完整藏文原文 · 德格版页 当前仅加载第 82 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་དེ་ཉིད་སྡོམ། །སྡོམ་པ་ཐམས་ཅད་ཀྱི་གསང་བ་ཟིལ་གནོན་རྡོ་རྗེ་ཞེས་བྱ་བའི་ཏིང་ངེ་འཛིན་སྤྱོད་པའི་བརྟུལ་ཞུགས་སོ། །རྡོ་རྗེའི་བདག་ཉིད་གསུམ་འདུས་ནས། །རྡོ་རྗེ་རྣལ་འབྱོར་པ་ཐིམ་འགྱུར། །དེ་གཉིས་སྐུ་གསུང་ཐུགས་རྡོ་རྗེ། །རྟོག་པའི་དཔའ་
D450.082.0031b01.01རླབས་རབ་ཞི་བ། །ཉེར་དཔྱད་ཡེ་ཤེས་སྒྱུ་མ་དག་པ་ལས། །ཡོངས་དག་རྣལ་འབྱོར་སྤྲོས་བཅས་དང་། སྤྲོས་མེད་ལས་འདས་སྟོང་པ་ཉིད། འོད་གསལ་ཤིན་ཏུ་སྤྲོས་མེད་ལས། ཕྱག་རྒྱ་ཆེན་པོ་ཟུང་འཇུག་ཐོབ། །དཔལ་ཡེ་ཤེས་རྡོ་རྗེ་ཀུན་ལས་
D450.082.0031b02.01བསྡུས་པ་ལས། རབ་ཏུ་བྱེད་པ་སུམ་ཅུ་སོ་ལྔ་པའོ། །འདི་ནི་སྔགས་རྣམས་ཐམས་ཅད་ཀྱི། །དེ་ཉིད་གསང་ཆེན་ཚུལ་མཆོག་སྟེ། །རྡོ་རྗེ་གསུམ་ལས་འཁོར་ལོ་འབྱུང་། །བྱང་ཆུབ་སངས་རྒྱས་གནས་འཇུག་པའོ། །དེ་ཁོ་ན་ཉིད་
D450.082.0031b03.01ལས་མངོན་རྟོགས། །བསམ་གྱིས་མི་ཁྱབ་རྒྱན་གྱུར་པའོ། །བརྗོད་བྱ་དང་ནི་རྗོད་བྱེད་དང་། །དཔའ་དང་མངོན་གྱུར་སྟོབས་དང་ནི། །ཆོས་དོན་ཁྱབ་པར་གྱུར་པའི་ཕྱིར། །སྟོབས་ལྡན་ཁྱད་པར་རྒྱན་ཡིན་ནོ། །གནས་པ་དང་ནི་གསལ་རྫུ་འཕྲུལ། །
D450.082.0031b04.01ཡོན་ཏན་ཕྲིན་ལས་རྒྱན་རིམ་བཞིན། །དེ་ནི་རྗོད་བྱེད་རྟག་ཏུ་རྒྱན། །དོན་གྱུར་དགོས་པ་བླ་ན་མེད། །དོན་གནས་བྱེད་པ་ཡེ་ཤེས་ཀྱི། །གསང་ཆེན་བདེ་མཐོང་ཁྱད་པར་ཏེ། །རྒྱན་ལས་དབྱེ་བསྡུ་བསྟན་པའོ། །དེ་ནས་བདེར་གཤེགས་རྡོ་རྗེ་འཛིན། །
D450.082.0031b05.01འདུས་པའི་ཚོགས་ལ་རྗེས་བརྩེ་བས། །རྡོ་རྗེ་གསང་བ་གསུང་དག་པ། །ཡེ་ཤེས་རྡོ་རྗེས་འདིར་གསུངས་པ། །ཨེ་མའོ་སངས་རྒྱས་མ་ལུས་པའི། །ཆོས་ཀྱི་དབྱིངས་ནི་ཡེ་ཤེས་ཆེ། །འོད་གསལ་རང་བཞིན་ཡོངས་སུ་དག །དྲི་མེད་ནམ་མཁའི་
D450.082.0031b06.01དབྱིངས་བཞིན་ནོ། །ཡེ་ཤེས་ངོ་བོ་ཉིད་འབྱུང་བ། །ཁམས་གསུམ་དག་ན་བྱང་ཆུབ་སྤྱོད། །འགྲོ་བ་ཀུན་ལ་བདེ་འབྱུང་བའི། །དགེ་བ་ཡོངས་སུ་དག་གྱུར་བྱོས། །དག་པའི་ལུས་ནི་རྣམ་ཐར་གྱི། །སྒོ་གསུམ་གྲུབ་པ་སྐུ་རྡོ་རྗེ། །ངག་ནི་དག་པ་ཆོས་ཀྱི་
D450.082.0031b07.01