完整藏文原文 · 德格版页 当前仅加载第 100 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལ་འཇིག་དང་འཆགས་པ་དང་། །ལ་ལ་སྤྱིའུ་ཚུགས་གྱུར་དང་མཐུན་པ་དང་། །ལ་ལ་སྣྲེལ་ཞི་སྨིག་རྒྱུ་ལྟ་བུ་དང་། །ལ་ལ་མིག་འཕྲུལ་ལྟ་བུར་གྱུར་པ་རྣམས། །ཇི་ལྟར་རྡུལ་གཅིག་སྟེང་དུ་སྟོན་བྱེད་པ། །དེ་བཞིན་རྡུལ་རྣམས་མ་ལུས་ཀུན་ལ་སྟོན། །
D847.100.0039b01.01དྲང་སྲོང་ཏིང་འཛིན་རྣམ་འཕྲུལ་འདི་འདྲ་སྟེ། །གྲགས་པ་མཐའ་ཡས་རྣམ་ཐར་འདི་འདྲའོ། །དེ་དག་རྒྱལ་མཆོད་རྣམ་འཕྲུལ་ཏིང་ངེ་འཛིན། །རྒྱལ་བ་ཀུན་ལ་མངོན་པར་སྒྲུབ་བྱེད་ཅིང་། །ལག་པའི་མཐིལ་དུ་སྟོང་གསུམ་རྒྱས་བཀང་སྟེ། །སྐྱེས་བུ་ཆེན་པོ་རྣམས་
D847.100.0039b02.01ལ་མཆོད་པ་བྱེད། །ཕྱོགས་བཅུ་དག་ན་མེ་ཏོག་ཕྲེང་བ་དང་། །སྤོས་བྱུག་རིན་ཆེན་རིན་ཆེ་ཇི་སྙེད་པ། །དེ་དག་བྱང་ཆུབ་ཤིང་དྲུང་བཞུགས་པ་ཡི། །རྒྱལ་རྣམས་མཆོད་ཕྱིར་ལག་པའི་མཐིལ་ནས་འབྱིན། །གོས་དང་ཕྱེ་མ་རིན་ཆེན་ཇི་སྙེད་དང་། །རྒྱལ་མཚན་
D847.100.0039b03.01བ་དན་གདུགས་མཆོག་སྣ་ཚོགས་དང་། །གསེར་གྱིས་བརྒྱན་པའི་རིན་ཆེན་བླ་རེ་རྣམས། །དེ་དག་ལག་པའི་མཐིལ་ནས་ཆར་དུ་འབེབས། །ཕྱོགས་བཅུ་དག་ན་ཡོ་བྱད་མཐའ་ཡས་གང་། །དྲང་སྲོང་ཆེན་པོ་རྣམས་ལ་མཆོད་འོས་པ། །དེ་དག་ལག་པའི་མཐིལ་
D847.100.0039b04.01ནས་ཆར་འབེབས་ཤིང་། །བྱང་ཆུབ་ཤིང་དྲུང་བཞུགས་པའི་རྒྱལ་བ་མཆོད། །ཕྱོགས་རྣམས་དག་ན་རོལ་མོ་ཇི་སྙེད་པ། །རྔ་དང་རྫ་རྔ་སྒྲ་སྙན་པི་བང་དང་། །སིལ་སྙན་སྒྲ་དང་སྒྲ་ཆེན་གླིང་བུ་རྣམས། །དེ་དག་ལག་པའི་མཐིལ་ནས་རབ་ཏུ་སྒྲོགས། །ཕྱོགས་
D847.100.0039b05.01བཅུ་ཀུན་གྱི་དཔེ་ཟླ་མེད་རྣམས་ཀྱི། །ཡང་དག་ཡོན་ཏན་བསྔགས་པ་སྣ་ཚོགས་དང་། །བསྟོད་པའི་ཚིགས་བཅད་སྒྲུབ་པ་སྣ་ཚོགས་པ། །དེ་དག་ལག་པའི་མཐིལ་ནས་རབ་ཏུ་སྒྲོགས། །འོད་ཟེར་གང་དག་ལས་དགེས་ཡོངས་བསགས་པ། །ལག་
D847.100.0039b06.01པ་གཡས་ནས་ཡོངས་སུ་འགྱེད་བྱེད་ཅིང་། །སྤོས་ཆུས་རྒྱལ་བའི་ཞིང་རྣམས་ཐམས་ཅད་དུ། །འབེབས་ཤིང་འཇིག་རྟེན་སྒྲོན་མ་རྣམས་ལ་མཆོད། །འོད་ཟེར་བཀོད་དང་ལྡན་པ་མཛེས་པའི་འོད། །པདྨའི་རྒྱན་ཕྲེང་བསམ་ཡས་རབ་འཕྱང་བ། །པདྨ་
D847.100.0039b07.01