'phags pa sprin chen po'i mdo las phyogs bcu'i byang chub sems dpa' rgya mtsho 'dus pa'i dga' ston chen po la rtse ba zhes bya ba'i le'u/
当前为德格木刻版 239a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 239a
- 可引用原文
- 7 行
- 全文规模
- 全经 434 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 64 函 · 德格 239a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文གྱུར་ཏེ། འཛམ་བུའི་ཆུ་བོའི་གསེར་གྱི་སྟེགས་བུ་རིན་པོ་ཆེས་སྤྲས་པས་ནི་བསྐོར་རིན་པོ་ཆེའི་ཙོང་ཙོང་གིས་ནི་མཛེས་པར་བྱས། གདུགས་དང་། རྒྱལ་མཚན་དང་། བ་དན་ནི་བསྒྲེང་། དྲིལ་བུ་གཡེར་ཀའི་དྲ་བའི་བླ་རེ་ནི་བྲེས། ཙན་དན་སྦྲུལ་གྱི་སྙིང་པོས་ནི་བྱུགས། ནོར་བུ་རིན་པོ་ཆེ་དབང་གི་རྒྱལ་པོའི་དྲ་བས་ནི་བཀབ། རིན་པོ་ཆེ་མཐོན་ཁ་ཆེན་པོ་ནི་མིག་{མངས་,མང་}རིས་སུ་བྲིས་ཏེ་ནོར་བུ་རིན་པོ་ཆེའི་དྲ་བའི་ཕྱོགས་རེ་རེ་ནས་ཀྱང་མུ་ཏིག་གི་རྒྱན་ཕྲེང་ཁ་དོག་སྣ་ཚོགས་པ་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་ཁྲིག་དཔག་ཏུ་མེད་གྲངས་མེད་པ་དག་འཕྱང་ངོ་། །རིན་པོ་ཆེའི་རྒྱན་
ཕྲེང་ཁ་དོག་སྣ་ཚོགས་པ་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་ཁྲིག་དཔག་ཏུ་མེད་གྲངས་མེད་པ་དག་འཕྱང་ངོ་། །དར་གྱི་ལྡ་ལྡི་ཁ་དོག་སྣ་ཚོགས་པ་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་ཁྲིག་དཔག་ཏུ་མེད་གྲངས་མེད་པ་དག་འཕྱང་ངོ་། །རས་ཀྱི་ལྡ་ལྡི་ཁ་དོག་སྣ་ཚོགས་པ་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་ཁྲིག་དཔག་ཏུ་མེད་གྲངས་མེད་པ་དག་འཕྱང་ངོ་། །དར་གྱི་ཆུན་ཀོར་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་ཁྲིག་གྲངས་མེད་དཔག་ཏུ་མེད་པ་དག་འཕྱང་ངོ་། །དྲིལ་བུ་གཡེར་ཀའི་དྲ་བ་ཁ་དོག་སྣ་ཚོགས་པ་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་
ཁྲིག་དཔག་ཏུ་མེད་གྲངས་མེད་པ་དག་འཕྱང་ངོ་། །རིན་པོ་ཆེའི་རྒྱན་ཕྲེང་དང་། མུ་ཏིག་གི་རྒྱན་ཕྲེང་དེ་དག་ལ་རླུང་གིས་ཕོག་ན་ཡང་། ལྷའི་སྒྲ་ཡིད་དུ་འོང་བ་དག་འབྱུང་སྟེ། རིན་པོ་ཆེའི་རྒྱན་ཕྲེང་དང་། མུ་ཏིག་གི་རྒྱན་ཕྲེང་རླུང་གིས་ཕོག་པ་དེ་དག་ལས་ལྷའི་སྒྲ་ཡིད་དུ་འོང་བ་འབྱུང་བ་དེ་ལྟ་བུ་ནི་སིལ་སྙན་གྱི་ཡན་ལག་དཔེ་མེད་པ་འབུམ་ཕྲག་བྱེ་བ་བརྡུངས་པའི་སློབ་དཔོན་གྱིས་བརྡུངས་པ་ལས་ཀྱང་དེ་ལྟ་བུའི་སྒྲ་སྙན་པ་མི་འབྱུང་ངོ་། །དྲིལ་བུ་གཡེར་ཀའི་ཕྲེང་བ་རླུང་གིས་ཕོག་པ་དེ་དག་ལས་ཀྱང་ལྷ་ཡུལ་པའི་སྒྲ་ཡིད་དུ་འོང་ཞིང་ཟབ་པ། འབྱུང་བ་དེ་ལྟ་བུ་ནི་གསེར་གྱི་སྣོད་འཛམ་བུའི་གླིང་གི་ཚད་
ཙམ་བརྡུངས་པ་ལས་ཀྱང་དེ་ལྟ་བུའི་སྒྲ་ཟབ་ཅིང་ཡིད་དུ་འོང་བ་མི་འབྱུང་ངོ་། །མིག་{མངས་,མང་}རིས་རེ་རེ་ལས་ཀྱང་རིན་པོ་ཆེའི་ཤིང་ལྗོན་པ་རེ་རེ་ཡོད་དེ། རིན་པོ་ཆེའི་སྟེགས་བུས་ནི་བསྐོར། ནོར་བུ་དང་། མུ་ཏིག་དང་། རིན་པོ་ཆེའི་ཕྲེང་བས་ནི་མཛེས་པར་བྱས། གདུགས་དང་། རྒྱལ་མཚན་དང་། བ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D233
- 德格版页
- 239a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0233 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。