完整藏文原文 · 德格版页 当前仅加载第 91 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཐམས་ཅད་ཀྱི་དམ་ཚིག་གི་གཟུངས་འདི་རྗེས་སུ་བརྗོད་པར་བྱའོ། །དེ་བཞིན་གཤེགས་པ་ཐམས་ཅད་ཀྱི་དམ་ཚིག་གསུམ་བཀོད་པའི་ཁྲུས་འདི་ལ་བརྩོན་པར་བྱའོ། །ན་མཿས་མནྟ་བུདྣཱ་ནཱཾ། ཏདྱ་ཐཱ། ཨོཾ་ཨི་ཧོ་ཤུདྡྷེ་ཤུདྡྷེ། མཾ་ཧོ་ཤུདྡྷེ་ཤུདྡྷེ། རཾ་ཧོ་ཨཾ་ཤུདྡྷེ་ཤུདྡྷེ། ཨ་ཤུ་མཾ་བི་ཤུདྡྷེ་ཤུདྡྷེ་ཤུདྡྷེ་ས་མ་ཡ་སྭཱ་ཧཱ་
D631.091.0075b01.01ཞེས་བརྗོད་དོ། །འདི་ནི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གསུམ་བཀོད་པའི་གཟུངས་ཏེ། ཆུ་ལ་སྔགས་བཟླས་ནས་ཁྲུས་བྱས་ན་སྡིག་པ་ཀུན་འདག་པར་འགྱུར་རོ། །རྨི་ལམ་ངན་པ་དང་། ལྟས་ངན་པ་དང་། མཚན་མ་ངན་པ་དང་། དུས་མ་ཡིན་པའི་འཆི་བའི་དུས་བྱེད་པར་མི་འགྱུར་རོ། །རིམས་
D631.091.0075b02.01དང་། འབྲུམ་བུ་དང་། ལྷ་གོར་དང་། འབྲས་དང་། ཤུ་བ་དང་། འགོ་བའི་ནད་དང་། འཚེ་བ་ལས་ཐར་བར་འགྱུར་རོ། །འཕགས་པ་མི་གཡོ་བའི་གཟུངས་ལས་ལེའུ་ལྔ་པའོ།། །།དེ་ནས་བཅོམ་ལྡན་འདས་ཀྱིས་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་
D631.091.0075b03.01པ་ཚར་གཅོད་པའི་ཕྱིར་དཀྱིལ་འཁོར་གྱི་འཁོར་ལོའི་རྣམ་པ་གསུངས་པ། དང་པོ་ཆོས་ཀྱི་དབྱིངས་ཀྱི་རང་བཞིན་གྱི་ཨེའི་རྣམ་པ་ཅན་གྱི་ནམ་མཁའོ། །རླུང་གི་དཀྱིལ་འཁོར་སྔོན་པོ་གཞུ་ལྟ་བུ་བ་དན་ཅན་ཡྃ་ལས་བྱུང་བའོ། །ཆུའི་དཀྱིལ་འཁོར་གངས་ལྟར་དཀར་བའི་ཟླུམ་པོ་བུམ་པ་ཅན་བྃ་ལས་སོ། །སའི་
D631.091.0075b04.01དཀྱིལ་འཁོར་གསེར་གྱི་མདོག་ཅན་གྲུ་བཞི་རྡོ་རྗེ་ཅན་ལྃ་ལས་བྱུང་བའོ། །དེའི་སྟེང་དུ་རི་རབ་རིན་པོ་ཆེ་སྣ་བཞི་ལས་གྲུབ་པའི་ཚད་དང་ལྡན་པ་ཨོཾ་ལས་བྱུང་བའོ། །མེའི་དཀྱིལ་འཁོར་དམར་པོ་གྲུ་གསུམ་པ་འབར་བ་དང་བཅས་པ་རྃ་ལས་སོ། །དེའི་ནང་དུ་བྷྲུྃ་ཁ་དོག་སྣ་ཚོགས་ལས་བྱུང་བའི་ཁང་བུ་
D631.091.0075b05.01བརྩེགས་པ་གྲུ་བཞི་པ་ལ་སྒོ་བཞི་དང་བཅས་པའི་རིན་པོ་ཆེ་སྣ་ལྔ་ལས་གྲུབ་པ་ནི་ཤེལ་དང་། བཻ་ཌཱུརྱ་དང་། བྱི་རུ་དང་། ཨིནྡྲ་ནཱི་ལ་དང་། གསེར་ལས་གྲུབ་པའོ། །དེའི་ནང་སྣ་ཚོགས་པའི་པདྨ་འདབ་མ་བརྒྱད་པའི་གདན་ནོ། །ཤར་གྱི་འདབ་མ་ནི་ཤེལ་ལས་གྲུབ་པའོ། །ལྷོའི་འདབ་མ་ནི་
D631.091.0075b06.01བཻ་ཌཱུརྱ་ལས་གྲུབ་པའོ། །ནུབ་ཀྱི་འདབ་མ་ནི་བྱི་རུ་ལས་གྲུབ་པའོ། །བྱང་གི་འདབ་མ་ནི་ཨིནྡྲ་ནཱི་ལའོ། །མཚམས་རྣམས་ཀྱང་ཤེལ་དང་། བཻ་ཌཱུརྱ་དང་། བྱི་རུ་དང་། ཨིནྡྲ་ནཱི་ལ་ལས་གྲུབ་པའོ། །དབུས་སུ་ནི་ཚོགས་བདག་གླང་སྣའི་སྟེང་དུ་སྣ་ཚོགས་པའི་འདམ་སྐྱེས་དང་ཉི་མའི་གདན་ནོ། །ཤར་དུ་བརྒྱ་
D631.091.0075b07.01