完整藏文原文 · 德格版页 当前仅加载第 99 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་སྒྲིབ་པ་རྣམ་སེལ་ཏེ། །ཡུལ་ལ་མེ་ཏོག་ཆར་འབེབས་ཧོཿ། །ཀུན་ཤེས་ཀུན་དུ་བཟང་པོ་སྟེ། །ཡུལ་ལ་གསལ་བའི་སྒྲོན་མའོ་ཧོཿ། །གཅོད་ཤེས་བྱམས་པའི་བདག་ཉིད་དེ། །ཡུལ་ལ་གདུག་པའི་སྤྲིན་འཕྲོ་ཧོཿ། །འཇུག་ཤེས་འཇམ་དཔལ་གཞོན་ནུ་སྟེ། །ཡུལ་ལ་
D837.099.0038b01.01ཙནྡན་ཆར་འབེབས་སོ། །གཡས་གཉིས་སྟོབས་ཆེན་ཁྲོ་བོ་སྟེ། །ཡུལ་ལ་གདོང་མོ་འཇིགས་ཚུལ་ཧོཿ། །གཡོན་གཉིས་གཤིན་རྗེའི་གཤེད་པོ་སྟེ། །ཡུལ་ལ་སྡེར་འཕྲོ་འཇིགས་ཚུལ་ཧོཿ། །གསང་བ་རྟ་མགྲིན་དཔའ་བོ་སྟེ། །ཡུལ་ལ་དུར་ཁྲོད་བདག་མོ་ཧོཿ། །ལྟེ་བར་བདུད་རྩི་
D837.099.0038b02.01འཁྱིལ་བ་སྟེ། །ཡུལ་ལ་གཏུམ་མོ་འཇིགས་ཚུལ་ཧོཿ། །རྒྱུད་དྲུག་འཁོར་བའི་གནས་དྲུག་ཏུ། །ཐུབ་དྲུག་ཕྱག་རྒྱ་ཆེན་པོའོ། །ཀུན་དུ་སྐུ་དང་ཀུན་དུ་གསུང་། །ཀུན་དུ་ཐུགས་ཀྱི་ཕྱག་རྒྱ་ཡང་། །ལུས་ངག་ཡིད་ལ་དེ་བཞིན་ཧོཿ། །སེམས་ཉིད་སྒྱུ་འཕྲུལ་དྲ་བ་སྟེ། །སྒྱུ་མའི་ཆོ་
D837.099.0038b03.01འཕྲུལ་ཆེན་པོ་ལས། །དྲ་བའི་དཀྱིལ་འཁོར་བཞི་བཅུ་ལྔ། །གསང་བའི་དཀྱིལ་འཁོར་ངེས་པ་ལས། །སྙིང་པོའི་དཀྱིལ་འཁོར་བླ་མ་ཡིན། །ཞེས་བརྗོད་པས་སེམས་ཅན་ཐམས་ཅད་མངོན་པར་རྫོགས་པར་སངས་རྒྱས་ནས་དེ་བཞིན་གཤེགས་པ་ཐམས་ཅད་དང་དབྱེར་མེད་
D837.099.0038b04.01པར་དགྱེས་ཏེ་མཉམ་པ་ཉིད་ཀྱི་དབྱིངས་ན་བཞུགས་སོ། །གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ལས་དབྱིངས་དང་ཡེ་ཤེས་གཉིས་སུ་མེད་པའི་ངང་དུ་སེམས་ཀྱི་རང་བཞིན་ཅིར་ཡང་འགྲུབ་པའི་ལེའུ་སྟེ་གཉིས་པའོ།། །།དེ་ནས་དེ་བཞིན་གཤེགས་པ་ཐམས་ཅད་རང་
D837.099.0038b05.01བཞིན་གཅིག་དང་དུ་མར་དབྱེར་མེད་པའི་རང་བཞིན་ཐམས་ཅད་ཀྱིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ལ་ཉིད་ཀྱི་ཆེ་བའི་དཀྱིལ་འཁོར་བླ་མ་འདི་དབྱུང་བར་བཞེད་ནས་ཆེད་དུ་བརྗོད་པ་འདི་གསུངས་སོ། །ཨོྃ་ཡེ་ཤེས་བླ་མ་རོལ་པ་ཡིས། །ཕྱོགས་བཞི་དབུས་དང་ལྔར་
D837.099.0038b06.01བརྟགས་ན། །དཀྱིལ་འཁོར་བསམ་ཡས་ལྷུན་གྱིས་གྲུབ། །རྫོགས་ཆེན་རྟོགས་པའི་རྣལ་འབྱོར་པས། །ཀུན་འབྱུང་དཀྱིལ་འཁོར་ཆེན་པོར་སྤྱོད། །འཁོར་ལོ་རྩིབས་བཞི་མུ་ཁྱུད་བཅས། །གྲུ་ཆད་བཞིས་བརྒྱན་རྡོ་རྗེའི་ཁྱམས། །ཀུན་དུ་གྲུ་བཞི་སྒོ་ཁྱུད་ལྡན། །རོལ་མོ་
D837.099.0038b07.01