完整藏文原文 · 德格版页 当前仅加载第 99 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
གཤོག །འཇིག་རྟེན་ཁམས་ཀྱང་ཡོག་པར་བཀབ། །སྦྲུལ་ནག་འཇིགས་སུ་རུང་བ་དང་། །དུར་ཁྲོད་རྒྱན་གྱིས་བརྒྱན་པའོ། །དབུ་གསུམ་དང་ལ་བྱུང་བ་ནི། །གཡས་དཀར་གཡོན་དམར་དབུས་མཐིང་ཞལ། །རྣམ་པར་ཐར་བའི་དབུ་གསུམ་གྱིས། །
D837.099.0050a01.01ཁམས་གསུམ་མྱ་ངན་ཟློ་བའི་ཞལ། །དབུ་གསུམ་བར་ནས་རྔམ་པ་ནི། །གཡས་སྔོ་གཡོན་ལྗང་དབུས་མཐིང་ཞལ། །ཐབས་དང་ཤེས་རབ་སེམས་ཀྱི་དབུ། །སྲིད་གསུམ་དབྱིངས་སུ་རྫོགས་པའི་ཞལ། །དབུ་གསུམ་མཐའ་ནས་རྔམ་པ་ནི། །གཡས་མཐིང་གཡོན་མཐིང་
D837.099.0050a02.01དབུས་མཐིང་ཞལ། །ཁམས་གསུམ་རེ་བ་སྐོང་བ་ཡི། །ལུང་དང་མན་ངག་སེམས་ཀྱི་དབུ། །འགྱུར་བ་མེད་པའི་མཐིང་ནག་ཞལ། །སྐྱེ་ཤི་རྩ་བ་གཅོད་པའི་ཚེམས། །དབུ་དགུ་རོལ་པའི་བྱིན་བརླབས་ལས། །གཡས་གསུམ་གློག་སྟོང་ལྕེ་འབྱིན་ཅིང་། །གཡོན་
D837.099.0050a03.01གསུམ་འབྲུག་སྟོང་སྒྲ་སྒྲོགས་པ། །དབུ་གསུམ་རྡོ་རྗེ་སེར་ཆེན་འབེབ། །སྤྱན་དགུ་དང་ལ་གཟིགས་པ་ནི། །ཆོས་དབྱིངས་ཀུན་དུ་བཟང་པོ་དང་། །ཀུན་དུ་བཟང་མོའི་མཁའ་དབྱིངས་ལ། །འགྱུར་བ་མེད་པའི་ཚུལ་གྱིས་གཟིགས། །སྤྱན་དགུ་བར་ནས་གཟིགས་
D837.099.0050a04.01པ་ནི། །རྣམ་པར་གྲོལ་བའི་ཡེ་ཤེས་ཀྱིས། །སྲིད་པའི་སེམས་ཅན་ཐམས་ཅད་ལ། །བྱམས་མགོན་སྙོམས་པའི་སྤྱན་གྱིས་གཟིགས། །སྤྱན་དགུ་མཐའ་ནས་གཟིགས་པ་ནི། །གཡས་གསུམ་ཞེ་སྡང་ཁྲོས་པའི་སྤྱན། །གཟིགས་པས་བདུད་དང་མུ་སྟེགས་
D837.099.0050a05.01སྒྲོལ། །གཡོན་གསུམ་བྱམས་མགོན་སྙོམས་པའི་སྤྱན། །གཟིགས་པས་མཐའ་ཡས་བདེ་ལ་འཇོག །དབུ་གསུམ་ཡེ་ཤེས་རོལ་པའི་སྤྱན། །གཟིགས་པས་སྐྱེ་འགྲོ་གནས་སུ་སྟོབས། །དབུ་དགུ་རིགས་ལྔའི་དབུ་རྒྱན་དགུ། །ལྔ་དགུ་བཞི་བཅུ་རྩ་ལྔ་ཡང་། །བུདྡྷ་
D837.099.0050a06.01བཞི་བཅུ་རྩ་ལྔས་བརྒྱན། །སྟོང་པ་ཆེན་པོའི་ཡེ་ཤེས་ཀྱིས། །ཁྱབ་བདལ་ཆེན་པོའི་རྟགས་སུ་བསྣམས། །{བཅྭ་,བཅོ་}བརྒྱད་ཕྱག་ན་རོལ་པ་ཡིས། །སྟོང་པ་{བཅྭ་,བཅོ་}བརྒྱད་དབྱིངས་སུ་སྦྱོར། །ཞབས་བརྒྱད་ང་རྒྱལ་དྲེགས་པ་འཇོམས། །ཐབས་དང་ཤེས་རབ་ལྡན་པ་
D837.099.0050a07.01