'phags pa sprin chen po'i mdo las phyogs bcu'i byang chub sems dpa' rgya mtsho 'dus pa'i dga' ston chen po la rtse ba zhes bya ba'i le'u/
当前为德格木刻版 219a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 219a
- 可引用原文
- 7 行
- 全文规模
- 全经 434 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 64 函 · 德格 219a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཐ་དད་པ་དག་ལ་རྣམ་པར་རྩེ་བ་ཤ་སྟག་གོ། །ཡང་དེའི་ཚེ་སྤོས་ཀྱི་གླང་པོའི་རྒྱལ་པོ་རི་ཀའི་ན་བུན་ལྟ་བུ་ཞེས་བྱ་བ་ལ་སོགས་པ་སྤོས་ཀྱི་གླང་པོའི་རྒྱལ་པོ་འབུམ་ཕྲག་གྲངས་མེད་པ་ལ་སྤོས་ཀྱི་གླང་པོའི་རྒྱལ་པོ་རེ་རེ་ཡང་འཁོར་སྤོས་ཀྱི་གླང་པོ་འབུམ་ཕྲག་གྲངས་མེད་པ་དག་དང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ལ་སངས་རྒྱས་ཀྱི་ཡོན་ཏན་ཡང་དག་པ་དག་གིས་བསྟོད་དེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འཁོད་དོ། །སྤོས་ཀྱི་གླང་པོ་དེ་དག་ཐམས་ཅད་ཀྱང་བྱང་
ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ། །ཡང་དེའི་ཚེ་སྦྲུལ་དང་། སྟག་དང་། {རི་དགས་,རི་དྭགས་}རིགས་ཐ་དད་པ་འདྲེས་པ་ཐམས་ཅད་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །སྦྲུལ་དང་། སྟག་དང་། {རི་དགས་,རི་དྭགས་}དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ། །
ཡང་དེའི་ཚེ་ཤ་སྦྲང་དང་། སྦྲང་བུ་མཆུ་{རིངས་,རིང་}དང་། སྦྲང་མ་དང་། བི་ཤུ་ཀ་དང་། ཉ་དང་། རུ་སྦལ་དང་། ཆུ་སྲིན་བྱིས་པ་གསོད་དང་། སེ་ས་ར་དང་། འུག་པ་དང་། སྡིག་པ་དང་། སྲིན་གྱི་རིགས་གྲངས་མེད་པའི་ཡང་གྲངས་མེད་པ་དག་དང་། སྡིག་སྦྲུལ་ཐ་དད་པ་འདྲེས་པ་གནས་པ་ཐམས་ཅད་དང་། ཕག་དང་། ཁྱི་དང་། ཝ་དང་། གཞན་ཡང་སྲོག་ཆགས་ཕྲ་མོ་རྣམས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། སངས་རྒྱས་ཀྱི་ཡོན་ཏན་ཡང་དག་པ་དག་གིས་བཅོམ་ལྡན་འདས་ལ་མངོན་པར་བསྟོད་དེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་
ཕྱོགས་གཅིག་ཏུ་འཁོད་དོ། །ཡང་དེའི་ཚེ་སྦྲུལ་དང་། མྱུར་དུ་གདུག་པ་དང་། སྦྲུལ་གཟི་གུ་དང་། སྦྲུལ་མི་བཟད་པའི་གདུག་པའི་རིགས་འབུམ་ཕྲག་གྲངས་མེད་པ་དག་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། སངས་རྒྱས་ཀྱི་ཡོན་ཏན་ཡང་དག་པ་དག་གིས་སངས་རྒྱས་བཅོམ་ལྡན་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D233
- 德格版页
- 219a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0233 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。