完整藏文原文 · 德格版页 当前仅加载第 64 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་སམ། འོན་ཏེ་གཞན་ཡང་གང་དག་མ་འདུས་པ་དག་ཀྱང་ཡོད་དམ་ཞིག་གུ་སྙམ་མོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་དག་གི་སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས། བྱང་ཆུབ་སེམས་དཔའ་སེམས་དཔའ་ཆེན་
D233.064.0237a01.01པོ་ཀུན་ཏུ་བཟང་པོ་ལ་བཀའ་སྩལ་པ། ཀྱེ་རྒྱལ་བའི་སྲས་དཔེར་ན་ཉན་ཐོས་ཆེན་པོ་རྒྱ་མཚོ་རྫུ་འཕྲུལ་དང་ལྡན་པ། མངོན་པར་ཤེས་པ་ལ་རྣམ་པར་རྩེ་བ། འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་
D233.064.0237a02.01ཡོད་པར་གྱུར་ལ། ཉན་ཐོས་ཆེན་པོ་དེ་དག་རེ་རེས་ཀྱང་སེ་གོལ་གཏོགས་པ་རེ་རེ་ལ་སེམས་བསྐྱེད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་བསྐྱེད་དེ། ཉན་ཐོས་ཆེན་པོ་རེ་རེས་ཀྱང་སེམས་
D233.064.0237a03.01བསྐྱེད་པ་རེ་རེས་གོམ་པ་འདོར་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་སོང་ལ། གོམ་པ་རེ་རེ་བོར་བས་ཀྱང་འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་
D233.064.0237a04.01རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་འདའ་བར་བྱེད་དེ། འཇིག་རྟེན་གྱི་ཁམས་རྒྱ་མཚོ་གང་དུ་ཉན་ཐོས་ཆེན་པོ་གཅིག་འགྲོ་བ་དེར་གཉིས་མི་འགྲོ་བ་དེ་ལྟ་བུའི་ཚུལ་གྱིས་བསྐལ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་
D233.064.0237a05.01རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་དུ་འགྲོ་བར་བྱེད་དེ། ཤར་ཕྱོགས་ཇི་ལྟ་བ་དེ་བཞིན་དུ་ལྷོ་དང་། ནུབ་དང་། བྱང་དང་། དེ་བཞིན་དུ་ཤར་ལྷོའི་མཚམས་དང་། དེ་བཞིན་དུ་ལྷོ་ནུབ་ཀྱི་མཚམས་དང་། དེ་བཞིན་དུ་ནུབ་བྱང་གི་མཚམས་དང་། དེ་བཞིན་དུ་བྱང་
D233.064.0237a06.01ཤར་གྱི་མཚམས་ཕྱོགས་སུ་སོང་ཞིང་། ཉན་ཐོས་ཆེན་པོ་གཅིག་གང་དུ་སོང་བ་དེར་གཉིས་མི་འགྲོ་ལ་དེ་ནས་མི་ལ་ལ་ཞིག་གིས་འཇིག་རྟེན་གྱི་ཁམས་རྒྱ་མཚོ་དེ་དག་ཐམས་ཅད་གྲོང་ཁྱེར་གཅིག་ཏུ་བྱས་ལ། སྲིད་པའི་རྩེ་མོར་ཐུག་པར་ར་བས་ཀུན་ནས་བསྐོར་ཏེ། ལག་མཐིལ་བཞིན་དུ་མཉམ་
D233.064.0237a07.01