完整藏文原文 · 德格版页 当前仅加载第 99 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
གསང་མཆོག་མཉེས་བྱའི་ཕྱིར། །ཉིད་ཀྱི་གསང་བའི་རྒྱལ་མོ་དེ། །འཛུམ་པའི་མདངས་ཀྱིས་དབྱིངས་སུ་ཐིམ། །འཁྲིལ་ནས་གསང་བའི་དགོངས་པ་མཛད། །{བཅྭ་,བཅོ་}བརྒྱད་ཕྲག་གཉིས་ཧཱུྃ་སྤྲོས་པས། །ཀློང་དུ་ཧཱུྃ་ཆེན་གཅིག་ཏུ་འཁྱིལ། །ཁ་དོག་
D837.099.0045a01.01རྣམ་བཞི་ཡང་དག་ལྡན། །རིགས་བཞི་ལྷ་མོ་རྣམ་སྤྲོས་ཏེ། །སྟོང་ཁམས་བཀང་ནས་མཆོད་པ་བྱེད། །ལ་ལ་གསང་མཆོག་དབྱིངས་སུ་འཁྲིལ། །ལ་ལ་འདོད་ལྔའི་མཆོད་པ་བྱེད། །རིན་ཆེན་ཁང་པ་སྣ་ཚོགས་དང་། །བླ་རེ་རྒྱལ་མཚན་འཕན་གདུགས་དང་། །རིན་ཆེན་
D837.099.0045a02.01དོ་ཤལ་སེ་མོ་དོ། །དབྱིབས་ལེགས་རིན་ཆེན་ཕུང་པོས་མཛེས། །བསམ་རྫོགས་རིན་ཆེན་སྡོང་པོ་ཡིས། །རྒྱལ་བའི་དཀྱིལ་འཁོར་མ་ལུས་མཆོད། །ལ་ལ་འགྲོ་བ་རེ་བ་སྐོང་། །ལ་ལ་བདུད་འདུལ་ངན་སོང་སྦྱོང་། །ཀུན་ཀྱང་གསང་བའི་མཆོད་འབུལ་བྱེད། །ཉིད་ཀྱི་
D837.099.0045a03.01གསང་བའི་རྒྱལ་མོ་དང་། །གཉིས་སུ་མེད་པར་འཁྲིལ་ནས་སུ། །འཁྲིལ་ནས་ག་ནའི་མཆོད་པ་བྱེད། །སྟོང་ཁམས་ཉུངས་འབྲུར་གཞུག་ཚུལ་དུ། །ག་ནའི་མཆོད་པ་ཆེན་པོ་ཡིས། །ཐམས་ཅད་མཉེས་པ་ཆེན་པོར་གྱུར། །དེ་ནས་ཡེ་ཤེས་རྒྱལ་པོ་དེ་ཉིད་ཀྱི་གསང་
D837.099.0045a04.01བའི་རྒྱལ་མོ་དང་གཉིས་སུ་མེད་པར་འཁྲིལ་ནས་ཆེད་དུ་བརྗོད་པ་འདི་བརྗོད་དོ། །ཨེ་མའོ་བདེ་གཤེགས་སྤྱོད་པའི་མཆོག །སྣ་ཚོགས་སྤྱོད་ལ་རང་བཞིན་གསང་། །མ་ཆགས་པ་ཡི་ངོ་བོ་ལས། །ཆགས་པ་ཆེན་པོའི་སྤྱོད་པ་འབྱུང་། །སྤྱོད་པ་ཆེན་པོ་རྣམ་གཉིས་ལ། །
D837.099.0045a05.01རྟོགས་ནས་ཆགས་པས་སུ་སྤྱོད་པ། །ཡང་དག་ཆགས་པ་ཆེན་པོ་སྟེ། །འདི་ནི་ཚངས་མཆོག་རྒྱལ་པོ་ཡིན། །སེམས་ཀྱི་སྤྱོད་པ་རྣམ་པ་གཉིས། །ཞིང་བཅུ་མཉེས་པའི་ལས་བྱའོ། །ཞེས་ཆེད་དུ་གསུངས་སོ། །དེ་ལྟ་བུས་ཕྱོགས་བཅུ་དུས་བཞིའི་དེ་བཞིན་
D837.099.0045a06.01གཤེགས་པའི་ཞིང་ཁམས་ཀྱིས་བསྡུས་པ་ཐམས་ཅད་མཉེས་པ་ཆེན་པོས་ཐིམ་པར་གྱུར་ཏོ། །སྒྱུ་འཕྲུལ་དྲ་བ་བླ་མ་ཆེན་པོ་ལས་ཐུགས་རྗེ་གདུང་བའི་ལེའུ་སྟེ་བདུན་པའོ།། །།དེ་ནས་དེ་བཞིན་གཤེགས་པ་ཡེ་ཤེས་རྒྱལ་པོ་དེ་མཆོད་པ་བླ་མའི་རྒྱན་བཀོད་
D837.099.0045a07.01