完整藏文原文 · 德格版页 当前仅加载第 81 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་རྡོ་རྗེས་བཤད། །རྡོ་རྗེ་བདུད་རྩི་བདེ་ཆེན་པོ། །བསམ་མེད་ཟད་མེད་ཕྲ་མོ་སྟེ། །དོན་ཡོད་དབང་པོ་ལས་འདས་པ། །དམ་པ་ཞི་བ་རྣམ་དག་པ། །རྡོ་རྗེ་བདུད་རྩི་བརྗོད་པ་ཡིན། །དེ་ནས་བཅོམ་ལྡན་རྡོ་རྗེ་ཡིས། །མཱ་མ་ཀཱིར་ཆགས་དང་ལྡན་ནས། །རྡོ་རྗེ་བདུད་རྩིའི་ཏིང་
D435.081.0017a01.01འཛིན་གྱིས། །གསང་ཆེན་མངོན་སུམ་དུ་ནི་མཛད། །རྒྱུད་རྣམས་ཀུན་ལ་གསང་བ་ཡི། །ཡེ་ཤེས་རྡོ་རྗེ་བདུད་རྩི་མཆོག །དེ་ནི་བདག་གིས་བཤད་པར་བྱ། །བརྟན་པོར་འཁྱུད་དང་འོ་བྱེད་དང་། །དགའ་བའི་རོལ་པས་མཉམ་སྦྱོར་དང་། །དབྱངས་དང་སིལ་སྙན་གར་རྣམས་ཀྱིས། །རྡོ་རྗེ་བདུད་
D435.081.0017a02.01རྩི་རྒྱུད་ཀྱི་མཆོག །དེ་ལྟར་མྱུར་དུ་འགྲུབ་པར་འགྱུར། །བདུད་རྩི་ཁུ་བ་ཞེས་གསུངས་ཏེ། །འགྲོ་བ་གསུམ་ནི་ངེས་བསྐྱེད་དོ། །ཁྱོད་ལ་དགའ་མ་ཞལ་བཟང་མ། །དེ་ཡི་སྒྲུབ་པ་བདག་གིས་བཤད། །ཉོན་ཅིག་དེ་ཡི་སེམས་ཀྱིས་ཚིག །མདོར་བསྡུས་ནས་ནི་བཤད་པར་བྱ། །སེམས་
D435.081.0017a03.01ཅན་དོན་དུ་ཕན་དོན་དུ། །སྦྱོར་བའི་རྡོ་རྗེ་བདུད་རྩི་མཆོག །རྣལ་འབྱོར་གང་གིས་ཤེས་གྱུར་ན། །འཁོར་བའི་བཅིངས་ལས་མྱུར་བར་གྲོལ། །བསྟན་དུ་མེད་ཅིང་ཡེ་ཤེས་ཆེ། །དངོས་གྲུབ་འཇིག་རྟེན་གསུམ་སྒྲུབ་བོ། །སྐུ་གསུང་ཐུགས་ཀྱི་བསྒྲུབ་དོན་དུ། །སྒྲུབ་པ་པོས་ནི་
D435.081.0017a04.01བདེ་བ་སྤྱོད། །རྡོ་རྗེ་པདྨ་མཉམ་སྦྱོར་བས། །རྡོ་རྗེ་བདུད་རྩི་ཕྱུང་བར་བྱ། །བྷ་གའི་པདྨར་འོ་བཏབ་སྟེ། །རྡོ་རྗེ་མཱ་མ་ཀཱིས་འོ་བཏབ། །རྡོ་རྗེ་བདུད་རྩི་བདེ་བ་ཆེ། །བཅོམ་ལྡན་རྡོ་རྗེས་དེ་གསུངས་སོ། །བྷ་གའི་པདྨར་འོ་བཏབ་པས། །དེ་ཚེ་དགའ་བའི་ལྷ་མོ་དེས། །རྡོ་རྗེ་བདུད་རྩི་
D435.081.0017a05.01ལས་བྱུང་བའི། །ཉམས་དགའ་གསང་བའི་དཀྱིལ་འཁོར་ཞུས། །ཆོ་གའི་རིམ་པ་གང་གིས་ནི། །མཆོད་པ་དཀྱིལ་འཁོར་བརྩམ་པར་བྱ། །འདིར་ནི་མཆོད་པ་ཇི་ལྟར་ཏེ། །དེ་བཞིན་དཀྱིལ་འཁོར་ཇི་ལྟར་ལགས། །དགའ་བ་ཆེན་པོ་ཐོབ་དཀའ་བ། །རབ་ཏུ་དགྱེས་ནས་
D435.081.0017a06.01བཀའ་སྩལ་འཚལ། །དེ་ནས་བཅོམ་ལྡན་རྡོ་རྗེ་ཡིས། །རྡོ་རྗེ་བདུད་རྩི་བདེ་བ་ཆེ། །འོ་བཏབ་པས་ནི་དགར་འགྱུར་ཏེ། །བཞད་ནས་འདི་སྐད་བཀའ་སྩལ་ཏེ། །སྐུ་གསུང་ཐུགས་ཀྱི་བསྒྲུབ་དོན་དང་། །འཁོར་བའི་རྒྱ་མཚོ་བསྒྲལ་བའི་ཕྱིར། །དགའ་བ་ཆེན་པོ་སྦྱོར་བ་ཡིས། །
D435.081.0017a07.01