完整藏文原文 · 德格版页 当前仅加载第 64 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཚོགས་པ་རྣམས་ཡིན་ནོ། །རིགས་ཀྱི་བུ་ཇི་ལྟར་ན་བྱང་ཆུབ་སེམས་དཔའ་མི་སྡུག་པ་བསྒོམ་པ་མང་བ་ཡིན་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་གཅིག་པུ་དབེན་པར་སོང་སྟེ། ནང་དུ་ཡང་དག་པར་བཞག་ནས་རབ་ཏུ་དབེན་པ་ལ་མངོན་དུ་ཕྱོགས་ཤིང་ཤིན་ཏུ་སྐྱོ་བའི་
D231.064.0090b01.01སེམས་ཀྱིས་ལུས་དྲང་པོ་དྲང་པོ་དང་། ལུས་བགས་ཀྱིས་གློད་པས་སྐྱིལ་མོ་ཀྲུང་བཅས་ནས་དྲན་པ་མངོན་དུ་བཞག་སྟེ། ཕྱི་རོལ་ཏུ་མ་བྱུང་བའི་སེམས་ཀྱིས་དེ་འདི་སྙམ་དུ་སེམས་སོ། །ཇི་སྙེད་དུ་མིའི་ནང་ན་ཁ་ཟས་དང་། ཟས་སྐོམ་གཙང་མ་ཡང་རུང་། བཟང་པོ་ཡང་རུང་། ངན་པ་
D231.064.0090b02.01ཡང་རུང་། རོ་ཕུན་སུམ་ཚོགས་པ་ཡང་རུང་། རོ་ཆུང་བ་ཡང་རུང་སྟེ། དེ་ཐམས་ཅད་ལུས་ཀྱི་མེས་རེག་པ་དང་། བཙོག་པར་འགྱུར་ཏེ། རུལ་ཅིང་དྲི་ང་བ་དང་། འཇིག་རྟེན་ཐམས་ཅད་དང་མི་འཕྲོད་པ་ཡིན་ན། དེ་ལ་བྱིས་པ་འདི་དག་ནི་ཤིན་ཏུ་ཞེན་ཅིང་རབ་ཏུ་ཆགས་སོ། །བདག་ཅག་
D231.064.0090b03.01ནི་འཕགས་པའི་ཆོས་འདུལ་བ་ལ་གནས་ཏེ། ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་བརྟགས་ཏེ། འདི་འདྲ་བའི་ལུས་ལ་མ་ཞེན་མ་ཆགས་པར་བྱའོ། །དེའི་ཕྱིར་སྐྱོ་བའི་སེམས་ཀྱང་མི་བསྐྱེད་དོ་སྙམ་སྟེ། དེ་ལྟར་ན་བྱང་ཆུབ་སེམས་དཔའ་མི་སྡུག་པ་བསྒོམ་པ་མང་བ་
D231.064.0090b04.01ཡིན་ནོ། །ཇི་ལྟར་ན་བྱང་ཆུབ་སེམས་དཔའ་བྱམས་པ་བསྒོམ་པ་མང་བ་ཡིན་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་གཅིག་པུ་འབྱུང་བར་འགྱུར་ཏེ། ནང་དུ་ཡང་དག་པར་བཞག་ནས་རབ་ཏུ་དབེན་པ་ལ་མངོན་དུ་ཕྱོགས་ཏེ། ཤིན་ཏུ་སྐྱོ་བའི་སེམས་ཀྱིས་ལུས་དྲང་པོ་དྲང་པོ་དང་། ལུས་
D231.064.0090b05.01བགས་ཀྱིས་གློད་པས་སྐྱིལ་མོ་ཀྲུང་བཅས་ནས་དྲན་པ་མངོན་དུ་བཞག་སྟེ། ཕྱི་རོལ་ཏུ་མ་བྱུང་བའི་སེམས་ཀྱིས་འདི་སྙམ་དུ་སེམས་སོ། །སེམས་ཅན་གང་དག་ཁྲོ་བ་དང་། གནོད་སེམས་མང་བ། མི་དགེ་བའི་ལས་བྱེད་པ་རྣམས་དང་། གང་རྣམས་བདག་ལ་རྒོལ་བ་དང་། དགྲ་བོ་གཅུགས་
D231.064.0090b06.01མེད་པར་ཤར་གཉེར་བ་རྣམས་བྱུང་བའམ། འབྱུང་བར་འགྱུར་བ་ཡང་རུང་སྟེ། བདག་གིས་དེ་དག་ཐམས་ཅད་ཀྱི་ཁྲོ་བ་དང་། གནོད་སེམས་རབ་ཏུ་ཞི་བར་བྱས་ཏེ། བྱང་ཆུབ་ཀྱི་སྙིང་པོ་ལ་འགོད་པར་བྱའོ། །དེ་ཡང་ངག་ཙམ་གྱིས་མ་ཡིན་གྱི་བསམ་པ་ཐག་པས་སེམས་ཏེ། དེ་ལྟར་ན་བྱང་ཆུབ་
D231.064.0090b07.01