完整藏文原文 · 德格版页 当前仅加载第 100 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་གྱིས་དགོངས་གྱུར་པ། །དེ་དག་ཡོན་ཏན་ཀུན་གྱིས་ལེགས་པར་བརྒྱན། །གང་དག་ཡོན་ཏན་ཀུན་གྱིས་ལེགས་བརྒྱན་པ། །དེ་དག་བསོད་ནམས་དམ་པས་ལུས་ཀྱང་སྦྱངས། །བསོད་ནམས་མཆོག་གིས་གང་ལུས་རྣམ་སྦྱངས་པ། །དེ་དག་གསེར་
D847.100.0037b01.01གྱི་རི་བོ་འདྲ་བར་འབར། །གསེར་གྱི་རི་བོ་འདྲ་བར་སུ་འབར་བ། །དེ་དག་སུམ་ཅུ་རྩ་གཉིས་མཚན་རྣམས་རྫོགས། །གང་དག་སུམ་ཅུ་རྩ་གཉིས་མཚན་རྫོགས་པ། །དེ་དག་ལུས་རྣམས་དཔེ་བྱད་བཟང་པོས་སྤྲས། །གང་དག་ལུས་རྣམས་དཔེ་བྱད་བཟང་སྤྲས་
D847.100.0037b02.01པ། །དེ་དག་ལུས་ཀྱི་འོད་ནི་མཐའ་ཡས་སོ། །གང་དག་ལུས་ཀྱི་འོད་ནི་མཐའ་ཡས་པ། །དེ་དག་འོད་ཟེར་བཀོད་པ་བསམ་མི་ཁྱབ། །གང་དག་འོད་བཀོད་བསམ་གྱིས་མི་ཁྱབ་པ། །དེ་དག་འོད་ལས་པདྨ་རྣམས་ཀྱང་འབྱུང་། །གང་དག་འོད་ལས་པདྨ་
D847.100.0037b03.01རྣམས་བྱུང་བ། །དེ་དག་རྒྱལ་གཟུགས་པདྨའི་གདན་འཁོད་པར། །ཕྱོགས་བཅུའི་འཇིག་རྟེན་དག་ཏུ་སྟོན་བྱེད་ཅིང་། །དོན་ཡོད་གནས་པ་སེམས་ཅན་འདུལ་བར་བྱེད། །གང་དག་རྒྱལ་གཟུགས་པདྨའི་གདན་འཁོད་པར། །ཕྱོགས་བཅུའི་འཇིག་རྟེན་དག་
D847.100.0037b04.01ཏུ་སྟོན་བྱེད་ཅིང་། །དོན་ཡོད་གནས་པ་སེམས་ཅན་འདུལ་བྱེད་པ། །དེ་དག་མངོན་ཤེས་རྣམ་འཕྲུལ་མཐའ་ཡས་སོ། །གང་དག་མངོན་ཤེས་རྣམ་འཕྲུལ་མཐའ་ཡས་པ། །དེ་དག་བསམ་གྱིས་མི་ཁྱབ་ཞིང་རྒྱུ་ཞིང་། །བསམ་གྱིས་མི་ཁྱབ་ཆོས་རྣམས་སྟོན་
D847.100.0037b05.01པར་བྱེད། །སེམས་ཅན་བསམ་གྱིས་མི་ཁྱབ་ཚིམ་པར་བྱེད། །གང་དག་བསམ་གྱིས་མི་ཁྱབ་ཆོས་སྟོན་ཅིང་། །སེམས་ཅན་བསམ་གྱིས་མི་ཁྱབ་ཚིམ་བྱེད་པ། །དེ་དག་སོ་སོ་རིག་ཤེས་སྟོབས་རྣམས་ཀྱིས། །བསམ་པ་ཇི་བཞིན་འཇིག་རྟེན་སེམས་ཅན་
D847.100.0037b06.01འདུལ། །གང་དག་སོ་སོར་རིག་ཤེས་སྟོབས་རྣམས་ཀྱིས། །བསམ་པ་ཇི་བཞིན་འཇིག་རྟེན་སེམས་ཅན་འདུལ། །དེ་དག་རྟག་ཏུ་ལུས་དང་ངག་དང་ཡིད། །ཡེ་ཤེས་སྔོན་དུ་འགྲོ་ཞིང་རྗེས་སུ་འབྲང་། །གང་དག་རྟག་ཏུ་ལུས་དང་ངག་དང་ཡིད། །ཡེ་ཤེས་
D847.100.0037b07.01