完整藏文原文 · 德格版页 当前仅加载第 91 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་སྒྲ་འདོན་པའོ། །བྱང་དུ་བཅོམ་ལྡན་འདས་ལས་ཀྱི་རིགས་ཡི་གེ་ཧྃ་ལས་བྱུང་བའི་ཤེས་རབ་ཀྱི་མཚན་མ་ཧྃ་དང་ལྡན་པ་ལས། བཅོམ་ལྡན་འདས་ལས་ཀྱི་རིགས་ཀྱི་བདག་ཉིད་ཅན་གྱི་མི་གཡོ་བ་ཨིནྡྲ་ནཱི་ལའི་མདོག་ཅན་ཉི་མའི་སྙིང་པོ་ལ་པུས་མོ་རེག་ཅིང་བཞུགས་པ། རིན་པོ་ཆེའི་རྒྱན་
D631.091.0076b01.01དང་ལྡན་པའི་བཅོམ་ལྡན་འདས་ནམ་མཁའ་མ་ལུས་པ་འོད་ཀྱིས་འགེངས་པ། ཕྱག་གཡས་ན་རལ་གྲི་བསྣམས་པ། གཡོན་ན་ཀླུ་རིགས་ལྡན་བསྣམས་པ་ཕུ་ཕུ་ཞེས་བྱ་བའི་སྒྲ་འདོན་པ། ཤར་ལྷོ་མཚམས་སུ་རྃ་ལས་བྱུང་བའི་ཏྲི་ཤཱུ་ལ་རྃ་གྱིས་མཚན་པ་དང་ལྡན་པའི་ཞལ་གཅིག་ཕྱག་བཞི་བའི་
D631.091.0076b02.01ཁམས་གསུམ་རྣམ་པར་རྒྱལ་བ་གཡས་ཀྱི་དང་པོ་ན་ཏྲི་ཤཱུ་ལ། གཡོན་གྱི་དང་པོ་ན་ཀླུ་མཐའ་ཡས་ཀྱི་བུ། གཡས་གཡོན་གྱི་འོག་མ་ན་རྡོ་རྗེ་དང་ཐོད་པ་བསྣམས་པ། ལྷོ་ནུབ་མཚམས་སུ་ཥྃ་ལས་བྱུང་བའི་དབྱུག་ཐོ་ཥྃ་གིས་མཚན་པ་དང་ལྡན་པའི་ཞལ་གཅིག་ཕྱག་བཞི་པའི་གཤིན་རྗེ་
D631.091.0076b03.01གཤེད་པོ་བཻ་ཌཱུརྱའི་མདོག་ཅན། གཡས་ཀྱི་དང་པོ་ན་རྡོ་རྗེའི་དབྱུག་ཐོ། གཡོན་གྱི་དང་པོ་ན་ཀླུ་དགའ་བོ་བསྣམས་པའོ། །གཡས་གཡོན་གྱི་འོག་མ་གཉིས་ན་ཐོ་བ་ཕུར་བུ་བསྣམས་པ། ནུབ་བྱང་མཚམས་སུ་ཎ་ལས་བྱུང་བའི་ཁ་ཊྭཱཾ་ག་ཎའི་མཚན་པ་དང་ལྡན་པའི་ཞལ་གཅིག་ཕྱག་བཞི་པའི་
D631.091.0076b04.01རྟ་མགྲིན་བྱི་རུའི་མདོག་ཅན། གཡས་ཀྱི་དང་པོ་ན་ཁ་ཊྭཱཾ་ག །གཡོན་གྱི་དང་པོ་ན་ཀླུ་པདྨ་ཆེན་པོ་བསྣམས་པ། གཡས་གཡོན་གྱི་འོག་མ་ན་ལྕགས་སྒྲོག་བསྣམས་པའོ། །བྱང་ཤར་མཚམས་སུ་ཧཱུྃ་ལས་བྱུང་བའི་བེ་ཅོན་ཧཱུྃ་གིས་མཚན་པ་དང་ལྡན་པའི་ཞལ་གཅིག་ཕྱག་བཞི་པའི་བདུད་རྩི་
D631.091.0076b05.01འཁྱིལ་པ་ཨིནྡྲ་ནཱི་ལའི་མདོག་ཅན། གཡས་དང་པོ་ན་བེ་ཅོན། གཡོན་གྱི་དང་པོ་ན་ཀླུ་སྟོབས་ཀྱིས་རྒྱུ་བསྣམས་པ། གཡས་གཡོན་གྱི་ཐ་མ་གཉིས་བསྣོལ་ནས་བསྡིགས་པའོ། །ཤར་ལྷོའི་གྲུ་ཆད་ལ་ལྷ་མོ་བདུག་པ་མ་མདོག་མཐིང་ག་པོག་ཕོར་འཛིན་པ་དང་ལྡན་པ། ལྷོ་ནུབ་ཏུ་ལྷ་
D631.091.0076b06.01མོ་མེ་ཏོག་མ་མདོག་དཀར་མོ་མེ་ཏོག་འཛིན་པ་དང་ལྡན་པའོ། །ནུབ་བྱང་དུ་ལྷ་མོ་མར་མེ་མ་དམར་མོ་མར་མེ་འཛིན་པ། བྱང་ཤར་དུ་ལྷ་མོ་དྲི་ཆབ་མ་ལྗང་གུ་དྲི་ཆུ་བསྣམས་པའོ། །དེ་དག་ནི་གཞོན་ནུ་ལང་ཚོ་ལ་བབ་པ་མཛེས་པའི་ཚུལ་ཅན་ཧཱུཾ་ལས་བསྐྱེད་པར་བྱའོ། །ཤར་
D631.091.0076b07.01