完整藏文原文 · 德格版页 当前仅加载第 80 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེ་དབང་ཕྱུག་རྒྱལ། །པདྨའི་ལུས་ཅན་རྡོ་རྗེ་འཛིན། །རྡོ་རྗེ་ཤར་གྱི་ཆ་རུ་ནི། །མོ་གཟུགས་རི་མོར་བྲིས་པ་ནི། །གཟུགས་ཀུན་ལ་སོགས་རབ་རྒྱས་པའོ། །གནོད་སྦྱིན་མོ་ནི་རྒྱལ་དབང་འདི། །རིན་ཆེན་གདན་ལ་བཞུགས་པ་ནི། །རྒྱན་ཀུན་གྱིས་ནི་
D429.080.0251b01.01རྣམ་པར་བརྒྱན། །ཕྱག་ན་གཏོར་མའི་སྣོད་སོགས་པ། །ཕྱོགས་ཀྱི་མདོག་ཏུ་བཙོ་བར་བྱ། །དངོས་གྲུབ་ཀུན་སྟེར་ལྷ་མོ་ནི། །ལུས་ངན་གྱི་ནི་སྲིང་མོའོ། །ཕྱག་འཚལ་ཚུལ་གྱིས་འདུད་པ་ནི། །ལྷ་མོ་བསྒྲུབ་པའི་མཚན་ཉིད་དོ། །རྡོ་རྗེ་བྱང་གི་ཆ་ལ་ནི། །
D429.080.0251b02.01ལྷ་མོ་སྙན་པར་སྨྲ་བ་ནི། །དེ་ལྟར་རྡོ་རྗེ་དབང་ཕྱུག་རྒྱལ། །པདྨའི་ལུས་ཅན་ཡེ་ཤེས་འཛིན། །སྙན་པའི་གསེར་བཙོ་མ་ཡི་མདོག །བཟང་པོའི་གདན་ལ་བཞུགས་པ་ནི། །རྒྱན་རྣམས་ཀུན་གྱིས་རྣམ་པར་བརྒྱན། །གཉིས་ཀྱི་ཕྱག་ན་བདུད་རྩིའི་སྣོད། །
D429.080.0251b03.01སྒེག་པའི་ཉམས་ཀྱི་ལྟ་བ་རུ། །མཁས་པ་ཡིས་ནི་བྲི་བར་བྱ། །ཡེ་ཤེས་ནུབ་ཀྱི་ཆ་ལ་ནི། །ལྷ་མོ་སྙན་པའི་དབང་ཕྱུག་མ། །བཙོ་མ་གསེར་གྱི་མདོག་དང་ནི། །རྒྱན་རྣམས་ཀུན་གྱིས་རྣམ་པར་བརྒྱན། །ཐམས་ཅད་མཚན་ཉིད་ཡོངས་རྫོགས་པའི། །
D429.080.0251b04.01ལྷ་མོ་གཞོན་ནུ་གྲུབ་པ་ནི། །ལྕགས་ཀྱུ་ལྔ་སོགས་སྣོད་ཀྱིས་ནི། །གཉིས་པའི་ཕྱག་ནི་རྣམ་པར་བརྒྱན། །རྡོ་རྗེ་ལྷོ་ཡི་ཆ་རུ་ནི། །འབྱུང་མོའི་མིང་ནི་སྐ་རགས་ཅན། །སྐུ་མདོག་སྔོན་མོ་གཟུགས་མཛེས་པའི། །རྒྱན་ཀུན་གྱིས་ནི་རྣམ་པར་བརྒྱན། །བདུད་
D429.080.0251b05.01རྩིའི་བུམ་པ་ཕྱག་གཉིས་ན། །གཞན་གྱི་སྒེག་པའི་ཡན་ལག་དང་། །གཤིན་རྗེ་ཡི་ནི་སྲིང་མོ་ཉིད། །དངོས་གྲུབ་ཀུན་སྟེར་ལྷ་མོ་ནི། །ཐམས་ཅད་ཀུན་ལ་གཟུགས་མཛེས་པར། །རྣམ་པར་བརྟགས་ཏེ་རི་མོ་བྲི། །རྡོ་རྗེ་དྲིལ་སོགས་རིམ་པར་ཡང་། །
D429.080.0251b06.01དབང་ལྡན་ལ་སོགས་རིམ་པར་སྦྱར། །ཕྱག་གཉིས་སེམས་དཔའི་སྐྱིལ་མོ་ཀྲུང་། །ཕྱག་ནི་ཕྱག་རྒྱ་མཚན་མ་སོགས། །དེ་ལྟར་རྡོ་རྗེ་དབང་ཕྱུག་རྒྱལ། །རོལ་པའི་འཁོར་ལོ་བསམ་པར་བྱ། །ལྷ་རྣམས་དམིགས་པ་དང་བཅས་པ། །སྔགས་དང་ཕྱག་རྒྱ་
D429.080.0251b07.01