完整藏文原文 · 德格版页 当前仅加载第 82 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཀྱི་ཡན་ལག་གིས་སོ། །དངོས་པོ་མེད་པ་སྟོང་པ་ཉིད་དང་། ངོ་བོ་ཉིད་སྟོང་པ་ཉིད་ནི་དྲན་པ་ཡང་དག་པས་སོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་ནི། བཏང་སྙོམས་ཡང་དག་པ་བྱང་ཆུབ་ཀྱི་ཡན་ལག་དང་ལྡན་པས་སོ། །སྐད་ཅིག་
D450.082.0021a01.01མ་སྟེ་ཆོས་ཉིད་བདེན་པའི་དོན་ཏོ། །དེ་ནས་བྱང་ཆུབ་སེམས་དཔའ་ནམ་མཁའི་སྙིང་པོས་གསོལ་པ། མགོན་པོ་བྱམས་པ་ལ་ཅུང་ཟད་ཅིག་བཞེངས་ལ་བཟོད་པར་གསོལ་ནས། བཅོམ་ལྡན་འདས་ལ་ཞུས་པ། བདག་ཟབ་དོན་ཅུང་ཟད་ཅིག་ཞུ་བས། སྐབས་
D450.082.0021a02.01དབྱེ་བར་གསོལ་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེའི་དུས་ལ་བབ་པར་ཤེས་ན་ཅི་རིགས་པར་ཞུས་ཤིག །ངས་ལེགས་པར་བསྟན་པར་བྱའོ་ཞེས་གསུངས་སོ། །དེ་ནས་བྱང་ཆུབ་སེམས་དཔའ་ནམ་མཁའི་སྙིང་པོས་གསོལ་པ།
D450.082.0021a03.01གསང་བ་ཆེན་པོའི་རྒྱུད་འདི་ཡི། །དགོངས་པ་ཟབ་ཅིང་རྒྱ་ཆེ་བས། །གཏིང་དཔག་དཀའ་བར་གྱུར་པས་ན། །ཟབ་དོན་སྙིང་པོ་གསུང་དུ་གསོལ། །ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། །ནམ་མཁའི་སྙིང་པོ་ཤིན་ཏུ་ལེགས། །གསང་ཆེན་དེ་
D450.082.0021a04.01ཉིད་གོང་འོག་ཏུ། །སྔ་ཕྱིའི་རིམ་པའི་ཁྱད་པར་ཀུན། །བཤད་ཀྱིས་གུས་པས་ལེགས་པར་ཟུང་། །གསང་བའི་དེ་ཉིད་བླ་ན་མེད། །རྒྱུ་འབྲས་ཟབ་ཅིང་རྒྱ་ཆེ་བ། །ཐབས་དང་ཤེས་རབ་འདུས་པའི་རྒྱུད། །ཟུང་འཇུག་བདེ་ཆེན་བསྟན་པར་བྱ། །ཐོག་མ་བར་དང་
D450.082.0021a05.01མཐའ་དགེ་བ། །བྱང་ཆུབ་སེམས་མཆོག་བསྟན་པ་ཉིད། །གཞི་དང་དངོས་པོའི་ཁྱད་པར་དང་། །ལམ་བྱེད་ནུས་པ་ཕྲིན་ལ་སོགས། །འབྱུང་གནས་ཡེ་ཤེས་བསྟན་པ་ལ། སྨོན་བ་དང་ནི་འཇུག་སེམས་བསྐྱེད། དོན་དམ་བསྟན་པའི་བྱང་ཆུབ་སེམས། ཡང་དག་དོན་
D450.082.0021a06.01གྱི་སེམས་བསྐྱེད་པ། ཀུན་ཏུ་བཟང་པོའི་ཏིང་འཛིན་ལས། །སྤྱི་བོར་པདྨ་ཟླ་ཉི་ལ། །འཁོར་ལོ་ཨོཾ་དཀར་འོད་འཕྲོ་བ། །མགྲིན་པར་པད་དམར་ཨཱཿའོད་འབར། །ཐུགས་ཀར་ཟླ་བ་རྡོ་རྗེ་ནི། །དཀར་པོ་རྩེ་ལྔ་འོད་འཕྲོ་བ། །དངུལ་ཆུའི་མདོག་འདྲའི་ཧཱུྃ་ཡེ་ཤེས། །ཀུན་རྫོབ་
D450.082.0021a07.01