完整藏文原文 · 德格版页 当前仅加载第 80 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ནི། །{ཡི་དགས་,ཡི་དྭགས་}ཕྱག་རྒྱ་ཕྱག་རྒྱ་ཡིས། །བརྒྱ་རྩ་བརྒྱད་དུ་མངོན་པར་བཟླས། །ཧྲི་པྲི་ཕཊ། འདི་ཡི་སྔགས་དང་སྔགས་ཀྱིས་ནི། །པདྨ་སྡོམ་པའི་ལས་སུ་འགྱུར། །ཨོཾ་ཨ་མྲི་ཏ་ཝ་ཏི་སྭཱ་ཧཱ། དཀོན་མཆོག་གསུམ་ལ་གནོད་པ་དང་། །བླ་མ་དང་ནི་སློབ་
D429.080.0258b01.01དཔོན་སྨོད། །དམ་ཚིག་སྤྱོད་ལ་འཕྱ་བ་ནི། །སྡིག་གིས་གོས་པར་མི་འགྱུར་རོ། །གལ་ཏེ་རྨོངས་ཤིང་ཁྲོ་བ་ནི། །ལས་ཀྱི་རྟག་ཏུ་བྱས་ནས་ནི། །འདིས་ནི་ངེས་པར་ལྟུང་བ་རུ། །སངས་རྒྱས་ཀྱིས་གསུངས་ཐེ་ཚོམ་མེད། །ལས་ཀྱི་རབ་ཏུ་དབྱེ་བ་
D429.080.0258b02.01ཞེས་བྱ་བའི་ལེའུ་རྫོགས་སོ། །།།གསང་ཞིང་གསང་བའི་དེ་ཉིད་དོན། །སྙིང་པོའི་མཆོག་ནི་མདོར་བསྡུས་པ། །རོལ་མོ་བསྟན་བཅོས་སོགས་གླུ་ཡི། །དེ་ཉིད་ཐར་པ་གོ་འཕང་གནས། །གཉིས་མེད་དངོས་པོ་ངོ་བོ་ལས། །གཟུང་དང་འཛིན་པ་ཇི་ལྟར་
D429.080.0258b03.01འགྱུར། །གཉིས་ཀྱི་དངོས་པོ་བདག་མིན་པས། །གཉིས་དངོས་དངོས་པོ་མེད་པའོ། །དངོས་པོ་དངོས་མིན་དངོས་མེད་ལ། །མཉམ་ཉིད་ལྟ་བའི་སེམས་ཀྱིས་སུ། །རྣམ་པར་བརྟན་དང་བརྟེན་བྱ་མེད། །རྟོག་ཅིང་རྣམ་རྟོག་འཁྲུལ་པ་དང་། །གཟུགས་
D429.080.0258b04.01དང་གཟུགས་ཅན་ཟད་པར་བྱེད། །རང་བཞིན་མེད་པའི་རང་བཞིན་ཉིད། །སེམས་ཀྱི་བརྟན་པའི་གནས་སུ་ནི། །བསམ་གཏན་བསམ་བྱ་བསམ་པར་བྱ། །དམིགས་པ་མེད་པའི་རང་བཞིན་ཉིད། །ཐམས་ཅད་དབྱིངས་སུ་འཇིག་པར་བྱེད། །སྟོང་ཉིད་སྟོང་ལ་
D429.080.0258b05.01སོགས་སྟོང་པའི། །ནམ་མཁའི་ཁམས་ཀྱི་མཐའ་ཅན་ཉིད། །དག་ཅིང་ཕྲ་ལ་ཕྲ་བའི་དོན། །སེམས་དང་སེམས་པ་དང་བཅས་པ། །ཀུན་ཏུ་དངོས་པོ་དངོས་མེད་པས། །ཐམས་ཅད་ནམ་མཁའ་བསྔམས་པའོ། །རྟག་ཅིང་རྟག་ལ་རྟག་པའི་
D429.080.0258b06.01དོན། །ནམ་མཁའི་ཁམས་ལྟར་བརྟན་སེམས་པས། །མེ་སྟག་རྡུལ་ཕྲན་ཡན་ལག་འཕྲོ། །ཆུ་སྐྱར་བཞིན་དུ་བརྟགས་པ་ཡི། །རྣམ་ཤེས་ཡེ་ཤེས་ལྷག་མ་ནི། །ནམ་མཁའ་འཕྲོ་ཞིང་སྣང་བའོ། །ཉོན་མོངས་དེ་བཞིན་མུན་པ་ནི། །ཡེ་ཤེས་རྡོ་རྗེས་
D429.080.0258b07.01