完整藏文原文 · 德格版页 当前仅加载第 64 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཅིང་རྡོ་དང་། གསེག་མ་དང་། གྱོ་མོ་མེད་པར་བྱས་ནས། བྱེ་མས་བཀང་སྟེ། བྱུར་བུར་བྱས་ལ། དེ་ནས་མི་དེས་བྱེ་མའི་གྲོང་ཁྱེར་དེ་ནས་བྱེ་མ་འབྲུ་རེ་རེ་ནས་བླངས་ལ། གྲོང་ཁྱེར་དེའི་ནང་གི་བྱེ་མའི་འབྲུ་ཇི་སྙེད་ཡོད་པ་དེ་སྙེད་ཀྱི་ཆར་གསེས་ཏེ། རྩི་བའི་ཐབས་འདིས་བྱེ་མའི་
D233.064.0237b01.01འབྲུ་དེ་དག་ཐམས་ཅད་ཆར་གསེས་ལ། དེ་ནས་མི་དེ་བྱེ་མའི་འབྲུ་ཆར་གསེས་པ་དེ་དག་ཐམས་ཅད་ཤར་ཕྱོགས་སུ་ཁྱེར་ཏེ། བྱེ་མའི་འབྲུ་ཆར་གསེས་པ་དེ་དག་ཇི་སྙེད་པ་དེ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་འདས་ཤིང་། བྱེ་མའི་འབྲུ་ཆར་གསེས་པ་གཅིག་བོར་ཏེ། རྩིས་
D233.064.0237b02.01པའི་ཐབས་འདིས་བྱེ་མའི་འབྲུ་ཆར་གསེས་པ་དེ་དག་ཐམས་ཅད་བོར་ཏེ། ཤར་ཕྱོགས་སུ་ཇི་ལྟ་བ་དེ་བཞིན་དུ་ལྷོ་དང་། དེ་བཞིན་དུ་ནུབ་དང་། དེ་བཞིན་དུ་བྱང་དང་། དེ་བཞིན་དུ་ཤར་ལྷོའི་མཚམས་དང་། དེ་བཞིན་དུ་ལྷོ་ནུབ་ཀྱི་མཚམས་དང་། དེ་བཞིན་དུ་ནུབ་བྱང་གི་མཚམས་དང་།
D233.064.0237b03.01དེ་བཞིན་དུ་བྱང་ཤར་གྱི་མཚམས་སུ་བོར་ལ། དེ་ནས་མི་དེས་འཇིག་རྟེན་གྱི་ཁམས་རྒྱ་མཚོ་གང་དག་ཏུ་བྱེ་མའི་འབྲུ་ཆར་གསེས་པ་དེ་དག་བོར་བ་དང་། གང་དག་ཏུ་མ་བོར་བའི་འཇིག་རྟེན་གྱི་ཁམས་རྒྱ་མཚོ་དེ་དག་ཐམས་ཅད་གྲོང་ཁྱེར་གཅིག་ཏུ་བྱས་ལ། སྲིད་པའི་རྩེ་མོར་ཐུག་པར་ར་བས་
D233.064.0237b04.01ཀུན་ནས་བསྐོར་ཏེ། ལག་མཐིལ་བཞིན་དུ་མཉམ་པར་གྱུར་ཅིང་། རྡོ་དང་། གསེག་མ་དང་། གྱོ་མོ་མེད་པར་བྱས་ནས་བྱེ་མས་བཀང་སྟེ་བྱུར་བུར་བྱས་ལ། ངའི་བྱང་ཆུབ་སེམས་དཔའ་འཁོར་འདིར་འདུས་པ་འདི་དག་ནི་བྱེ་མའི་གྲོང་ཁྱེར་དེ་ལས་བྱེ་མའི་འབྲུ་གཅིག་ཙམ་དུ་ཟད་དོ། །ངའི་བྱང་
D233.064.0237b05.01ཆུབ་སེམས་དཔའ་འདིར་མ་འདུས་པ་ནི་གྲོང་ཁྱེར་དེའི་ནང་གི་བྱེ་མ་ལྷག་མ་ཇི་སྙེད་པ་ཙམ་མོ། །དེའི་ལྷག་མའི་བྱེ་མ་སྙེད་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱང་མིང་འཐུན་ལ་རུས་གཅིག་པ་ཤ་སྟག་ཡིན་ན། མིང་ཐ་དད་པ་དང་རུས་ཐ་དད་པ་ལྟ་ཅི་སྨོས། བྱང་ཆུབ་
D233.064.0237b06.01སེམས་དཔའ་དེ་དག་ཀྱང་དཔའ་བར་འགྲོ་བའི་ཏིང་ངེ་འཛིན་ཐོབ་པ་དང་། སངས་རྒྱས་ཀྱི་སྐུའི་ཁ་དོག་ཡོངས་སུ་གྲུབ་པ་མཐའ་ཡས་པ་ལ་སྒྲུབ་པའི་གཟུངས་ཐོབ་པ་དང་། འཇིག་རྟེན་གྱི་ཁམས་ཡོངས་སུ་དག་པ་དུ་མར་སངས་རྒྱས་འབྱུང་བ་སྟོན་པ་དང་། འཇིག་རྟེན་གྱི་ཁམས་ཀུན་ནས་ཉོན་
D233.064.0237b07.01