完整藏文原文 · 德格版页 当前仅加载第 82 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་དམ་ཚིག་སྟེ། །རོ་མཉམ་ཏིང་འཛིན་ལ་བཞུགས་པ། །བཛྲ་པཱ་ཎི་ཨཾ་ཞེས་ལས། །གསེར་མདོག་རྡོ་རྗེ་འབར་བ་འཛིན། །ལྷོ་ཕྱོགས་ཁྱམས་ལ་སྐྱིལ་ཀྲུང་བཞུགས། །བྱང་ཆུབ་ནམ་མཁའི་སྙིང་པོ་ནི། །དམ་ཚིག་མཆོག་ལ་གཟིགས་
D450.082.0015a01.01པ་ཡི། །ཏིང་ངེ་འཛིན་ལ་སྙོམས་ཞུགས་ཏེ། །ཨཱ་ཀཱ་ཤ་གརྦྷའི་སྔགས་ལས་བྱུང་། །གསེར་མདོག་མརྐ་ཏ་འཛིན་པ། །འགྱིང་བཅས་ལྷོ་ཕྱོགས་ཁྱམས་ལ་བཞུགས། །སེམས་དཔའ་འཇིག་རྟེན་དབང་ཕྱུག་གིས། །གསུང་མཆོག་རྡོ་རྗེ་ཡེ་ཤེས་ཀྱི། །ཏིང་ངེ་
D450.082.0015a02.01འཛིན་ལ་སྙོམས་ཞུགས་ཏེ། །ལོ་ཀེ་ཤྭ་ར་བཛྲ་ལས། །བྱོན་པ་པདྨ་རཱ་གའི་འོད། །གཡོན་པའི་པདྨ་གཡས་པ་ཡིས། །འབྱེད་མཛད་ནུབ་ཀྱི་ལྷ་ཁྱམས་བཞུགས། །བྱང་སེམས་མགོན་པོ་འཇམ་དབྱངས་ཀྱིས། །ནམ་མཁའི་རྡོ་རྗེ་ཚུལ་གཅིག་པའི། །ཏིང་ངེ་
D450.082.0015a03.01འཛིན་ལ་སྙོམས་ཞུགས་ཏེ། །གྷོ་ཥ་ནཱ་ཐ་ལས་བྱུང་བའི། །དམར་སེར་རིན་ཆེན་རྒྱན་སྤྲས་པའི། །ཨུཏྤལ་དམར་པོ་འཛིན་མཛད་པ། །གཡས་པས་འབྱེད་པར་མཛད་པ་ནི། །སྐྱིལ་ཀྲུང་ནུབ་ཀྱི་ཁྱམས་ལ་བཞུགས། །བྱང་སེམས་སྒྲིབ་པ་ཀུན་སེལ་གྱིས། །
D450.082.0015a04.01ཆོས་རྣམས་ཀུན་ལ་འཇུག་པའི་སྒོ། །རྡོ་རྗེ་ཞེས་པའི་ཏིང་འཛིན་བཞུགས། །ནི་ཝ་ར་ནི་ལས་བྱུང་བའི། །མརྐཏ་འོད་འཕྲོ་རལ་གྲི་ཅན། །རྒྱན་ལྡན་བྱང་གི་ཁྱམས་ལ་བཞུགས། །དཔལ་ལྡན་བྱམས་པའི་མགོན་པོས་ནི། །རྡོ་རྗེ་སྤྲོས་པའི་སྔགས་བཀོད་ཀྱི། །
D450.082.0015a05.01ཏིང་ངེ་འཛིན་ལ་སྙོམས་ཞུགས་ཏེ། མཻ་ཏྲི་ནཱ་ཐ་ལས་བྱུང་བ། །དུང་མདོག་ཀླུ་ཤིང་སྤྱི་བླུགས་ཅན། །རིན་ཆེན་རྒྱན་གྱིས་སྤྲས་པ་སྟེ། །ཤར་གྱི་ཁྱམས་ལ་བཞུགས་མཛད་པའོ། །སེམས་དཔའ་ཀུན་ཏུ་བཟང་པོ་ནི། །ཞིང་ཁམས་ཀུན་ཁྱབ་མཆོད་སྤྲིན་གྱི། །ཏིང་ངེ་འཛིན་
D450.082.0015a06.01ལ་སྙོམས་ཞུགས་ཏེ། །ས་མནྟ་བྷ་དྲ་ལས་ཕྱུང་བ། །ལྗང་མདོག་སྣ་ཚོགས་རྡོ་རྗེ་ཅན། །རིན་ཆེན་སྣ་ཚོགས་རྒྱན་སྤྲས་པ། །བྱང་ཕྱོགས་ཁྱམས་ལ་སྐྱིལ་ཀྲུང་བཞུགས། །པདྨ་ཉི་མའི་གདན་ལ་ནི། །འགྱིང་བཅས་ཐོར་ཚུགས་རྒྱན་སྤྲས་པ། །ཀུན་ཀྱང་ཞལ་གསུམ་
D450.082.0015a07.01