完整藏文原文 · 德格版页 当前仅加载第 80 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
གྲུབ་བརླག་པ་དང་། །དེ་ཡི་དཔལ་ཡང་རིང་བ་ཉིད། །རྗེ་ངར་ཞབས་དང་མཁུར་ཚོས་ནི། །དེ་གསུམ་སྦོམ་པ་ཉེས་པ་ཆེ། །ངེས་པར་སྒྲུབ་པོའི་བདག་ཉིད་ནི། །བདུད་དང་བགེགས་དང་དཔལ་རིང་ངོ་། །འགྲམ་པ་བྲང་དང་རྩིབ་ལོགས་ནི། །དེ་གསུམ་
D429.080.0250b01.01དམའ་ན་སྐྱོན་ཆེའོ། །ཡུན་མི་རིང་བ་མྱུར་དུ་ནི། །ནོར་ནི་བརླག་པར་འགྱུར་བའོ། །ནུ་མ་རྣ་བ་དཔྲལ་བ་ནི། །དེ་གསུམ་ཡོ་ན་སྐྱོན་ཆེའོ། །འཐབ་མོ་དང་ནི་དགྲས་འཚེ་བར། །མྱུར་དུ་སྒྲུབ་པོ་འགྱུར་བའོ། །བྲང་དང་ལུས་དང་བརླ་གཉིས་ནི། །དེ་གསུམ་
D429.080.0250b02.01དམའ་ན་སྐྱོན་ཆེའོ། །དགྲས་ནི་འཇིགས་པར་འགྱུར་བ་དང་། །འཆི་བར་ཡང་ནི་ཐེ་ཚོམ་མེད། །སྣ་ཞོམ་མིག་ནི་ཡོ་བ་དང་། །རྣ་བ་མཆུ་དང་(དབྲལ་,དཔྲལ་)བ་ནི། །བགེགས་དང་བདུད་དང་མེས་འཇིགས་ཤིང་། །དངོས་གྲུབ་རིང་བར་འགྱུར་བ་ཉིད། །གྱེན་དུ་ལྟ་
D429.080.0250b03.01བའི་དབུ་དང་ནི། །གདན་ནི་ཡོ་ཞིང་ཐ་དད་པ། །བྲང་དང་མགྲིན་པ་ཡན་ལག་ནི། །ཉེས་སྐྱོན་གྲངས་ནི་མེད་པར་གྲགས། །འོད་ཟེར་ཡོ་ཞིང་ཐ་དད་དང་། །ཕྱག་རྒྱ་ཕྱག་མཚན་ནོར་བས་ནི། །མྱ་ངན་གདུང་བས་སྡུག་བསྔལ་བར། །སྒྲུབ་པོའི་གཟུགས་
D429.080.0250b04.01བརྙན་ཉེས་སྐྱོན་ནོ། །རྒྱབ་ཡོལ་གདུགས་དང་བ་དན་ནི། །རྣམ་གསུམ་དོག་པའི་ཉེས་པ་ནི། །འཆི་ཞིང་དཔལ་ཉམས་བརླག་པ་དང་། །མི་མཛའ་མཛའ་བ་འཇོམས་པའོ། །དེ་ལྟར་ཉེས་སྐྱོན་སྐྱོན་ཆེན་པོས། །དུལ་ཞིང་དུལ་ལ་བཟོད་པ་དང་། །
D429.080.0250b05.01སེམས་ནི་ཤིན་ཏུ་མཉམ་གཞ་པས། །རྣམ་པར་བརྟག་ཅིང་རབ་ཏུ་དཔྱོད། །མཚན་ཉིད་ཐམས་ཅད་ཡོངས་རྫོགས་ཤིང་། །མཛེས་པའི་ཚུལ་གྱིས་མཆོད་པར་བསྟན། །སྔགས་གྲུབ་རྒྱུ་ཡི་དོན་དང་ནི། །དབང་དང་དགུག་པ་ཡི་ནི་ལྷ། །ཞི་བ་ལ་ནི་ཞི་
D429.080.0250b06.01བའི་ཚུལ། །དྲག་ལ་དྲག་ཅིང་འཇིགས་སུ་རུང་། །དཔའ་ཞིང་དཔའ་བའི་ང་རྒྱལ་གྱིས། །དགོད་ཅིང་ཁྲོ་དང་སྒེག་པ་དང་། །ཁྲོ་བའི་གཟུགས་ཀྱི་ཚུལ་དང་ནི། །བྲན་དང་བྲན་མོའི་རྣམ་པར་སྤྲུལ། །ལས་ཀྱི་གནས་དང་གནས་ཉིད་དུ། །བདག་ཉིད་ཀྱི་ནི་
D429.080.0250b07.01