完整藏文原文 · 德格版页 当前仅加载第 81 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
དགུག་པ་ལ། །ཟླ་གམ་ཡང་དག་བྲི་བའོ། །ཧོམ་ཁུང་ཡང་དག་སྟོན་ནས་སུ། །ཕྱོགས་ཀྱི་ཆ་ཡང་བསྟན་པར་བྱ། །བྱང་དུ་མངོན་དུ་ཁ་བསྒྱུར་ཏེ། །སྔགས་པས་ཞི་བ་བརྩམ་པར་བྱ། །རྒྱས་པ་ལ་ནི་ཤར་དུ་ཡང་། །མངོན་སྤྱོད་ལ་ནི་ལྷོ་ན་སྟེ། །དབང་ནི་ནུབ་ཏུ་
D435.081.0021a01.01ཁོ་ན་བཤད། །དགུག་དང་བསྐྲད་ཀྱང་དེ་བཞིན་ནོ། །མངོན་སྤྱོད་རྟག་པར་ནག་པོ་སྟེ། །ཚོན་ལྔ་ཡིས་ནི་དབང་སོགས་བྱ། །འབྲས་དང་ཏིལ་དང་འོ་མ་དང་། །མར་དང་སྦྲང་རྩི་ལྷན་ཅིག་པར། །བདུད་རྩི་ལྔ་དང་ལྡན་པ་ཡིས། །ཞི་བ་རྒྱས་པ་སྦྱིན་སྲེག་བྱ། །བསྲེག་ཤིང་རྣམས་
D435.081.0021a02.01ཀྱང་ཐམས་ཅད་ལ། །དྲི་ཞིམ་འོ་མ་ཅན་ཤིང་ངོ་། །སྣ་ཚོགས་ཟས་སམ་གཏོར་མ་ཡང་། །འབྱུང་པོ་ཐམས་ཅད་སྦྱིན་པར་བྱ། །གཏོར་མ་གང་ཡང་སྒྲུབ་པ་པོས། །ཁྲག་འཐུང་ཕྱག་རྒྱ་ཆེན་པོས་སྦྱིན། །གང་ཞིག་ཡིད་ཀྱི་འདོད་པ་ནི། །རྟག་ཏུ་རྣལ་འབྱོར་པ་ཡིས་འགྲུབ། །དབྱར་གྱི་
D435.081.0021a03.01དུས་ནི་ཞི་བ་སྟེ། །རྒྱས་པ་དེ་བཞིན་དགུན་གྱི་དུས། །དཔྱིད་ཀ་མངོན་སྤྱོད་ལས་རྣམས་ནི། །སྒྲུབ་པ་པོས་ནི་ཐམས་ཅད་བྱ། །ཤར་དུས་ཞི་བ་རབ་ཏུ་གསུངས། །རྒྱས་པ་དེ་བཞིན་སྲོད་ལ་སྟེ། །ཉིན་ཕྱེད་ལ་འམ་ནམ་ཕྱེད་ལ། །རྟག་པར་མངོན་སྤྱོད་བྱ་བའོ། །ཧོམ་ཁུང་
D435.081.0021a04.01དབུས་སུ་ཡི་དམ་ལྷ། །ཡི་གེ་ཧཱུྃ་གིས་བསྐྱེད་ནས་སུ། །ཞལ་ནི་གདངས་པ་བསམ་བྱས་ཏེ། །སྦྱིན་སྲེག་དེ་ལ་དབུལ་བར་བྱ། །སྦྱིན་སྲེག་འབུམ་ཕྲག་ཕུལ་གྱུར་ན། །མདུན་དུ་མངོན་སུམ་ཁོ་ནར་འགྱུར། །དང་པོ་མེ་ནི་དགུག་བྱ་བ། །ལྷ་ཐམས་ཅད་ཀྱི་མཆོད་པའི་གནས། །
D435.081.0021a05.01འོད་ཟེར་ཕྲེང་འཁྲུགས་དྲག་པོའི་ལྷ། །སངས་རྒྱས་བྱང་ཆུབ་འགྲུབ་པའོ། །ཨོཾ་ཨེ་ཧྱེ་ཧི། འདིར་གཤེགས་གདོན་མི་ཟ་བར་ཁྱོད། །མེ་ལྷ་མངོན་སུམ་དངོས་གྲུབ་སྦྱིན། །དྲག་པོ་ཁམས་གསུམ་གྱིས་མཆོད་པ། །ཁྱབ་འཇུག་ཚངས་པས་ཕྱག་འཚལ་བ། །འདི་དག་ཡོན་
D435.081.0021a06.01ཡང་བཞེས་ནས་སུ། །ཞབས་གཡོན་བརྗེས་ཀྱང་རྡོ་རྗེ་ཅན། །ཨོཾ་ཧཱུྃ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། དང་པོ་ལ་ནི་ཡོན་དབུལ་ཏེ། །ཕྱི་ནས་ལྷ་བཤོས་མེ་ཏོག་དབུལ། །ཨོཾ་ལྷ་ཡི་མེ་ཏོག་ཤིན་ཏུ་དམར། །དྲི་ཞིམ་ཤིན་ཏུ་མཛེས་པ་ནི། །མེ་ཏོག་དེ་རིང་བཞེས་ནས་སུ། །འདི་ལ་བྱིན་གྱིས་
D435.081.0021a07.01