完整藏文原文 · 德格版页 当前仅加载第 64 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པས་བཟོད་པ་དང་། བྱམས་པར་དགོངས་པ་དང་། ཐུགས་རྗེ་ཞིང་ཐུགས་བརྩེ་བའི་སླད་དུ་བདག་ཅག་གིས་ཚིག་དང་ཡི་གེ་གཅིག་གི་ཐིག་ལེ་ཙམ་ཡང་སྔོན་ཆད་མ་ཐོས་པ། དེ་བཞིན་གཤེགས་པའི་ཡུལ་བསམ་གྱིས་མི་ཁྱབ་པའི་མདོ། དེ་བཞིན་གཤེགས་པའི་རྟག་
D232.064.0136b01.01པ་དང་། ཐེར་ཟུག་པ་དང་། བརྟན་པ་དང་། ཞི་བའི་གྲོང་ཁྱེར་གྱི་སྐས་དང་ཐེམ་སྐས་ཡོན་ཏན་གྱི་ཚོགས་ཀྱིས་ཡོངས་སུ་བརྒྱན་པ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་ལ་འདི་སྐད་ཅེས་བཀའ་སྩལ་ཏོ། །
D232.064.0136b02.01སྤྲིན་ཆེན་སྙིང་པོ་དེ་བཞིན་གཤེགས་པའི་ལྡེམ་པོ་ངག་སྨོས་པ་ཁྱོད་ཀྱིས་ཁོང་དུ་ཆུད་དེ་ཤིན་ཏུ་ལེགས་པར་རྟོགས་པ་ལེགས་སོ། །ལེགས་སོ། །སྤྲིན་ཆེན་སྙིང་པོ་དེ་ལྟར་ན་སྤྲིན་ཆེན་པོའི་མདོ་དེ་བཞིན་གཤེགས་པའི་ཡུལ་ནི་བསམ་གྱིས་མི་ཁྱབ་བོ། །སྤྲིན་ཆེན་སྙིང་པོ་སྤྲིན་ཆེན་པོའི་
D232.064.0136b03.01མདོའི་ཡུལ་བསམ་གྱིས་མི་ཁྱབ་པ་ལ་རྗེས་སུ་ཡི་རང་བར་གྱིས་ཤིག །སྤྲིན་ཆེན་སྙིང་པོ་ཁྱོད་ཀྱིས་སྤྲིན་ཆེན་པོའི་མདོ་དང་འཐུན་པར་དམ་བཅས་ཤིང་སྨོན་ལམ་བཏབ་པ་ནི་ཁྱོད་ཡེ་ཤེས་ཟབ་མོ་དང་ལྡན་པ་ཡིན་གྱིས་སྤྲིན་ཆེན་སྙིང་པོ་མ་སྐྲག་ཅིག །སྤྲིན་ཆེན་སྙིང་པོ་མ་འཇིགས་ཤིག །
D232.064.0136b04.01སྤྲིན་ཆེན་སྙིང་པོ་སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པ་དྲན་པར་གྱིས་ཤིག །བདུད་རྩིའི་ཚིག་སྤྲིན་ཆེན་པོའི་མདོའི་ཡི་གེ་འབྲུ་ལྔའམ། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཟབ་པ་དང་། མཉམ་པ་ཉིད་དང་། རྟག་པ་དང་། ཐེར་ཟུག་པ་དང་། བརྟན་པ་
D232.064.0136b05.01འཆང་བའི་མདོའི་མིང་གི་དོན་ཡང་རུང་སྟེ། གང་ན་ཡང་དག་པར་གནས་པ་དེར་ནི་མེའི་ལམ་གྱི་བཞི་མདོའི་དབུས་སུ་ཡང་འགྲོ་བར་བྱའོ། །སྤྲིན་ཆེན་སྙིང་པོ་གཞན་ཡང་མཉན་པའི་དོན་དང་། བཀུར་སྟི་བྱ་བ་དང་། རི་མོར་བྱ་བ་དང་། མཆོད་པ་དང་། རིམ་གྲོ་བྱ་བའི་ཕྱིར་
D232.064.0136b06.01འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་མེས་ཤིན་ཏུ་གང་བའི་ནང་དུ་ཡང་ཞུགས་ཏེ་འགྲོ་བར་བྱའོ། །སྤྲིན་ཆེན་སྙིང་པོ་གཞན་ཡིད་ལ་མ་སེམས་ཤིག་དང་། ཁྱོད་ལ་དེ་བཞིན་གཤེགས་པ་རྣམས་རྗེས་སུ་ཡི་རང་སྟེ། བདེ་བ་དང་ལྡན་ནམ། རྙེད་པ་རབ་ཏུ་རྙེད་དོ་ཞེས་
D232.064.0136b07.01