完整藏文原文 · 德格版页 当前仅加载第 83 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
རྣལ་འབྱོར་བཞི་དང་ལྡན་པའི་རྣལ་འབྱོར་པས་སྣ་ཚོགས་པའི་བཅའ་བ་ལ་སོགས་པ་དང་། །བཟའ་བ་དང་། མྱང་བ་དང་། བཏུང་བ་དང་། བལྡག་པ་ལ་སོགས་པ་དང་ཡང་དག་པར་ལྡན་པའི་དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་།
D474.083.0203b01.01རྒྱལ་མཚན་དང་། དྲིལ་བུ་དང་། བ་དན་ལ་སོགས་པ་རྣམས་ཀྱིས་རབ་ཏུ་གང་བ་ལ་རོལ་མོའི་སྒྲ་ཆེན་པོ་ལྔ་བསྒོམ་པར་བྱའོ། །མདུན་དུ་གཏོར་མ་བཞི་ཁྱོགས་དང་ཁུར་དང་དཔུང་ཐེགས་དང་མཐའ་ན་ཟན་ཙམ་ཆུ་དང་བཅས་པ་ཁྱོར་བ་གསུམ་དང་ཇི་ལྟར་རྙེད་པའི་དམ་ཚིག་གི་རྫས་
D474.083.0203b02.01དང་ལྡན་པ་བཤམས་ནས་དེ་སྟོང་པར་དམིགས་ཏེ་བརྩམ་པར་བྱའོ། །ནམ་མཁའི་ཁམས་སུ་པདྨ་འདབ་མ་བརྒྱད་པ་བསྒོམ་པར་བྱ་སྟེ། །གེ་སར་དང་བཅས་པའི་ཟེའུ་འབྲུ་ལ་ཡྃ་ཡིག་ལས་རླུང་གི་དཀྱིལ་འཁོར་ཁ་དོག་ནག་པོ་གཞུའི་རྣམ་པ་ལ་རྩེ་མོ་གཉིས་ལ་གཡོ་བའི་བ་དན་
D474.083.0203b03.01དཀར་པོ་བརྒྱད་ཀྱིས་སྤྲས་པའོ། །དེའི་སྟེང་དུ་རྃ་ཡིག་ལས་མེའི་དཀྱིལ་འཁོར་ཟུར་གསུམ་དམར་པོ་ཟུར་གསུམ་ན་ར་ཡིག་གིས་སྤྲས་པའོ། །དེའི་སྟེང་དུ་རུ་ཡིག་གསུམ་ཡོངས་སུ་གྱུར་པ་ལས་མགོ་བོ་དམར་པོའི་སྒྱེད་པུ་གསུམ་གྱི་སྟེང་དུ་ཨཱཿཡིག་ལས་སྐྱེས་པའི་པདྨའི་སྣོད་ཕྱི་
D474.083.0203b04.01དཀར་ལ་ནང་དམར་བ་དེ་ལ་ཆུ་སྐྱེས་འདབ་མ་བརྒྱད་པའི་རྣམ་པར་བསམ་པར་བྱའོ། །དེའི་ཤར་ལ་སོགས་པའི་འདབ་མ་ལ་ཨོཾ་ཨཱྃ་ཛྲཱིྃ་ཁྃ་ཧཱུྃ་གི་ཡི་གེ་རྣམས་ལས་རྣམ་པར་སྣང་མཛད་ལ་སོགས་པའི་རང་གཟུགས་རྣམས་སོ། །དེ་བཞིན་དུ་མེ་ལ་སོགས་པའི་མཚམས་རྣམས་ལ་
D474.083.0203b05.01ལཱྃ་མཱྃ་པཱྃ་ཏཱྃ་བཱྃ་གི་ཡི་གེ་རྣམས་ལས་སྤྱན་མ་ལ་སོགས་པའི་རང་གཟུགས་རྣམས་བསྒོམ་པར་བྱའོ། །ཡི་གེ་བཅུ་པོ་འདི་རྣམས་ཡོངས་སུ་གྱུར་པ་ནི་གོ་ཀུ་ད་ཧ་ན་རྣམས་དང་། །བི་ར་ཤུ་མཱ་མཱུ་ཞེས་པ་སྟེ། འདི་རྣམས་ཀྱི་ས་བོན་གྱི་ཡི་གེས་མཚན་པའི་དམ་ཚིག་གི་རྫས་བཅུ་པོ་དེ་པདྨའི་
D474.083.0203b06.01སྣོད་དུ་བལྟས་ཏེ། དེའི་སྟེང་དུ་ཨོཾ་ཡིག་ཁ་དོག་དཀར་པོས་བཀབ་པའི་གཟུག་སུ་བསྒོམ་མོ། །ཨོཾ་ཡིག་ལས་སྐྱེས་པའི་ཟླ་བའི་དཀྱིལ་འཁོར་དེའི་སྟེང་དུ་ཧཱུྃ་ཡིག་དཀར་པོ་ལས་བྱུང་བའི་རྡོ་རྗེ་དབྱུག་པ། དེ་ས་བོན་གྱིས་མཚན་པ་བལྟས་ཏེ། དེ་ཡང་པདྨའི་སྣོད་ལས་འོག་
D474.083.0203b07.01