完整藏文原文 · 德格版页 当前仅加载第 90 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ཕཊ། རི་མོ་ལ་ནི་གནས་པ་བཞིན། །ངེས་པར་མྱུར་དུ་གནོན་པར་འགྱུར། །ཐ་མར་ཧཱུྃ་བཞག་དེ་ནས་དྲིཾ། །ཀྵེ་བྷ་ཡ་ཞེས་ལན་གཉིས་བརྗོད། །དེ་ཡི་ཐ་མར་ཡི་གེ་མ། །མཁས་པ་དག་གིས་སྦྱོར་བ་ནི། །དཔུང་རྣམས་འཁྲུག་པ་འགྱུར་བ་ལ། །ཁྲོས་ན་ངོ་མཚར་ཅི་ཞིག་ཆེ། །ཐ་མར་ཧཱུྃ་
D604.090.0275b01.01དང་ག་གཞག་ལ། །དེ་ནས་ཏིཥྛ་ཏིཥྛ་གཞག །སྔགས་པས་གལ་ཏེ་སྦྱར་ན་ནི། །ཆོ་ག་འདི་ནི་གླང་པོ་གནོན། །ཧ་ན་བི་དྷྭྃ་ས་མར་ཡ། །བསྐུལ་ནས་ཐ་མར་ཧཱུྃ་བརྗོད་ཅིང་། །དེ་བཞིན་ཐ་མར་ཕཊ་བརྗོད་ན། །དཔུང་དག་རབ་ཏུ་འཆི་བར་འགྱུར། །ཁ་ཁ་ཁཱ་ཧི་ཁཱ་ཧི་ཞེས། །བསྐུལ་
D604.090.0275b02.01ནས་ཐ་མར་ཧཱུྃ་བརྗོད་ན། །དཔུང་རྣམས་ཕན་ཚུན་འཁྲུག་པར་ནི། །ཐོགས་པ་མེད་པར་རབ་ཏུ་འགྱུར། །ཐ་མར་ཧཱུྃ་དང་དེ་བཞིན་ཕཊ། །དྲིཾ་དྲིཾ་ཛ་ཛ་དྲིཾ་དྲིཾ་དག །ངེས་པ་དག་ཏུ་སྦྱར་ན་ནི། །སྔགས་པ་ཁྲོ་དང་ལྡན་པ་ཡི། །ཁྲག་གིས་ཆར་འབབ་བྱེད་པར་གསུངས། །ཐ་མར་ཧཱུྃ་བརྗོད་ཧ་
D604.090.0275b03.01ཧ་ཧཱ་ཧཱ་བཻ་ཏཱལི་ཧཱུྃ་ཕཊ། ཅེས་བདག་གིས་བྱ། སྔགས་པ་དཔའ་དང་ལྡན་པ་ཡིས། །བསྐུལ་ནས་མྱུར་དུ་རྨོངས་པར་འགྱུར། །ཐ་མར་ཧཱུྃ་བརྗོད་ཧ་ཧ་ཧ། །དེ་བཞིན་ཨནྟ་ཡ་དང་ཕཊ། །བསྐུལ་བ་འདི་དག་དང་ལྡན་ན། །འགྲོ་བདག་ནི་ལྡོངས་པར་བྱེད། །ཐ་མར་ཧཱུྃ་བརྗོད་དེ་ནས་ཧཱུྃ། །
D604.090.0275b04.01དེ་བཞིན་དྲིཾ་དྲིཾ་ཛ་ཛ་གཞག །ཐ་མར་དྲིང་དང་ཕཊ་ལྡན་ན། །འགྲོ་བ་དེ་མ་ཐག་ཏུ་འབེབས། །ཁྲོ་བོ་ཆེན་པོ་འདི་ཡི་ནི། །ཕྱག་རྒྱ་དེ་ལྟར་གྲུབ་གྱུར་ན། །དེ་ཚེ་ལས་རྣམས་ཐམས་ཅད་ནི། །ཡིད་ཀྱིས་བསྐུལ་བ་ཙམ་གྱིས་བྱེད། །བྱང་ཆུབ་སེམས་དཔའ་ཐམས་ཅད། །དམ་ཚིག་རབ་ཏུ་སྐོང་
D604.090.0275b05.01བ་ཡིན། །སྒྲུབ་པ་གང་དང་གང་འདོད་པ། །དེ་ནི་ཐོགས་པ་མེད་པར་བྱེད། །གལ་ཏེ་དེར་ནི་མ་གྲུབ་ན། །འདི་ཡི་སྔོན་དུ་བསྙེན་པ་ནི། །ཆོ་ག་བཞིན་དུ་འབུམ་བྱས་ལ། །དེ་ནས་བློ་ལྡན་བསྒྲུབ་ལ་འཇུག །དེ་ཚེ་དེ་བཞིན་གཤེགས་པ་ཡི། །སྔ་མའི་དམ་ཚིག་བསྐུལ་བ་བཞིན། །
D604.090.0275b06.01དེ་ནས་སླར་ཡང་སྔགས་རྣམས་ལ། །ཐོགས་པ་མེད་པར་དེ་བཞིན་སྦྱར། །ཕྱག་འཚལ་བ་དང་ཀུན་ཏུ་ལྡན། །དེ་ཡི་ཐོག་མར་ཨོཾ་གཞག་ལ། །ཨོཾ་ཞེས་བྱ་བ་གཞན་ཡང་གཞག །ཨཱཿཞེས་བྱ་བ་གཉིས་པའོ། །དེ་ཡི་ཚིག་གི་མཇུག་ཏུ་ཧཱུྃ། །བཞག་སྟེ་དེ་ནས་ཚིག་རྣམས་ཀུན། །དེ་ལྟར་
D604.090.0275b07.01