་པ་མི་ཟད་མི་འཁྲུགས་སྒོ་དག་དང་། །ཁ་ཅིག་བརྟུལ་ཞུགས་དཀའ་ཐུབ་བརྩོན་སྒོ་དང་། །བསམ་གཏན་རབ་ཏུ་ཞི་བར་གནས་སྒོ་དང་། །
D847.100.0040b05.01དོན་ལ་རྣམ་ངེས་ཤེས་རབ་སྒོ་རྣམས་དང་། །སྤྱད་པ་ཀུན་ལྡན་ཐབས་ཀྱི་སྒོ་དག་དང་། །ཚངས་པའི་གནས་པ་དག་དང་མངོན་ཤེས་སྒོ། །བསྡུ་བའི་དངོས་པོས་ཕན་པར་འདོད་སྒོ་དང་། །བསོད་ནམས་བསགས་དང་ཡེ་ཤེས་སྒོ་དག་དང་། །བདེན་དང་
D847.100.0040b06.01བརྟེན་དང་རྣམ་པར་ཐར་སྒོ་དང་། །ཁ་ཅིག་སྟོབས་དང་དབང་པོ་ལམ་སྒོ་དང་། །ཉན་ཐོས་ཐེག་པས་རྣམ་པར་གྲོལ་སྒོ་དང་། །རྐྱེན་གྱི་ཐེག་པས་རྣམ་པར་དག་སྒོ་དང་། །ཐེག་པ་མཆོག་གི་རྣམ་པར་འཕྲུལ་སྒོ་དང་། །ཁ་ཅིག་མི་རྟག་ཉིད་དང་སྡུག་
D847.100.0040b07.01