完整藏文原文 · 德格版页 当前仅加载第 81 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཞལ་གསུམ་སྟེ། །དེ་བཞིན་སྒོ་སྲུངས་ལྕགས་ཀྱུ་དང་། །དེ་བཞིན་མེ་ཏོག་སྤོས་མེ་མ། །དྲི་ཡང་ཡང་དག་བྲི་བར་བྱ། །སྒེག་མོ་ཕྲེང་བ་དེ་བཞིན་དབྱངས། །གར་མཁན་མ་ཡང་ཕྱག་དྲུག་ཉིད། །དེ་བཞིན་གླིང་བུ་མ་བྲི་སྟེ། །པི་ཝང་མ་དང་རྔ་ཆེན་མ། །རྫ་རྔ་མ་
D435.081.0023a01.01དང་སིལ་སྙན་ཀུན། །དཀྱིལ་འཁོར་ལ་ནི་བྲི་བའོ། །རྡོ་རྗེ་བདུད་རྩི་རྒྱུད་ཆེན་ལས། །སྐལ་བ་བཟང་པོ་ཡང་བཞག་སྟེ། །ཕྱག་གཉིས་པ་ལ་ཞལ་གཅིག་པ། །བཟང་པོ་དེ་དག་ཁོ་ནའོ། །རྒྱན་ནི་ཐམས་ཅད་ཀྱིས་བརྒྱན་པ། །སྒྲུབ་པ་པོ་ཡང་མདུན་བྲིའོ། །བགྲང་ཕྲེང་དེ་བཞིན་རྡོ་རྗེ་དང་། །
D435.081.0023a02.01དྲིལ་བུ་འཛིན་པ་བྲི་བར་བྱ། །གཏོར་མའི་གཏོར་མ་མཆོད་རྫས་དང་། །ཆང་སྐྱེམས་རོ་དང་དགའ་སྟོན་མཆོད། །ནག་པོའི་བརྒྱད་དང་བཅུ་བཞི་ལ། །དཀྱིལ་འཁོར་ལ་ནི་རྡུལ་ཚོན་གདབ། །དབུས་སུ་གྲུ་བཞི་བྲི་བའོ། །གལ་ཏེ་དངོས་གྲུབ་མཆོག་འདོད་ན། །སྔགས་ཡིག་གཅིག་པ་
D435.081.0023a03.01གཙོ་བོ་ནི། །རྡོ་རྗེ་ཧཱུྃ་མཛད་བསྒྲུབ་པར་བྱ། །ཕྱི་ནས་སློབ་དཔོན་ལ་མཆོད་པ། །བདག་གམ་རྒྱལ་སྲིད་དབང་ཉིད་དམ། །བྲན་མོ་བུ་མོ་དེ་བཞིན་དུ། །མ་དང་སྲིང་མོ་དབུལ་བར་བྱ། །སྐུ་གསུང་ཐུགས་ཀྱི་བསྒྲུབ་པ་ཡི། །དངོས་གྲུབ་གལ་ཏེ་བདག་འདོད་ན། །ཁམས་གསུམ་རྣམ་རྒྱལ་ལས་
D435.081.0023a04.01བྱུང་ནི། །སྔགས་པས་རྟག་ཏུ་བསྒྲུབ་པར་བྱ། །རྡོ་རྗེ་སེམས་དཔའི་དཀྱིལ་འཁོར་ནི། །རྡོ་རྗེ་བདུད་རྩི་ལས་བྱུང་ངོ་། །བདུད་རྩི་ལྔ་དང་མཉམ་ལྡན་པ། །ངན་སོང་ཐམས་ཅད་མེད་བྱེད་པ། །རྡོ་རྗེ་སེ་གོལ་མཉམ་སྦྱོར་གྱིས། །དཔལ་ལྡན་རྡོ་རྗེ་ཧཱུྃ་མཛད་འགྲུབ། །རྣལ་འབྱོར་པ་དང་རྣལ་འབྱོར་མའི།
D435.081.0023a05.01བྱང་སེམས་རྣམ་པར་སྤྲུལ་པར་གསུངས། །ལན་གྲངས་དུ་མར་རིག་མ་དང་། །དཀྱིལ་འཁོར་དུ་ནི་རོལ་བར་བྱ། །བྷ་གའི་དབུས་ལ་མྱང་བྱས་པ། །གང་དག་དཔའ་བོ་སྔགས་ལ་གནས། །པདྨར་ཁ་ཡིས་འོ་བྱས་ནས། །བདུད་རྩི་ཁུ་བ་ཁོ་ནར་བླང་། །ལག་པ་ཡི་ནི་སོར་མོ་ལ། །གནས་དེ་ལ་ནི་
D435.081.0023a06.01བླང་མི་བྱ། །བླང་བར་གྱུར་ན་འཇིག་འགྱུར་ནས། །མཐུ་ཡང་འཇིག་ནས་འབྲས་བུ་མེད། །རིག་མ་ཆེན་མོས་ཀྱང་ཕྱུང་ནས། །རྡོ་རྗེ་ལ་ཡང་འོ་གདབ་བོ། །དེ་ནི་སངས་རྒྱས་ཉིད་དུ་འགྲུབ། །ཁུ་བའི་གཟུགས་ཅན་བདུད་རྩི་ནི། །རྡོ་རྗེ་བདུད་རྩི་བདེ་ཆེན་པོ། །བཅོམ་ལྡན་རྡོ་རྗེས་དེ་གསུངས་སོ། །
D435.081.0023a07.01