完整藏文原文 · 德格版页 当前仅加载第 100 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་པར་དགང་བ་དང་། འཇིག་རྟེན་གྱི་ཁམས་ཐམས་ཅད་སྣང་བར་བྱེད་པ་དང་། འཇིག་རྟེན་གྱི་ཁམས་ཐམས་ཅད་བྱིན་གྱིས་བརླབ་པ་དང་། སེམས་ཅན་ཐམས་ཅད་ཡོངས་སུ་ཤེས་པ་དང་། ཆོས་ཐམས་ཅད་མངོན་པར་ཤེས་པ་དང་།
D847.100.0016a01.01སངས་རྒྱས་ཀྱི་ཡེ་ཤེས་མཐའ་ཡས་པ་བརྗོད་པ་མཛད་དོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཤས་ཆེར་ཐམས་ཅད་མཁྱེན་པ་ཉིད་ལ་སེམས་འཇུག་པའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་དབང་བསྐུར་བ་ཐོབ་པའི་བྱང་ཆུབ་སེམས་དཔའ་རྣམ་པར་གཞག་པའོ། །བྱང་ཆུབ་
D847.100.0016a02.01སེམས་དཔའ་ཆོས་ཀྱི་བློ་གྲོས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའ་རྣམ་པར་གཞག་པ་བཅུ་བཤད་མ་ཐག་ཏུ་དེ་ནས་དེའི་ཚེ་སངས་རྒྱས་ཀྱི་མཐུས་ཕྱོགས་བཅུའི་ཕྱོགས་རེ་རེར་ཡང་སངས་རྒྱས་ཀྱི་ཞིང་སྟོང་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་
D847.100.0016a03.01ཀྱི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ། །འགུལ། རབ་ཏུ་འགུལ། ཀུན་དུ་རབ་ཏུ་འགུལ་ཏོ། །ལྡེག །རབ་ཏུ་ལྡེག །ཀུན་དུ་རབ་ཏུ་ལྡེག་གོ །འུར་འུར། རབ་ཏུ་འུར་འུར། ཀུན་དུ་རབ་ཏུ་འུར་འུར་རོ། །
D847.100.0016a04.01ཆེམ་ཆེམ། རབ་ཏུ་ཆེམ་ཆེམ། ཀུན་དུ་རབ་ཏུ་ཆེམ་ཆེམ་མོ། །འཁྲུགས། རབ་ཏུ་འཁྲུགས། ཀུན་དུ་རབ་ཏུ་འཁྲུགས་སོ། །སངས་རྒྱས་ཀྱི་མཐུ་དང་། ཆོས་ཉིད་ཐོབ་པས་ལྷའི་མེ་ཏོག་གི་སྤྲིན་གྱི་ཆར་ཡང་མངོན་པར་བབ་བོ། །ལྷའི་བདུག་པའི་སྤྲིན་གྱི་ཆར་ཡང་
D847.100.0016a05.01མངོན་པར་བབ་བོ། །ལྷའི་སྤོས་ཀྱི་སྤྲིན་གྱི་ཆར་ཡང་མངོན་པར་བབ་བོ། །ལྷའི་ཕྱེ་མའི་སྤྲིན་གྱི་ཆར་དང་། ལྷའི་ཕྲེང་བའི་སྤྲིན་གྱི་ཆར་དང་། ལྷའི་གོས་ཀྱི་སྤྲིན་གྱི་ཆར་དང་། ལྷའི་རིན་པོ་ཆེའི་སྤྲིན་གྱི་ཆར་དང་། ལྷའི་པདྨའི་སྤྲིན་གྱི་ཆར་དང་། ལྷའི་རྒྱན་ཕྲེང་གི་སྤྲིན་གྱི་
D847.100.0016a06.01ཆར་དང་། ལྷའི་རྒྱན་གྱི་སྤྲིན་གྱི་ཆར་ཡང་མངོན་པར་བབ་བོ། །ལྷའི་སིལ་སྙན་རྣམས་ཀྱང་མ་དཀྲོལ་བར་སྒྲ་བྱུང་ངོ་། །ལྷའི་སྣང་བ་ཡང་རབ་ཏུ་བྱུང་ངོ་། །ལྷའི་ང་རོ་ཡང་གྲག་གོ། །གླིང་བཞི་པ་འདིར་རི་རབ་ཀྱི་རྩེ་མོར་ལྷའི་དབང་པོའི་ཁང་པར་ཇི་ལྟ་བ་དེ་བཞིན་དུ་འཇིག་རྟེན་གྱི་
D847.100.0016a07.01