khro bo rnam par rgyal ba'i rtog pa gsang ba'i rgyud/
当前为德格木刻版 272a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 272a
- 可引用原文
- 7 行
- 全文规模
- 全经 738 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 2 函第 90 函 · 德格 272a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སྔགས་ཀྱིས་རིམ་བཞིན་དུ། །མེ་ཏོག་ཆོ་ག་བཞིན་ཕུལ་ནས། །རང་གི་སྙིང་པོ་སྔགས་ཀྱིས་ཀྱང་། །ཁྲོ་བོ་ཡི་ནི་སྤྱི་བོ་དང་། །ཁྲོ་བོ་གཙོ་བོའི་སྙིང་གར་ནི། །སྙིང་པོ་རྣམ་པར་དགོད་པར་བྱ། །མཚོག་མར་དེ་ཡི་མཚོག་མ་དང་། །དེ་ཡི་གཙུག་ཏུ་སྤྱི་གཙུག་གཞག །དེ་ཡི་ལུས་ལ་གོ་ཆ་དང་། །མཚོན་ཆའི་ཚོགས་ལ་མཚོན་བཞག་སྟེ། །འདི་སྐད་བསྟན་པ་འདི་དག་ནི། །མེ་ཏོག་དག་གིས་དགོད་པར་བྱ། །དེ་ལྟར་ཅི་རིགས་མཆོད་ནས་ཀྱང་། །བདུག་པ་རང་གི་སྔགས་ཀྱིས་དབུལ། །དེ་ནས་མར་མེ་རབ་
འབར་བ། །ཕྱོགས་བརྒྱད་དུ་ཡང་ད་གོད་པར་བྱ། །འབྱུང་པོའི་གཏོར་མ་ཁྲོ་བོ་ལ། །ཕུལ་ནས་{ཡི་དགས་,ཡི་དྭགས་}ཕལ་ཆེན་གྱི། །ཕྱི་རོལ་དུ་ནི་མཁས་པ་ཡིས། །སྨེ་གཏོར་རྣམས་ནི་སྦྱིན་པར་བྱ། །ཁྲོ་བོ་གཙོ་ལ་དེ་ཕྱོགས་ཏེ། །དེ་ནས་ཡང་ནི་བདུག་པ་འབུལ། །དེ་ཡི་ཕྱི་རོལ་ཆུ་བཅས་སྣོད། །མེ་ཏོག་གིས་ནི་བཀང་སྟེ་བཞག །ཆོ་གས་ཁྲུས་ཀྱི་སྨྱུང་བ་ཡི། །སློབ་མ་དག་ནི་བོས་ནས་ཀྱང་། །སྔགས་ཀུན་གྱིས་ནི་གཟི་བསྐྱེད་ལ། །ཁྲོ་བོ་ཡི་ནི་སྙིང་པོ་ཡིས། །ལག་གཉིས་མེ་ཏོག་བྱིན་ནས་ནི། །གོས་ཀྱིས་གདོང་ནི་གཡོག་པར་བྱ། །
དཀོན་མཆོག་གསུམ་ནི་དྲན་བྱས་ལ། །སློབ་དཔོན་གྱིས་ནི་གཞུག་པར་བྱ། །རང་གི་སྙིང་པོས་མེ་ཏོག་ཉིད། །དཀྱིལ་འཁོར་ལ་ནི་གཏོར་དུ་གཞུག །དེ་ནས་བེ་ཅོན་ཞེས་པ་ཡི། །ཕྱག་རྒྱ་སྔགས་པས་དེ་ལ་བསྟན། །དཀོན་མཆོག་གསུམ་ནི་གསང་བ་ཡི། །དམ་ཚིག་དེ་ལ་སྦྱིན་པར་བྱ། །དེ་ནས་གྲུབ་པར་བྱ་བའི་ཕྱིར། །སྔགས་པས་ཆུ་དང་མེ་ཏོག་གིས། །ཁྲོ་བོའི་གཙོ་བོའི་གསང་སྔགས་དག །དབང་བསྐུར་ནས་ནི་དེ་ལ་སྦྱིན། །དེ་ནས་ཁྲོ་བོའི་སྙིང་པོ་ཡིས། །ཆོ་ག་བཞིན་དུ་དབང་བསྐུར་ནས། །མེ་ཏོག་བདུག་པའི་ཕྲེང་
བ་ཡིས། །སྙིང་པོ་དེ་ལ་སྦྱིན་པར་བྱ། །ཁྲོ་བོ་ཡི་ནི་སྙིང་པོ་མཆོག །དེས་ཀྱང་དེ་ལྟར་མནོས་ནས་ནི། །དེ་ནས་བླ་མ་ཕྱག་བྱས་ནས། །ཅི་ནུས་སྦྱིན་པས་མཆོད་པར་བྱ། །སྔགས་པས་བླ་མ་མཆོད་བྱས་ན། །དངོས་གྲུབ་ཐོབ་འགྱུར་གཞན་དུ་མིན། །སློབ་མ་སྙིང་པོ་བྱིན་ནས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D604
- 德格版页
- 272a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0598 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。