完整藏文原文 · 德格版页 当前仅加载第 99 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
ཡེ་ཤེས་ཐམས་ཅད་འབྱུང་བའི་རྟགས། །རྟགས་ཆེན་སྐུ་ལ་མངའ་བརྙེས་པའོ། །ཞབས་བརྒྱད་ལྷ་བརྒྱད་བརྫིས་པ་ནི། །ང་རྒྱལ་ཅན་རྣམས་ཚར་གཅོད་པའོ། །སངས་རྒྱས་ཁྲོས་པའི་རྒྱལ་མོ་ནི། །ཀྲོ་དྷི་ཤྭ་རི་ཡུམ་གྱི་གཙོ། །མཐིང་ནག་འབར་
D837.099.0051a01.01བའི་རལ་པ་ཅན། །རྒྱན་དང་ཆ་ལུགས་གཙོ་དང་མཐུན། །འཁྲིལ་བ་ཆེན་པོའི་ཚུལ་གྱིས་སུ། །བྷན་དྷ་རཀྟ་གཙོ་ལ་སྟོབས། །འཁྲིལ་བ་ཆེན་པོའི་ཚུལ་དུ་བསམ། །ཤར་ཕྱོགས་འཁོར་ལོའི་རྩིབས་སྟེངས་ན། །ཁྲི་དང་ཉི་དཀྱིལ་ཉི་ཟླའི་གདན། །དེ་ཡི་སྟེང་དུ་བསམ་
D837.099.0051a02.01བྱ་བ། །གཟུགས་ཀྱི་ཕུང་པོ་གནས་གྱུར་པ། །ཁྲག་འཐུང་བུདྡྷ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་ལྗང་གཡོན་སྔོ་དབུས་སེར་ཞལ། །ཕྱག་དྲུག་མངོན་པར་རོལ་པ་ལས། །འཁོར་ལོ་དགྲ་སྟ་ཞགས་པ་གཡས། །བྷན་དྷ་རྡེའུ་ཆུང་
D837.099.0051a03.01ཁ་ཊྭཱྃ་གཡོན། །སེར་ནག་དུར་ཁྲོད་རྒྱན་གྱིས་བརྒྱན། །བདེ་གཤེགས་ཁྲོས་པའི་རྒྱལ་མོ་དང་། །འཁྲིལ་བ་ཆེན་པོའི་ཚུལ་དུ་བསམ། །ལྷོ་ཕྱོགས་འཁོར་ལོའི་རྩིབས་སྟེངས་ན། །ཁྲི་དང་ཉི་དཀྱིལ་གཤིན་རྗེའི་གདན། །དེ་ཡི་སྟེང་དུ་བསམ་བྱ་བ། །ཚོར་བའི་
D837.099.0051a04.01ཕུང་པོ་གནས་གྱུར་པ། །ཁྲག་འཐུང་རཏྣ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་སེར་གཡོན་དམར་དབུས་སྔོ་ཞལ། །ཕྱག་དྲུག་མངོན་པར་རོལ་པ་ལས། །རིན་ཆེན་གཤོལ་དང་གཏུན་ཤིང་གཡས། །བྷན་དྷ་དགྲ་སྟ་རྡེའུ་ཆུང་
D837.099.0051a05.01གཡོན། །སྔོ་ནག་དུར་ཁྲོད་རྒྱན་གྱིས་བརྒྱན། །རིན་ཆེན་ཁྲོས་པའི་རྒྱལ་མོ་དང་། །འཁྲིལ་བ་ཆེན་པོའི་ཚུལ་དུ་བསམ། །ནུབ་ཕྱོགས་འཁོར་ལོའི་རྩིབས་སྟེངས་སུ། །ཁྲི་དང་ཉི་དཀྱིལ་ཀླུ་ཡི་གདན། །དེ་ཡི་སྟེང་དུ་བསམ་བྱ་བ། །འདུ་ཤེས་ཕུང་པོ་གནས་
D837.099.0051a06.01གྱུར་པ། །ཁྲག་འཐུང་པདྨ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་སྔོ་གཡོན་དམར་དབུས་ལྗང་ཞལ། །ཕྱག་དྲུག་མངོན་པར་རོལ་པ་ལས། །པདྨ་རྡེའུ་ཆུང་སྤུ་གྲི་གཡས། །བྷན་དྷ་ཁ་ཊྭཱཾ་སོ་ཕྲེང་གཡོན། །དམར་ནག་དུར་ཁྲོད་
D837.099.0051a07.01