完整藏文原文 · 德格版页 当前仅加载第 64 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །ཆོས་ཐམས་ཅད་ནི་སྟོང་པ་དང་མཚན་མ་མེད་པའོ། །ཆོས་རྣམས་ཀྱི་བྱ་བ་དུ་མ་དག་ནི་ནམ་མཁའི་རླུང་གི་རྗེས་ཀྱི་རང་བཞིན་ཅན་ནོ་ཞེས་ཀྱང་བཅོམ་ལྡན་འདས་ཀྱིས་བཀའ་སྩལ། ཡང་འཇིག་རྟེན་ན་སེམས་ཅན་ཐམས་ཅད་ནི་བསམ་གྱིས་མི་ཁྱབ་པའི་ཆོས་སུ་ཡང་དག་པར་འདུའོ་ཞེས་ཀྱང་
D232.064.0199b01.01བཅོམ་ལྡན་འདས་ཀྱིས་བཀའ་སྩལ་ན། བཅོམ་ལྡན་འདས་མི་རྟག་པའི་མཚན་ཉིད་ཀྱི་རང་བཞིན་ཐུགས་སུ་ཆུད་པ་བཞིན་དུ་རྟག་པ་དང་། བདག་དང་། སེམས་ཅན་དུ་འདུ་ཤེས་ཇི་ལྟར་སྐྱེད་དུ་སྩལ། རྟག་པའི་སྤྱོད་པ་ཡང་ཇི་ལྟར་བསྒོམ་པར་བགྱི། སྤྱོད་པ་འདིའི་རྗེས་སུ་ཡང་ཇི་ལྟར་བསླབ་པར་
D232.064.0199b02.01བགྱི། ཡང་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སངས་རྒྱས་ཐམས་ཅད་ཀྱིས་ཤིན་ཏུ་བསྒྲིམས་ཏེ། འདུས་བྱས་ཀྱི་ཆོས་ཐམས་ཅད་ཁོངས་སུ་གཏོགས་པའི་ནང་དུ་སྩལ་ཀྱང་། བདག་ཏུ་འདུ་ཤེས་པ་མ་རྙེད་དོ་ཞེས་བདག་མེད་པ་དང་། སྲོག་མེད་པ་དང་། གང་ཟག་
D232.064.0199b03.01མེད་པར་བཀའ་སྩལ་ཏེ། འགྲོ་བ་འདི་དག་ཐམས་ཅད་སྟོང་པར་ཡང་དག་པར་གསུངས་ན་རྟག་པ་དང་། བདག་དང་། སེམས་ཅན་དུ་འདུ་ཤེས་ཞེས་བཀའ་སྩལ་པ་འདི་ལ་དོན་ཅི་ཞིག་མཆིས། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་ཁྱོད་གར་འབྲོས། ཁྱོད་གང་དུ་འཕྱན།
D232.064.0199b04.01ད་ཕྱིན་ཅད་དེ་སྐད་མ་ཟེར་ཅིག །ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་ཆོས་ཐམས་ཅད་མི་འཐུན་ནོ་ཞེས་སྐྲག་པར་མི་བྱེད་ལ། ཆོས་ཐམས་ཅད་མི་འཐུན་པ་མེད་པའི་ཕྱིར་ཡང་ཚུལ་ཁྲིམས་རྒྱ་ཆེར་མི་སྲུང་ཞིང་སེམས་ཀྱང་སྒོམ་པར་མི་བྱེད་དེ། ཆོས་ཐམས་ཅད་མི་འཐུན་པ་མེད་
D232.064.0199b05.01པས་རབ་ཏུ་དགའ་ནས་བྱང་ཆུབ་སེམས་དཔའི་བྱ་བ་རྩོམ་པ་ལས་ནུར་བར་མི་བྱེད་དོ། །ཆོས་ཐམས་ཅད་ཆད་དོ་ཞེས་ཀྱང་སྐྲག་པར་མི་བྱེད་ལ། ཆོས་ཐམས་ཅད་ཆད་པ་མེད་པའི་ཕྱིར་ཡང་ཚུལ་ཁྲིམས་མི་སྲུང་ཞིང་སེམས་ཀྱང་སྒོམ་པར་མི་བྱེད་དོ། །ཆོས་ཐམས་ཅད་ཆད་པ་མེད་པས་རབ་ཏུ་
D232.064.0199b06.01དགའ་ནས་བྱང་ཆུབ་སེམས་དཔའི་བྱ་བ་རྩོམ་པ་ལས་ནུར་བར་མི་བྱེད་དོ། །དེ་བཞིན་དུ་རྟག་པ་དང་། མི་རྟག་པ་ཡང་གོང་མ་བཞིན་དུ་སྦྱར་བར་བྱའོ། །རློམ་སེམས་དང་། རློམ་སེམས་མེད་པ་དང་གཡོ་བ་དང་། མི་གཡོ་བ་དང་། མངོན་པར་འདུ་བྱེད་པ་དང་། མངོན་པར་འདུ་བྱེད་པ་མེད་པ་དང་།
D232.064.0199b07.01