完整藏文原文 · 德格版页 当前仅加载第 80 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ནས་སུ། །རྣམ་པར་ཤེས་པ་ལྷན་ཅིག་འབར། །ཡེ་ཤེས་སྣང་བ་སོགས་ཐོབ་འགྱུར། །སེམས་དང་སེམས་བྱུང་སེམས་པ་ཡིས། །རྣམ་པར་བལྟ་ཞིང་རབ་ཏུ་སྤྱད། །འཇིགས་པ་མེད་ཅིང་འཚེ་མེད་པར། །དངོས་པོས་དངོས་
D429.080.0259a01.01པོ་བསྒོམ་པར་བྱ། །ཐམས་ཅད་ཀུན་ཏུ་སྣང་བྱེད་ཅིང་། །ཐམས་ཅད་འོད་ཟེར་ཀུན་བསྡུས་པ། །སྙིང་པོའི་ས་བོན་ས་བོན་ནི། །དཀར་དང་ཀུནྡ་ཟླ་བའི་མདོག །ཨཱ་ལི་ཀཱ་ལི་རབ་སྦྱར་བས། །ཕྱུང་བ་ཡི་ནི་ས་བོན་མཆོག །སྦྱོར་བ་འགྲུབ་པའི་རྒྱུ་རུ་ནི། །
D429.080.0259a02.01མཉམ་ཉིད་རྣལ་འབྱོར་པ་ཡིས་བསྒོམ། །ས་བོན་ནམ་མཁར་སྤྲོས་པ་ཡིས། །འཇིག་རྟེན་གསུམ་པོ་སྣང་བར་བྱས། །མ་ལུས་སྤྲིན་ལྟར་སྤྲོ་བ་ཉིད། །སྐད་ཅིག་གིས་ནི་སྤྲོ་ཞིང་བསྡུ། །ཕྱིས་ནི་རང་འདོད་དམིགས་མེད་ཅིང་། །ཡི་གེ་མེད་པས་ཡང་བསམ་མོ། །
D429.080.0259a03.01གཟུགས་ནི་སྟོང་པར་བརྟགས་པ་ཡི། །མཉམ་ཉིད་སེམས་དང་སེམས་ཀྱིས་ནི། །མ་ལུས་རྣམ་པར་བལྟས་པ་ཡིས། །ཁམས་གསུམ་སྣང་བར་བྱེད་པའོ། །དེ་ལྟར་སེམས་ཀྱིས་བསམས་པ་ཡིས། །བྱང་ཆུབ་རིམ་པ་མཐོང་བར་འགྱུར། །སྐད་ཅིག་གཟུགས་
D429.080.0259a04.01དང་གཟུགས་ཉིད་དང་། །སྐད་ཅིག་ཕུང་པོའི་རྣམ་པ་དང་། །སྐད་ཅིག་ཐམས་ཅད་དབྱིབས་རྣམས་ནི། །དེ་ཕྱིར་མི་རྟག་པ་ཡི་གནས། །ལེགས་བྱས་ཉེས་བྱས་མིང་ཅན་ནི། །ཉེས་པས་སྨད་པར་མི་བྱའོ། །གཟུགས་དང་སྟོང་པ་ལ་སོགས་དབུས། །སེམས་
D429.080.0259a05.01དང་སེམས་བྱུང་རྣམ་པར་མཚོན། །དངོས་པོའི་ལྷག་མ་དངོས་མེད་པས། །དེ་ཡི་ལྷག་མ་གཟུགས་མེད་པའོ། །ཡེ་ཤེས་རི་མོ་འབར་བ་ཡི། །འོད་ཟེར་མཉམ་པར་གནས་པ་ཉིད། །དེ་ཡི་མཚན་ཉིད་མཚོན་པ་ཉིད། །རྣལ་འབྱོར་པ་ཡིས་རབ་ཏུ་སྤྱད། །རྟག་
D429.080.0259a06.01ཏུ་ཞི་ཞིང་མཆོག་གི་ལས། །ཡང་དག་བྱང་ཆུབ་རྟག་པའོ། །ཡིད་དུ་འོང་བའི་ས་ཕྱོགས་སུ། །བདེ་བའི་སྟན་ལ་འདུག་ནས་ནི། །སྔོན་དུ་བསྙེན་པ་རབ་བརྩམས་ནས། །ལས་དང་དོན་ཀུན་རབ་གྲུབ་པའོ། །རི་རབ་རྩེ་མོར་ཀུན་བསམས་པ། །རང་འདོད་རྒྱལ་
D429.080.0259a07.01