完整藏文原文 · 德格版页 当前仅加载第 90 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་གཡོ་བར་འགྱུར། །ཧ་ཧར་གྱུར་པ་འཁྲུགས་པ་དང་། །དེ་བཞིན་ཧ་ཧའི་སྒྲ་ཡང་འབྱིན། །དེ་ནས་བདག་གིས་ལངས་པ་ལ། །མཚོན་ཆ་རྣོན་པོ་འབར་བ་ཡིས། །བཅད་པའི་ཤ་དང་ཁྲག་བཅས་པའི། །མཆོད་ཡོན་དེ་ལ་དབུལ་བར་བྱ། །རིག་པ་འཛིན་པ་དེ་ཡི་ནི། །སེམས་
D604.090.0277b01.01ཀྱི་དྲོད་ནི་དེ་ཤེས་ནས། །མཆོད་ཡོན་བླངས་ཏེ་དཀྱིལ་འཁོར་ནི། །ཧ་ཧར་གྱུར་པ་འཇིགས་པར་བྱེད། །དེ་ནས་བདག་ཉིད་ཆེན་པོ་དེ། །འཇིགས་སུ་རུང་བའི་གཟུགས་མཐོང་ནས། །གཤིན་རྗེའི་གཤེད་པོ་དཔའ་བོ་ཡི། །རོ་ལངས་ཕྱག་རྒྱ་བསྟན་པར་བྱ། །དེ་ནས་གཤིན་
D604.090.0277b02.01རྗེའི་གཤེད་པོ་ནི། །{ཡི་དགས་,ཡི་དྭགས་}ལུས་ལ་གནས་པ་དེས། །རོ་ལངས་ཉིད་ཀྱི་རྒྱ་མཐོང་ནས། །རིག་པ་འཛིན་པ་དེ་ཡི་ནི། །སེམས་དྲོད་རིག་ནས་འདོད་པའི་མཆོག །སྦྱིན་པར་བྱེད་ལ་གདོན་མི་ཟ། །ཁྲོ་བོའི་རྒྱལ་པོ་སླར་གཤེགས་ནས། །མི་རོ་ས་ལ་འགྱེལ་བར་འགྱུར། །དེ་ཡི་ལུས་
D604.090.0277b03.01ནི་དེ་ཉིད་ཀྱང་། །གསེར་དུ་འགྱུར་བ་གདོན་མི་ཟ། །དེ་ཚེ་གྲོགས་པོ་རྣམས་དང་ཡང་། །སེམས་ཅན་རྣམས་ལ་ཅི་བདེར་སྦྱིན། །བདག་ཉིད་ཆེན་པོ་དཔའ་བོ་ཡི། །བསྒྲུབ་པ་བཤད་པ་འདི་ཡིན་ཏེ། །སེམས་ནི་རབ་ཏུ་དཔའ་བས་བྱའི། །ངན་སོང་གཞན་གྱིས་ཡོང་མི་བྱ། །སེམས་
D604.090.0277b04.01ཞན་པ་ཡི་སྒྲུབ་པ་པོས། །ཁྲོ་བོའི་རྒྱལ་པོ་དེ་བསྒྲུབས་ན། །དེ་ནས་ལངས་ནས་མྱུར་བར་ནི། །གྲོགས་དང་བཅས་པ་གསོད་པར་འགྱུར། །རོ་ལངས་ཕྱག་རྒྱ་མི་ཤེས་ན། །དེས་ནི་ཅི་ལྟར་དྲག་འགྱུར་ཀྱང་། །ཁྲོ་བོའི་རྒྱལ་པོ་དེ་ཡི་ནི། །སྒྲུབ་པ་པོ་ནི་གསད་པར་འགྱུར། །རིག་
D604.090.0277b05.01འཛིན་མཆོག་གིས་གང་དག་ཏུ། །དེ་བཞིན་གཤེགས་པའི་དམ་ཚིག་གིས། །བརྒྱན་ཅིང་ཁྲོ་བོ་བསྐུལ་བ་ཡིས། །རོ་ལངས་ཕྱག་རྒྱ་བཅིངས་པ་དེར། །གདོན་མི་ཟ་བར་ཁྲོ་བོ་ནི། །ལེགས་པར་བྱིན་གྱིས་རློབ་པར་འགྱུར། །མྱུར་དུ་མཆོག་ཀྱང་སྩོལ་བར་མཛད། །འགྲོ་
D604.090.0277b06.01བར་གྱུར་པ་གདོན་མི་ཟ། །ཨོཾ་ན་མོ་བུནྡྷ་དྷརྨ་སཾ་གྷེ་བྷྱཿ། ཨཱ་ཀྲོ་དྷི་ཀ་ཡ་མཱནྟ་ཀ་ཧ་ནམ་ཐ་བྷཉྫ་ཧཱུྃ་བེ་ཐཱ་བི་རཀྵ་ར་ཀྵ་མཱན་ཏ་ཐཱ་ག་ཏོ་ཨཱ་ཛྷཱ་པ་ཡ་ཏི་སྭཱཧཱ། དེ་བཞིན་གཤེགས་པའི་དམ་ཚིག་གི་བཀས་བརྒྱན་པ། རོ་ལངས་ཀྱི་ཁྲོ་བོའི་ཕྱག་རྒྱའི་སྔགས་སོ། །ཧ་ཧར་གྱུར་པའི་དཀྱིལ་
D604.090.0277b07.01