完整藏文原文 · 德格版页 当前仅加载第 83 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
ཉོན་མོངས་པ་འཇོམས་པའི་ཕྱིར་རོ། །ཡང་དག་པར་སྤོང་བ་ནི་དྲ་བ་དྲ་ཕྱེད་དོ། །རྟ་བབས་བཞི་ནི་སྦྱིན་པ་དང་སྙན་པར་སྨྲ་བ་དང་དོན་སྤྱོད་པ་དང་དོན་མཐུན་པ་བཞིའི་རྣམ་པར་དག་པའོ། །དེ་ནས་རྡོ་རྗེ་མཁའ་འགྲོ་མའི། །སྒྲུབ་ཐབས་བདག་གིས་རབ་བཤད་བྱ། །ནམ་མཁའི་
D474.083.0209b01.01ཁམས་ཀྱི་དབུས་སོང་ནས། །ཉི་མའི་དཀྱིལ་འཁོར་མཆོག་བསམས་ཏེ། །རྩེ་ལྔ་པ་ནི་རྣམ་པར་བསྒོམ། །དེ་ཡི་སྟེང་དུ་པདྨ་དགོད། །འདི་མདོག་ནག་ལ་འཇིགས་ཆེན་མོ། །ཕྱག་དྲུག་མཛེས་པའི་གཟུགས་ལྡན་མ། །ཕྱག་ན་རྡོ་རྗེ་རྣམ་པར་བསྒོམ། །ལྷག་མའི་ཕྱག་ཏུ་
D474.083.0209b02.01གཞན་དགོད་དོ། །ཤར་དུ་སངས་རྒྱས་མཁའ་འགྲོ་མ། །ཕྱག་དྲུག་གཏི་མུག་དང་མཚུངས་པ། །ཕྱག་ན་འཁོར་ལོ་འཇིགས་ཆེན་མོ། །རྣལ་འབྱོར་དཀྱིལ་འཁོར་ལ་བསྒོམ་བྱ། །ལྷོ་རུ་རིན་ཆེན་མཁའ་འགྲོ་མ། །ཕྲ་མ་དང་མཚུངས་ཕྱག་དྲུག་མ། །ཕྱག་ན་རིན་ཆེན་
D474.083.0209b03.01འཇིགས་ཆེན་མོ། །ཉི་མའི་དཀྱིལ་འཁོར་ལ་བསྒོམ་བྱ། །ནུབ་ཏུ་ཆོས་ཀྱི་མཁའ་འགྲོ་མ། །ཕྱག་དྲུག་པདྨ་འཛིན་པ་མོ། །བྱང་ན་ལས་ཀྱི་མཁའ་འགྲོ་མ། །སྙིང་པོའི་དཀྱིལ་འཁོར་རལ་གྲི་མ། །མེ་ལ་སོགས་པའི་མཚམས་བཞི་ལ། །བརྟུལ་ཞུགས་ཅན་གྱིས་ལྷ་མོ་
D474.083.0209b04.01བསྒོམ། །དྲི་མ་དེ་བཞིན་གར་མ་དང་། །གླུ་མ་སྒེག་མོ་ཁྱད་པར་ཅན། །དེ་ནས་སྒོ་སྐྱོང་བསྒོམ་པར་བྱ། །ཆོ་ག་བཞིན་དུ་ལས་རྣམས་བལྟ། །ཐོ་བ་དབྱུག་པ་པད་རལ་གྲི། །ཨོཾ་བུདྡྷ་ཌཱ་ཀི་ནཱི། ཨོཾ་བཛྲ་ཌཱ་ཀི་ནཱི། ཨོཾ་དྷརྨྨ་ཌཱ་ཀི་ནཱི། ཨོྃ་རཏྣ་ཌཱ་ཀི་ནཱི། ལཱྃ་མཱྃ་ནཱྃ་གཱྃ་མཚམས་སུའོ། །ཨོཾ་
D474.083.0209b05.01མུངྒ་ར་ཛཿ། ཨོཾ་དཎྜ་ཧཱུྃ། ཨོཾ་པདྨ་བྃ། ཨོཾ་ཁཌྒ་ཧོཿ། ཞེས་པ་ནི་བཅོམ་ལྡན་འདས་རྡོ་རྗེ་ཅན་གྱིས་རྡོ་རྗེ་མཁའ་འགྲོ་མའི་སྒྲུབ་ཐབས་གསུངས་པའོ། །རིང་པོ་ནས་ཐོས་པ་བསྒྲུབ་པའི་ཕྱིར་རྡོ་རྗེ་མཁའ་འགྲོ་མ་བསྒོམ་པར་བྱའོ། །དེའི་སྔགས་ཀྱི་ཚིག་རྣམས་ནི་འདི་ཡིན་ཏེ། །ཨོཾ་ཨཱ་ཀཱ་ཤ་ཙ་ར་
D474.083.0209b06.01བཛྲ་ཌཱ་ཀི་ནཱི་སྭཱ་ཧཱ། དེ་ནས། གཞན་ཡང་རྡོ་རྗེ་ས་འོག་གི། །སྒྲུབ་ཐབས་བདག་གིས་རབ་བཤད་བྱ། །ས་འོག་བུ་ག་བསྒྲུབ་བའི་ཕྱིར། །གནོད་མཛེས་རྡོ་རྗེ་བསྒོམ་པར་བྱ། །ཕྱག་དྲུག་ཁ་དོག་སྔོན་པོ་ལ། །ཕྱག་ན་གཏུན་ཤིང་འཛིན་པར་བྱེད། །སྙིང་པོའི་དཀྱིལ་འཁོར་དབུས་སུ་ནི། །
D474.083.0209b07.01