完整藏文原文 · 德格版页 当前仅加载第 83 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་བྱ། །སོར་མོ་བཞི་ཡི་ཚད་ལྡན་ལ། །གཏིང་དུ་སོར་གཉིས་ཟབ་པ་ལ། །དེ་ལ་སོར་ཕྱེད་བཅུད་ཁུང་དུ། །བླུགས་གཟར་པད་མའི་རྣམ་པ་བཞིན། །མཐེ་བོའི་ལྟོ་གང་ཚད་ལ་ནི། །གཏིང་དུ་སོར་མོའི་ཚད་ལྡན་ནོ། །རྒྱུད་འདི་ལ་ནི་རབ་ཏུ་བསྔགས། །དཀྱིལ་འཁོར་དུ་ནི་
D474.083.0211a01.01མ་ཞུགས་ཤིང་། །མཚམས་མེད་ལྔ་ནི་བྱས་པ་དང་། །གང་གིས་སྲོག་ཆགས་གསོད་པ་དང་། །ཉ་དང་ཤ་སོགས་ཟ་བ་དང་། །ཆང་དང་འདོད་མ་ལ་ཆགས་དང་། །ཆད་ལྟའི་བརྟུལ་ཞུགས་འཛིན་པ་དང་། །མངོན་པར་དབང་ནི་མ་བསྐུར་དང་། །བྱ་བ་མ་ཡིན་བྱེད་སྤྲོ་དང་། །གྲོང་ཁྱེར་དབྱེན་བྱེད་
D474.083.0211a02.01བས་ཀྱང་ནི། །དམར་པོའི་གསུང་ནི་ཇི་ལྟར་བར། །གཤིན་རྗེ་གཤེད་རྒྱུད་མཆོག་ལ་གཞོལ། །འགྲུབ་འགྱུར་འདི་ལ་ཐེ་ཚོམ་མེད། །དེ་ནས་བྱམས་པ་ལ་སོགས་པའི་རྡོ་རྗེའི་བྱང་ཆུབ་སེམས་དཔའ་ཀུན་གྱིས་རྡོ་རྗེ་ཆེན་པོའི་སྔོན་མེད་པའི་གསུང་ཐོས་པས་ཅང་མི་སྨྲ་བར་གྱུར་ཏོ། །དེ་ལ་འདི་ནི་རྡོ་རྗེ་དབབ་
D474.083.0211a03.01པའི་དམ་ཚིག་སྟེ། །དེ་ཡང་འབྱུང་བའི་ས་བོན་ཆེ། །འཁོར་ལོ་བཞི་པོ་རབ་བསྒྲུབ་བྱ། །གནས་བཞིར་རབ་ཏུ་སྦྱོང་བ་ཡིས། །ནམ་མཁའ་ཡང་ནི་གཡོ་བར་བྱེད། །རྐང་ཡ་དག་གི་འོག་ཏུ་ཡྃ། །ལྟེ་བར་རྃ་སྟེ་སྙིང་གར་ལྃ། །མགོ་བོ་ལ་ནི་བྃ་ཡིག་གོ། །གཞུ་ཡི་རྣམ་པ་ནག་པོ་ཆེ། །གཏུམ་པོའི་
D474.083.0211a04.01རླུང་ནི་འཇིགས་བྱེད་པ། །སྲེག་བྱེད་ཟུར་གསུམ་མེ་བཞིན་འབར། །ཉི་མ་དམར་པོའི་འོད་དང་མཚུངས། །རྡོ་རྗེའི་ས་གཞིའི་རིམ་པ་ནི། །སེར་པོ་ཆེན་པོ་གྲུ་བཞི་པ། །རི་རབ་རི་ཡིས་མནན་པ་ཡི། །ནོར་འཛིན་དེ་ནི་བསྒོམ་པར་བྱ། །དཀར་པོ་ཟླུམ་པོ་བུམ་པ་བཞིན། །སྤྲིན་བཞིན་དུ་ནི་
D474.083.0211a05.01ཆར་པ་འཛིན། །སྟོང་གིས་རབ་ཏུ་གང་བ་ཡི། །གངས་ཀྱི་རི་བོ་ལྟ་བུར་བསིལ། །གནས་བཞི་རབ་ཏུ་སྦྱོར་བ་ཡིས། །སློབ་མ་རྡོ་རྗེ་ཅན་ལ་བསྒོམ། །རྡོ་རྗེ་སྣང་བ་མཐའ་ཡས་སྦྱོར། །མྱུར་བ་ཉིད་དུ་འབེབས་པར་བྱེད། །དེ་ལ་འདི་ནི་དྲི་བའི་དམ་ཚིག་གོ། །རྡོ་རྗེ་ཆོས་ནི་མགོན་ཆེན་པོ། །
D474.083.0211a06.01སྣང་བ་མཐའ་ཡས་བདེ་བ་ཆེ། །གསུངས་ཤིག་འདོད་ཆགས་ཆོས་ཆེན་པོ། །དགེ་དང་མི་དགེ་ལེགས་པར་འདྲི། །ཁྲུ་གང་ནས་ནི་བཟུང་ནས་ནི། །ཇི་སྲིད་ཁྲུ་ནི་སྟོང་གི་བར། །སློབ་མ་ཆེན་པོ་འཕར་བར་འགྱུར། །འདི་ནི་དབབ་པའི་དམ་ཚིག་གོ། །རི་མོ་བྲི་བའི་མཚན་ཉིད་རྣམས། །བདག་
D474.083.0211a07.01