完整藏文原文 · 德格版页 当前仅加载第 82 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
བའོ། །དེ་ལས་སློབ་པའི་ཟུང་འཇུག་ཏུ་ལྡང་བས། སྐྱ་རེངས་ཤར་བ་ལྟ་བུ་སྟེ། མཁྱེན་པའི་ཡེ་ཤེས་དུས་གསུམ་ཕྱོགས་བཅུར་ཁྱབ་པའི་སྐད་ཅིག་མའི་ཁྱད་པར་ལ། རྣམ་པ་ཐམས་ཅད་མཁྱེན་པ་ཉིད་དུ་གྱུར་པའོ། །ཁྱད་པར་སྒྱུ་ལུས་རྣམ་པར་དག་པ་ཡེ་ཤེས་ཀྱི་
D450.082.0028b01.01རབ་ཏུ་བྱེད་པ་བསྟན་པའི་ཕྱིར། རྒྱལ་པོ་སེམས་དཔའ་སྟེ། ཆོས་རྣམས་ཀུན་དང་མཚུངས་པར་ལྡན་པ་རྒྱལ་པོ་འཁོར་ལོས་སྒྱུར་བ་ནི། རིན་པོ་ཆེ་བདུན་དང་ལྡན་པ་སྟེ། གནས་སྐབས་སུ་འཕགས་པའི་ནོར་བདུན་གྱི་རྒྱན་གྱིས་སྤྲས་པ་ན། རྒྱུད་གསང་ཆེན་ལ་རྒྱན་བདུན་
D450.082.0028b02.01གྱིས་སྤྲས་པར་གྱུར་པས། སྐུ་གསུམ་ཡན་ལག་བདུན་ལྡན་དུ་གྲུབ་པ་འདོད་དང་ཐར་པ་རབ་ཏུ་གྲུབ་པ་སྟེ། དབང་ཕྱུག་བརྒྱད་ལྡན་ཟུང་འཇུག་བླ་ན་མེད་པ་རབ་ཏུ་གྲུབ་པ་ཉིད་དོ། །དངོས་པོ་དང་མཚན་མར་འཛིན་པ་ཐམས་ཅད་རྣམ་པར་འཛིན་པ། རྣམ་པར་དག་པར་སྒྱུ་མ་
D450.082.0028b03.01རབ་ཏུ་མི་གནས་པར་བསྟན་པའི་དོན་དུ། དེ་ནི་རྡོ་རྗེ་ཆོས་ཀྱི་བདག་ཅེས་ཚད་མེད་པའི་བྱང་ཆུབ་སེམས་ལས་བྱུང་བའི་ཆོས་ཀྱི་དབང་ཕྱུག་ཆེན་པོ། ཕྱིར་མི་ལྡོག་པའི་གནས་ཐོབ་པ། དག་པའི་ས་ལ་གནས་པར་འགྱུར་བ་ནི། ས་བཅུ་ལ་ནི་གནས་པར་འགྱུར་བ་སྟེ། སྣང་བ་
D450.082.0028b04.01གསུམ་པོ་རང་བཞིན་དང་བཅས་པ། ཐམས་ཅད་དག་པས་བདག་བྱིན་གྱིས་བརླབ་པའི་རིམ་པ་ཐོབ་པས། ལུས་ཀྱི་གནས་དང་ཉེ་བའི་གནས་ལ་སོགས་པར་བགྲོདཔས། རྟེན་དང་བརྟེན་པ་རང་བྱིན་གྱིས་བརླབས་པར་འགྱུར་བའི་ཕྱིར། རྒྱལ་པོ་དཔུང་གི་དམ་ཚིག་འཛིན་ན་
D450.082.0028b05.01ཐོགས་པ་མེད་པའི་ཡེ་ཤེས་ཀྱིས་ཕྲིན་ལས་ཡོན་ཏན་མི་ཟད་པ་སྟོབས་དང་མི་འཇིགས་པ་ལ་སོགས་པའི་དབང་ཕྱུག་དམ་པ་བརྒྱད་ལ་སོགས་པ་མ་འདྲེས་པའི་ཆོས་སྤོབས་ལ་དབང་སྒྱུར་བ། ཀུན་གྱི་མཆོག་ཚད་མེད་མངོན་དུ་གྱུར་པའོ། །མངོན་པར་བྱང་ཆུབ་རྣམ་གཉིས་ལས། །ཕྱི་
D450.082.0028b06.01ནང་གཉིས་སུ་དགོས་པས་བཤད། །ནང་གི་དུས་ཏེ་ཆོ་འཕྲུལ་བསྟན། །བདུད་ལས་རྣམ་པར་རྒྱལ་བ་སྟེ། །རྡོ་རྗེ་སྒོ་གསུམ་སོ་སོར་དག །སློབ་བའི་ཕྱི་ཡི་མངོན་བྱང་ཆུབ། །ཐོ་རངས་མི་སློབ་ཟུང་འཇུག་སྟེ། །སྐུ་བཞི་གཅིག་ཏུ་འདུས་པ་སྟེ། །སྐད་ཅིག་ཡེ་ཤེས་རྣམ་གྲོལ་བའོ། །དཔལ་
D450.082.0028b07.01