完整藏文原文 · 德格版页 当前仅加载第 91 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར། དེའི་སྟེང་དུ་མུྃ་གྱི་ས་བོན་ལས་བྱུང་བའི་ཤེས་རབ་ཀྱི་མཚན་མ་མུྃ་དང་ལྡན་པ་ལས་འཕགས་པ་འཇམ་དཔལ་མགོན་པོའི་སྐུ་བྱིས་པ་ལོ་བརྒྱད་གཉིས་ལོན་པ་ལྟ་བུ་གསེར་བཙོ་མའམ་གུར་ཀུམ་གྱི་ཁ་དོག་འདྲ་བ། ཞལ་གཅིག་ཕྱག་གཉིས་པ། སེམས་དཔའི་སྐྱིལ་མོ་ཀྲུང་གིས་བཞུགས་པ། ཕྱག་
D631.091.0079b01.01གཡས་པ་ན་རལ་གྲི་ནམ་མཁའ་ལ་འཕྱར་བ། གཡོན་པ་པོ་ཏི་ཐུགས་ཀར་འཛིན་པའི། ཤར་གྱི་པདྨའི་འདབ་མ་ལ། འཇམ་དཔལ་དཔའ་བོ་སྐུ་མདོག་ཁ་བ་ལ་གུར་གུམ་གྱིས་གཏོར་བ་འདྲ་བའི་ཞལ་གཅིག་ཕྱག་གཉིས་པ། སེམས་དཔའི་སྐྱིལ་མོ་ཀྲུང་གིས་བཞུགས་པ། ཕྱག་གཡས་ན་རལ་གྲི་ནམ་
D631.091.0079b02.01མཁའ་ལ་འཕྱར་བ། གཡོན་པ་ན་ཨུཏྤ་ལའི་སྡོང་བུ་དང་བཅས་པ་ཐུགས་ཀ་ན་འཛིན་པའོ། །ལྷོའི་པདྨའི་འདབ་མ་ལ་འཇམ་དཔལ་གསུང་གི་དབང་ཕྱུག་སྐུ་མདོག་མཐིང་ག་ཞལ་གཅིག་ཕྱག་གཉིས་པ། སེམས་དཔའི་སྐྱིལ་མོ་ཀྲུང་གིས་བཞུགས་པ། ཕྱག་གཡས་པ་ན་རལ་གྲི་ནམ་མཁའ་ལ་འཕྱར་བ།
D631.091.0079b03.01ཕྱག་གཡོན་པ་ན་འཁོར་ལོ་ཐུགས་ཀ་ན་འཛིན་པའོ། །ནུབ་ཀྱི་པདྨའི་འདབ་མ་ལ་འཇམ་དཔལ་རྣོན་པོ་སྐུ་མདོག་བྱི་རུ་བཅག་པ་ལྟ་བུ། ཞལ་གཅིག་ཕྱག་གཉིས་པ། སེམས་དཔའི་སྐྱིལ་མོ་ཀྲུང་གིས་བཞུགས་པ། ཕྱག་གཉིས་ན་ཨུཏྤ་ལ་གཉིས་བསྣམས་པའོ། །བྱང་གི་པདྨའི་འདབ་མ་ལ་འཇམ་དཔལ་
D631.091.0079b04.01ཤེས་རབ་རལ་གྲི་སྐུ་མདོག་ལྗང་ཁུ་ཞལ་གཅིག་ཕྱག་བཞི་པ། སེམས་དཔའི་སྐྱིལ་མོ་ཀྲུང་གིས་བཞུགས་པ། ཕྱག་གཡས་ཀྱི་དང་པོ་ན་རལ་གྲི་ནམ་མཁའ་ལ་འཕྱར་བ། གཡོན་གྱི་དང་པོ་ནུ་ཨུཏྤ་ལ་སྡོང་བུ་དང་བཅས་པ་ཐུགས་ཀར་འཛིན་པ། གཡས་ཀྱི་འོག་མ་ན་མདའ་འཛིན་པ། གཡོན་གྱི་འོག་མ་
D631.091.0079b05.01ན་རིན་པོ་ཆེའི་གཞུ་འཛིན་པའོ། །སྐུ་དེ་དག་ནི་མ་རིག་པའི་མུན་པ་ཐམས་ཅད་བསལ་བའི་ནམ་མཁའ་མ་ལུས་པའི་འོད་ཀྱིས་འགེངས་པའི་སྐུའོ། །ཨོཾ་དྷརྨ་དྷཱ་ཏུ་བཱ་གཱི་ཤྭ་རི་མུཾ་ཞེས་བརྗོད་པས་ཤེས་རབ་དང་ལྡན་ཞིང་ཐོས་པ་འཛིན་པ་དང་ཡིད་གཞུངས་པར་འགྱུར་རོ། །རིན་པོ་ཆེའི་བུམ་པ་ཅུ་
D631.091.0079b06.01གང་དང་། གུར་གུམ་དང་། ཨ་ཀ་རུ་དང་། ཙནྡན་དཀར་པོ་དང་། གླ་རྩི་ལ་སོགས་པ་དྲི་ཞིམ་པའི་ཆུ་བླུགས་ཏེ། ན་མཿསརྦ་ཏ་ཐཱ་ག་ཏེ་བྷྱཿ། ཨརྷ་ཏེ་བྷྱཿ། སམྱཀྶཾ་བུདྡྷེ་བྷྱཿ། ཏདྱ་ཐཱ། ཨོཾ་ཀུ་མཱ་ར་བྷཱུ་ཏཱ་ཡ། དྷཱ་ར་ཎཱི། བི་ཤྭ་སཾ་བྷ་བ། ཨཱ་གཙྪ་ཡ། ཨཱ་གཙྪ་ཡ། ཧུ་ལུ་ཧུ་ལུ། བྲུཾ་བྲུཾ་བྲུཾ། ཧཱུཾ་ཧཱུཾ་ཛི་ན་ཛིཀ །མཉྫུ་ཤྲི་ཡེ། སུ་ཤྲི།
D631.091.0079b07.01