完整藏文原文 · 德格版页 当前仅加载第 83 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
མ་རྣམས་ཆོ་གས་དགོད་པར་བྱའོ། །དེ་ནས་སྒོ་སྐྱོང་བསྒོམ་བྱ་ཞིང་། །དབྱུག་པ་ལ་སོགས་མཐའ་དག་ལ། །སྔོན་དུ་འཁོར་ལོ་ཇི་ལྟ་བཞིན། །དེ་བཞིན་ཁ་དོག་རབ་ཏུ་སྦྱོར། །ཀུན་ལ་བདག་པོའི་མཚན་མ་འཛིན། །ཕྱི་ནས་ཀྱང་ནི་སྔགས་བཟླས་ཏེ། །ཨོཾ་ཨེ་ཀ་ཛ་ཊི་བ་
D474.083.0202a01.01སུ་སཱ་དྷ་ནི་སྭཱ་ཧཱ། དེ་ནས་པུཀྐ་སཱི་ཡི་ནི། །སྒྲུབ་ཐབས་བདག་གིས་བཤད་པར་བྱ། །གང་གིས་བསྒོམས་ཙམ་སྐད་ཅིག་ལས། །འཇིག་རྟེན་གསུམ་ལ་པུཀྐ་སཱི། །ཁ་དོག་དམར་སེར་ཞལ་བཞི་པ། །ཕྱག་བཞི་བོང་བུ་ལ་ཞོན་སྒོམ། །ལས་ཀྱི་པུཀྐ་སཱི་ཡི་ནི། །བྱ་རོག་དང་ནི་ཐོ་བ་
D474.083.0202a02.01དང་། །མདའ་གཞུ་བརྟུལ་ཞུགས་ཅན་གྱིས་བསྒོམ། །སྔགས་བཟླས་པར་བྱའོ། །ཨོཾ་པུཀྐ་སཱི་ཨོཾ། དེ་ནས་འཇམ་པའི་རྡོ་རྗེ་ཡི། །སྒྲུབ་ཐབས་བདག་གིས་རབ་བཤད་བྱ། །འཇམ་པའི་རྡོ་རྗེའི་གྲུབ་པ་ལས་སྐད་ཅིག་གཅིག་ལས་མི་མཐོང་བར་འགྱུར་རོ། །དེ་བཞིན་གཤེགས་པ་ཐམས་
D474.083.0202a03.01ཅད་ཀྱི་སྐུ་གསུང་ཐུགས་གཤིན་རྗེ་གཤེད་དམར་པོའི་རྒྱུད་ལས་རོ་ལངས་གནོད་སྦྱིན་མོ་བསྒྲུབ་པ་སྟེ་རིམ་པར་ཕྱེ་བ་དགུ་པའོ།། །།དེ་ནས་རྡོ་རྗེ་འཛིན་པའི་རྒྱལ་པོས་རོ་ལངས་དང་། གཅན་གཟན་གདུག་པ་ཅན་ལ་སོགས་པ་བསྲུང་བའི་སྔགས་བཤད་པར་བྱའོ། །འབུམ་ཕྲག་བཞི་ནི་བཟླས་
D474.083.0202a04.01པ་ཡིས། །དོན་གྲུབ་ས་བོན་གཏོར་བྱས་ན། །རོ་ནི་དོན་བྱེད་ལངས་འགྱུར་ཏེ། །འཚོ་བར་ཡང་ནི་ཐེ་ཚོམ་མེད། །ཞི་ལ་གཤིན་རྗེ་གཤེད་དཀར་པོ། །རྣལ་འབྱོར་བསྒོམ་བྱར་རྟག་ཏུ་རིག །ལག་ན་དོན་འགྲུབ་ས་བོན་ལ། །འབུམ་ཕྲག་བཞི་ནི་བཟླས་པ་ཡིས། །རོ་ནི་མདུན་དུ་ཕྱོགས་བྱས་ནས། །
D474.083.0202a05.01ཡུངས་ཀར་གྱིས་ནི་བསྣུན་གྱུར་ན། །དེ་ཉིད་ལྡང་བར་ཐེ་ཚོམ་མེད། །གལ་ཏེ་ནག་པོས་བཟུང་གྱུར་ན། །ཧཱུྃ་མཛད་དཀར་པོ་དང་མཚུངས་པ། །བསྒྲུབ་བྱ་ཡི་ནི་སྙིང་གར་བསྒོམ། །ཧྲཱིཿཥྚྲཱིཿལ་སོགས་སྔགས་རྣམས་བཟླས། །འོད་ཟེར་གྱིས་ནི་དུག་རྣམས་དགུག །ལག་པ་གཡས་
D474.083.0202a06.01དང་དེ་བཞིན་གཡོན། །པདྨ་འདབ་མ་བརྒྱད་པ་འཛིན། །དེ་དབུས་ཧཱུྃ་མཛད་དཀར་པོ་སྟེ། །འོད་ཟེར་གྱི་ནི་བདུད་རྩི་འབབ། །དེ་ཡི་མགོ་བོའི་སྟེང་དུ་ཡང་། །བསིལ་ཟེར་བྱེད་པའི་དཀྱིལ་འཁོར་དབུས། །མཁས་པས་ཧཿཡིག་བསམ་པར་བྱ། །ཧྲཱིཿཥྚྲཱིཿལ་སོགས་སྔགས་
D474.083.0202a07.01