完整藏文原文 · 德格版页 当前仅加载第 64 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
སྟབས་སུ་འགྲོ་བ་ལྟ་བུར་སྟོན་ཏེ། སེམས་ཅན་རྣམས་ཀྱིས་མིའི་སེང་གེ་དང་། ངང་པའི་སྟབས་སུ་འགྲོ་བར་ཤེས་ཀྱང་བསྐལ་པ་བྱེ་བ་ཕྲག་དུ་མ་ལ་སོགས་པ་ནས་ངང་པའི་སྟབས་ཀྱི་འདུ་ཤེས་དེ་ཡང་སྤངས་སོ། །འཛམ་བུའི་གླིང་ལ་ལར་ནི་བུ་དང་ཆུང་མ་ཡང་སྟོན་པར་
D232.064.0206a01.01བྱེད་དེ། སེམས་ཅན་རྣམས་ཀྱིས་འདོད་པ་ལ་ཡོངས་སུ་སྤྱོད་པར་ཤེས་ཀྱང་དེའང་རྟག་ཏུ་ཆོས་འདོད་པ་ལ་ཡོངས་སུ་སྤྱོད་ཀྱི་ཉོན་མོངས་པ་དང་འདོད་པ་ལ་གནས་པ་མ་ཡིན་ནོ། །འཛམ་བུའི་གླིང་ལ་ལར་ནི་བཤང་བ་དང་། གཅི་བ་ལྟ་བུར་སྟོན་པར་བྱེད་དེ། སེམས་ཅན་རྣམས་ཀྱིས་བཤང་བ་དང་།
D232.064.0206a02.01གཅི་བ་བྱེད་པར་ཤེས་ཀྱང་བསྐལ་པ་བྱེ་བ་ཕྲག་གྲངས་མེད་པ་ནས་བཤང་བ་དང་གཅི་བའི་འདུ་ཤེས་ཀྱང་རྣམ་པར་སྤངས་ཏེ་འདུ་ཤེས་དེ་ཡང་འཇུག་པ་མེད་དོ། །འཛམ་བུའི་གླིང་ལ་ལར་ནི་ས་ཤིང་སྤྱོད་པ་ལྟ་བུར་སྟོན་ཏེ། སོ་ཤིང་འཆའ་བར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་
D232.064.0206a03.01གྲངས་མེད་པ་ནས་ཉོན་མོངས་པའི་སོ་ཤིང་རྣམ་པར་སྤངས་ཏེ་ཁ་ཡང་ཨུད་པ་ལའི་དྲི་དང་ལྡན་ནོ། །འཛམ་བུའི་གླིང་ལ་ལར་ནི་གདུགས་དང་། ལྷམ་འཆང་བ་ལྟ་བུར་སྟོན་ཏེ། གདུགས་དང་ལྷམ་འཆང་བར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་དུ་མ་ནས་ཉོན་མོངས་པའི་
D232.064.0206a04.01གདུགས་དང་ལྷམ་གྱི་འདུ་ཤེས་དེ་ཡང་རྣམ་པར་སྤངས་ཏེ། ལུས་དག་ཅིང་རྟག་ཏུ་ཆོས་ཀྱི་བདེ་བ་དང་ཏིང་ངེ་འཛིན་གྱི་གདུགས་འཆང་ཞིང་རིན་པོ་ཆེའི་གདུགས་དུ་མ་དང་པད་མའི་ལྷམ་ཐམས་ཅད་སྟོན་པར་བྱེད་དོ། །འཛམ་བུའི་གླིང་ལ་ལར་ནི་ཁྲུས་བྱེད་པ་ལྟ་བུར་སྟོན་ཏེ། ཁྲུས་བྱེད་
D232.064.0206a05.01པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་ཁྲུས་ཀྱི་འདུ་ཤེས་དེ་རྣམ་པར་སྤངས་ཏེ། མདོ་དུ་མ་ནས་བྱུང་བའི་ཆུས་རྟག་ཏུ་ཁྲུས་བྱེད་ཅིང་སེམས་ཅན་ཐམས་ཅད་ཀྱི་མུ་སྟེགས་སུ་གྱུར་པ་ཡིན་ནོ། །འཛམ་བུའི་གླིང་ལ་ལར་ནི་ནད་ཀྱི་རང་བཞིན་ལྟ་བུར་སྟོན་ཏེ། སྨན་ལ་སྟེན་
D232.064.0206a06.01པར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་ཕྲག་དུ་མ་ནས་ཉོན་མོངས་པ་ཐམས་ཅད་དང་བྲལ་ཞིང་ནད་རྣམས་བསལ་བ་སྟེ། སེམས་ཅན་ནད་ཀྱིས་ཐེབས་པ་རྣམས་དང་འདོད་ཆགས་ཀྱི་རང་བཞིན་དག་ལས་ཀྱང་གསོ་བར་བྱེད་དོ། །འཛམ་བུའི་གླིང་ལ་ལར་ནི་གྲང་བ་དང་ཚ་བ་ལ་སྟེན་པ་
D232.064.0206a07.01