完整藏文原文 · 德格版页 当前仅加载第 91 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་འོད་ཀྱིས་གླིང་ཀུན་ཏུ་ཁྱབ་པ་བཞིན་ནོ། །དབུ་སྐྲ་གཅིག་ཏུ་བཅིངས་ཤིང་འཕྱར་བ་ནི་དཔེར་ན་ཤིང་ཨ་ལ་ཀའི་འབྲས་བུ་བཞིན་ནོ། །སྐུ་ཅུང་ཞིག་འགྱིང་བ་དང་གཡོ་བ་ནི་དཔེར་ན་དཔག་བསམ་གྱི་ཤིང་ཡོངས་འདུ་ས་བརྟོལ་བཞིན་ནོ། །ཞབས་བརྐྱང་བསྐུམ་དུ་བཞུགས་པ་
D631.091.0070b01.01ནི་དཔེར་ན་གྱད་ཀྱི་འགྲོས་བཞིན་ནོ། །སྤྱན་གསུམ་ཤིན་ཏུ་དམར་བ་ནི་དཔེར་ན་པ་ལ་ཤའི་མེ་ཏོག་བཞིན་ནོ། །སྤྱན་སྟེང་འོག་ཏུ་བལྟ་བ་ནི་སྟེང་འོག་གི་བགེགས་བསྲེག་པ་སྟེ། དཔེར་ན་ལྷ་མ་ཡིན་གྱི་བྱ་གཏོར་མ་ཟ་བ་བཞིན་ནོ། །མཆེ་བ་གཙིགས་པ་ནི་དཔེར་ན་ཟླ་བ་ཕྱེད་པ་བཞིན་ནོ། །
D631.091.0070b02.01ལྗགས་ཤིན་ཏུ་འཁྱུག་པ་ནི་དཔེར་ན་ནམ་མཁའི་གློག་བཞིན་ནོ། །སྨིན་མ་ཁྲོ་གཉེར་དུ་བསྡུས་པ་ནི་དཔེར་ན་ཤིང་པ་ལ་ཀྵའི་ལོ་མ་བཞིན་ནོ། །ཕྱག་གཡས་ན་རལ་གྲི་བསྣམས་པ་ནི་དཔེར་ན་གཟའ་ཆེན་པོའི་འོད་ལྷུང་བ་བཞིན་ནོ། །སྦྲུལ་གྱི་ཞགས་པ་གཡོན་ན་བསྣམས་པ་ནི་དཔེར་
D631.091.0070b03.01ན་རྒྱ་མཚོའི་མཆིང་བཞིན་ནོ། །དེ་ལྟ་བུའི་སྐུ་དེས་ནི་ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་པོ་དག་དང་། ཕྱོགས་སྐྱོང་བ་ལ་སོགས་པ་རྣམས་དབང་དུ་སྡུད་པ། ལྷ་དང་། ཀླུ་མ་རུངས་པ་དང་། སྲིན་པོ་དང་། ཤ་ཟ་དང་། གྲུལ་བུམ་དང་། ལྟོ་འཕྱེ་ལ་སོགས་པ་
D631.091.0070b04.01འཇོམས་པར་བྱེད་པ་དག་གོ། །དེའི་སྔགས་བཅོམ་ལྡན་འདས་ཀྱིས་གསུངས་པ། ན་མཿས་མནྟ་བཛྲཱ་ཎཱཾ་ཏྲ་ཊ། ཨ་མོ་གྷ་ཙཎྜ་མ་ཧཱ་རོ་ཥ་ཎ། སྥོ་ཊ་ཡ་ཧཱུཾ། ཏྲ་མ་ཡ་ཏྲ་མ་ཡ་ཧཱཾ། ཏྲ་ཏ་ཧཱཾ་མཾ་ཞེས་བརྗོད་པར་བྱའོ། །དེ་ནི་འཚེ་བ་དང་། རྣམ་པར་འཚེ་བ་དང་། སྡང་བ་དང་། རྣམ་པར་
D631.091.0070b05.01སྡང་བ་དང་། ལོག་འདྲེན་དང་། རྣམ་པར་ལོག་འདྲེན་དང་། སྲིན་པོ་དང་། ལྷ་དང་། ཀླུ་དང་། གྲུལ་བུམ་དང་། ཤ་ཟ་ལ་སོགས་པ་ཐམས་ཅད་ཞི་བར་འགྱུར་རོ། །རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འབྲས་དང་། ཤུ་བ་དང་།
D631.091.0070b06.01གཡན་པ་དང་། མཛེ་དང་། འབྲུམ་བུ་དང་། འབྲུམ་བུ་ཕྲ་མོ་དང་། རིམས་ཉིན་གཅིག་པ་དང་། ཉིན་གཉིས་པ་དང་། ཟླ་བ་ཕྱེད་པ་དང་། ལྡང་དུབ་པ་དང་། ཡུད་ཙམ་པའི་རིམས་དང་། རྟག་པའི་རིམས་ལས་ཐར་བར་འགྱུར་རོ། །སེང་གེ་དང་། སྟག་དང་། དོམ་དང་།
D631.091.0070b07.01