完整藏文原文 · 德格版页 当前仅加载第 90 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་ཀུན་ཏུ་གསུངས། །དཀོན་མཆོག་གསུམ་ལ་ཆེར་གནོད་ལ། །བྱ་བར་བཤད་ཀྱིས་གཞན་དུ་མིན། །སེམས་གདུག་བསྒྲུབ་པར་བྱ་བ་ཡིས། །རྐང་པའི་རྗེས་ཀྱིས་བླངས་ལ། །དེ་ནས་གཙང་མའི་མ་ཧེ་ཡི། །གཅིན་གྱིས་དེ་ནི་སྦྲུས་ནས་ཀྱང་། །དེ་ཡིས་
D604.090.0281a01.01གཟུགས་བརྙན་བྱས་ནས་ནི། །དུར་ཁྲོད་ཐལ་བས་བསྐུ་བར་བྱ། །སོལ་བ་ཚེར་མ་རྣོན་པོ་དང་། །དེ་བཞིན་རུས་པ་ཕུབ་མ་དག །དེ་ཡི་སྙིང་གར་གདབ་པར་བྱ། །དེ་བཞིན་གཞན་ཡང་ལྟོ་བ་དང་། །རྣ་བ་སྣ་དང་མིག་དང་ཁ། །རབ་ཏུ་བཀང་ནས་གཡང་སར་བཞག །རྐང་པ་
D604.090.0281a02.01གཡོན་པས་མནན་པར་བྱ། །དེ་ནས་རོ་ལངས་ཞི་བའི་སྔགས། །ཕྱིན་ཅི་ལོག་ཏུ་བཟློག་སྟེ་བཟླས། །བསྒྲུབ་པར་བྱ་བའི་མིང་སྨོས་ནས། །སྒྲུབ་པ་སྟོང་རྩ་བརྒྱད་བཟླས་ལ། །བཟློག་པའི་རིམ་པ་འདི་ཉིད་ཀྱིས། །ཕཊ་གཉིས་དག་གི་བར་དུ་གཞུག །ལས་འདི་བྱས་པས་
D604.090.0281a03.01ངེས་པར་ནི། །བསྒྲུབ་པར་བྱ་བ་སྦོས་གྱུར་ནས། །ངེས་པར་འཆི་བདག་དབང་དུ་འགྱུར། །བློ་དང་ལྡན་པས་བསྒྲུབ་བྱ་ཡི། །དྲེགས་པ་དེ་ལྟར་བསལ་བྱས་ན། །ན་བ་ཀུན་གྱིས་བཏབ་པ་དེ། །དེ་ནས་སླར་ཡང་ཐར་བར་བྱ། །གཞན་དུ་བྱས་ན་མོད་ལ་ནི། །ངེས་པར་འཆི་
D604.090.0281a04.01བདག་མདུན་དུ་འགྲོ། །དཀོན་མཆོག་གསུམ་ནི་བསྲུང་བའི་ཕྱིར། །གནོད་པར་བྱེད་པ་ཐམས་ཅད་ལ། །ནད་ལ་སོགས་པ་སྦྱར་ན་ཡང་། །འཆི་བར་འགྱུར་བ་འདི་བཤད་དོ། །དམ་ཚིག་ཤེས་ལ་མི་བྱ་སྟེ། །གལ་ཏེ་བྱས་ན་བདག་ཉིད་འཆི། །བསྐྲད་པར་བྱ་བའི་ཆོ་
D604.090.0281a05.01ག་ཡང་། །འཇམ་དབྱངས་རབ་ཏུ་དཔའ་བོ་ཡི། །ཁྲོ་བོ་ཉིད་ཀྱིས་ཇི་སྐད་དུ། །གསུངས་པ་ད་ནི་བཤད་པར་བྱ། །སེང་ལྡེང་ལས་བྱས་ཕུར་བུ་ནི། །སོར་བརྒྱད་ཙམ་དུ་བྱས་པ་ལ། །ཡུངས་མར་ཚ་བས་བྱུགས་ནས་ནི། །དུར་ཁྲོད་ཐལ་བས་གདབ་པར་བྱ། །
D604.090.0281a06.01དེ་ནས་ཁྭ་ནི་རང་ཤི་བའི། །དེ་ཡི་པགས་པས་དཀྲི་བར་བྱ། །སྒྲུབ་པས་ནུབ་མོ་ཕུར་བུ་དེ། །སྐུད་པ་དམར་པོས་བཅིངས་ནས་ནི། །དེ་ནས་རོ་ལངས་ཕྱག་རྒྱ་ནི། །སྐྲོད་ཅིག་པ་ཡི་ཚིག་ལྡན་པས། །བསྒྲུབ་པར་བྱ་བས་མིང་སྨོས་ཏེ། །མཁས་པས་སྟོང་རྩ་བརྒྱད་བཟླས་པ། །
D604.090.0281a07.01