完整藏文原文 · 德格版页 当前仅加载第 64 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དཔག་ཏུ་མེད། །སངས་རྒྱས་སྤྱོད་ཡུལ་བསམ་མི་ཁྱབ། །མཚུངས་པ་མེད་ཅིང་ཤིན་ཏུ་འདས། །འདས་པ་དག་ཀྱང་དཔག་ཏུ་མེད། །ད་ལྟར་བྱུང་བའང་བསམ་མི་ཁྱབ། །མ་འོངས་པ་ཡང་བསམ་དུ་མེད། །འཇིག་རྟེན་ཁམས་ནའང་བསམ་མི་ཁྱབ། །དཔེར་ན་སྨན་པ་བྱུང་གྱུར་
D232.064.0172b01.01ཅིང་། །མཁས་པ་ཞིག་གིས་ནད་རྟོགས་ནས། །ནད་པའི་ཉམས་ལས་དཔག་བྱས་ཏེ། །ཆོ་ག་རིམ་བཞིན་སྟོན་པ་དང་། །དཔེར་ན་བུད་མེད་མཁས་མ་ཡིས། །རང་གི་བུ་ཡི་ཉམས་རིག་ནས། །སོར་མོའི་རྩེ་མོར་མར་བྱུགས་ཏེ། །ཇི་རན་ལྡག་ཏུ་བཅུག་པ་ལྟར། །དེ་བཞིན་བཅོམ་ལྡན་
D232.064.0172b02.01སངས་རྒྱས་ཀྱང་། །འདུལ་བའི་ཉམས་དྲོད་མཁྱེན་ནས་ནི། །སེམས་ཅན་རྣམས་ཀྱིས་བཟོད་པ་ཡི། །མདོ་སྡེའི་ཚིག་དོན་སྟོན་པར་མཛད། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་
D232.064.0172b03.01བཞིན་གཤེགས་པ་རྣམས་ཀྱི་བསམ་གྱིས་མི་ཁྱབ་པའི་ཡང་བསམ་གྱིས་མི་ཁྱབ་པའི་ཡུལ་སྤྲིན་ཆེན་པོའི་མདོ། །སེམས་ཅན་ཐམས་ཅད་ལ་སྙིང་བརྩེ་བར་བགྱིད་པ་ལེགས་པར་གཟིགས་ནས་དེ་བཞིན་གཤེགས་པས་བཤད་པ་ནི་ཨ་ལ་ལ་ངོ་མཚར་ཏོ། །བཅོམ་ལྡན་འདས་ཏིང་ངེ་འཛིན་གྱི་སྒོ་བཞི་བརྒྱ་
D232.064.0172b04.01ཡང་བཅོམ་ལྡན་འདས་དེ་བཞིན་གཤེགས་པས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་ལེགས་སོ་ལེགས་སོ། །སྤྲིན་ཆེན་སྙིང་པོ་ཁྱོད་ལེགས་ཀྱིས་གནོད་སེམས་ཀྱི་སེམས་དང་ལྡན་པ་རྣམས་བཟོད་པ་ཐོབ་པར་བྱ་བའི་དོན་དང་། ལེ་ལོ་ཅན་
D232.064.0172b05.01དང་དྲན་པ་ཉམས་པ་རྣམས་བརྩོན་འགྲུས་དང་། བསམ་གཏན་ཐོབ་པར་བྱ་བའི་དོན་དང་མ་འོངས་པའི་སེམས་ཅན་བསོད་ནམས་ཆུང་ངུ་རྣམས་ཀྱི་ཕྱིར་དེ་བཞིན་གཤེགས་པའི་ཡུལ་དེ་བཞིན་གཤེགས་པ་ལ་ལེགས་པར་ཞུས་པའི་སྤྲིན་ཆེན་པོའི་མདོའི་ཆར་རྟག་ཏུ་རབ་ཏུ་ཕོབ་ཤིག །སྤྲིན་ཆེན་སྙིང་པོ། སྤྲིན་
D232.064.0172b06.01ཆེན་པོའི་མདོའི་ཡུལ་ལ་ལྟོས། གྲོང་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་གང་དག་ཏུ་སྤྲིན་ཆེན་པོའི་མདོ་འདི་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མས་རྒྱས་པར་རབ་ཏུ་སྤྱོད་དམ། འཆད་དམ་སྟོན་པར་བྱེད་པ་དེ་དང་དེར་སྤྲིན་ཆེན་པོའི་
D232.064.0172b07.01