完整藏文原文 · 德格版页 当前仅加载第 81 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
བརླབ་པར་གསོལ། །ཧཱུྃ་མེ་ཏོག་གི་སྔགས་སོ། །ཨོཾ་མར་མེ་འོད་ཟེར་འབར་བ་ནི། །ངན་འགྲོ་འཇིགས་པ་འཇོམས་བྱེད་པ། །ལྷ་ཡི་མིག་བྱེད་བཀྲ་ཤིས་པས། །མར་མེ་ཁྱོད་ཀྱིས་བཞེས་སུ་གསོལ། །ཧཱུྃ་མར་མེའི་སྔགས་སོ། །ཨོཾ་ཙནྡན་ག་པུར་དང་བཅས་པའི། །དྲི་ཞིམ་
D435.081.0021b01.01སྤོས་མེ་དགེ་བ་ནི། །མཐུ་དང་བཅས་པར་བྱ་བ་འདི། །བཞེས་ནས་བྱིན་གྱིས་བརླབ་ཏུ་གསོལ། །ཧཱུྃ་སྤོས་ཀྱི་སྔགས་སོ། །ཨོཾ་སྣ་ཚོགས་ལྷ་ཡི་དྲི་ཞིམ་པ། །སྣ་ཚོགས་ག་པུར་རྣམ་བརྒྱན་པས། །སྣ་ཚོགས་ཡི་གེ་ཧཱུྃ་ལས་བྱུང་། །དྲི་འདི་འབུལ་ཏེ་བཞེས་སུ་གསོལ། །ཧཱུྃ་དྲིའི་
D435.081.0021b02.01སྔགས་སོ། །དང་པོར་མཆོད་པའི་ཆོ་ག་ནི། །ཐེ་ཚོམ་མེད་པར་མེ་ལ་བྱ། །ཕྱི་ནས་རང་གི་ཡི་དམ་ལྷའི། །བཟླས་སྔགས་རིག་པར་བརྗོད་པར་བྱ། །དབྱངས་དང་གར་དང་ཟས་རྣམས་ཀྱི། །རྣམ་པ་དུ་མར་རོལ་བྱས་ཏེ། །རིག་མ་དང་ནི་སྒྲུབ་པ་པོས། །ཚོགས་ལ་མཆོད་པས་མཉེས་
D435.081.0021b03.01པར་བྱ། །གལ་ཏེ་དངོས་གྲུབ་དག་འདོད་ན། །སྐུ་གསུང་ཐུགས་ནི་འགྲུབ་པའོ། །བླ་མ་མེ་ལྷ་རྡོ་རྗེ་འཛིན། །མཆོད་པར་བྱས་ནས་རྫོགས་པར་བྱ། །ཨོཾ་མེ་ལྷ་ལས་ནི་གྲུབ་པར་མཛད། །སེམས་ཅན་ཐམས་ཅད་བདེ་བ་འདྲེན། །སྐུ་གསུང་ཐུགས་དངོས་གྲུབ་དོན་དུ། །ལྷ་
D435.081.0021b04.01རྣམས་ལས་ནི་རྗེས་སུ་སྐྱོབས། །མེ་ལྷ་ཞི་བར་གཤེགས་ནས་སུ། །ས་གཞི་ཞི་བར་མཛད་མཛོད་ཅིག །རྒྱུ་དང་མི་རྒྱུ་བཅས་པ་ཡིས། །སྒྲུབ་པ་པོ་དང་ཐམས་ཅད་དང་། །བདག་གི་བསོད་ནམས་འབྲས་འགྱུར་དང་། །སྔགས་ཀྱི་དངོས་གྲུབ་རབ་སྦྱིན་ཅིག །ཨ་ཨཱ་ཨི་ཨཱི་ཨུ་ཨཱུ།
D435.081.0021b05.01རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ། ཧཱུྃ་སྭཱ་ཧཱ། རྡོ་རྗེ་བདུད་རྩི་བདེ་བ་ཆེ། །བཅོམ་ལྡན་རྡོ་རྗེས་དེ་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས་སྦྱིན་སྲེག་གི་ཆོ་ག་བསྟན་པ་ཞེས་
D435.081.0021b06.01བྱ་བའི་ལེའུ་བཞི་པའོ།། །།ཁྱོད་ལ་མིག་སྨན་བཤད་པར་བྱ། །ཚིལ་ཆེན་གྱི་ནི་སྙིང་པོ་ཡི། །བན་ད་ལ་ནི་དུད་པ་བླང་། །འུག་པའི་མགོ་བོ་བསྲེགས་ནས་སུ། །ཁྲག་ཆེན་དང་ནི་བསྲེས་པར་བྱ། །མཚན་མོ་ལ་ནི་བཏགས་ནས་སུ། །ཞིབ་མོར་ཕྱེ་མར་ཁོ་ནར་བྱ། །བྱ་རྒོད་རྗེ་ངར་
D435.081.0021b07.01